Ifiijan 5:15 - Di Jamiekan Nyuu Testiment

¹⁵ Wach ou unu liv. No gwaan laik unu a fuul. Ak laik se unu av sens.

Ifiijan 5:15 Iomraidhean Croise

Matyu 10:16

Mi a sen unu out laik shiip mongks wulf. So waiz op laik siniek an tek it iizi laik dov.

Matyu 25:2

Faiv a dem did fu-fuul, an di neks faiv did av sens.

Matyu 27:24

Wen Pailat si se im neva did a go no we wid dis ya, bot did onggl a rail op di kroud muo, im tek waata wash im an infronta dem an se, “A no mi mek da man ya ded. Fi'im blod de pan fu'unu ed!”

Matyu 27:4

Ier im no, “Mi sin, mi sin, kaa mi sel out sumadi we neehn du notn rang!” Bot dem se tu im se, “Wa dat av fi du wid wi? A fi yu prablem dat, gwaan go diil wid dat yuself!”

Matyu 8:4

Den Jiizas se tu im se, “Mek shuor se yu no tel nobadi, bot galang a wan priis an mek im si yu. Kyari di sakrifais we Muoziz Laa se yu fi gi wen yu skin get beta. Dat wi shuo evribadi se yu aarait nou.”

Luuk 24:25

Jiizas se tu dem se, “Ou unu fuul-fuul so, unu aat so tof unu no waahn fi biliiv aal a wa di prafit dem se!

1 Korintiyan 14:20

Breda an sista no tingk laik se unu a pikni, unu fi tingk laik se unu a big piipl. Onggl gwaan laik pikni wen it kom tu wikidnis kaaz pikni no du no iip a wikid sitn.

Gyalieshan 3:1

Unu fuul-fuul Gyalieshan unu! A uu guzum unu? Mi tel unu klier klier tu unu fies ou Jiizas did ded pan di kraas.

Gyalieshan 3:3

A so unu fuul? Unu staat out a fala Gad Spirit an nou waahn go chrai fi don wid unu uona chrent?

Ifiijan 5:2

Lov unu wan aneda, jos laik ou Krais Jiizas lov unu. Im gi op im laif fi wi laik wan swiit sakrifais we dem bon pan alta gi Gad.

Ifiijan 5:33

Bot rait nou stil, mi a tel di ozban dem se dem fi lov dem waif jos laik ou dem lov demself. An di waif dem fi rispek dem ozban.

Filipiyan 1:27

So mek shuor se unu liv ou di Gud Nyuuz bout Krais Jiizas se unu fi liv. Da wie de weda mi kom luk fi unu, ar mi no kom, mi wi ier se aal a unu a tan op chrang tugeda fi di siem ting an a fait fi wa unu biliiv bout di Gud Nyuuz.

Koloshan 1:9

Siek-a dis, fram di die wi ier dat, wi no tap prie fi unu an a aks Gad fi mek unu nuo fi shuor wa im waahn unu fi du. Wi prie se im Spirit wi mek unu waiz an kyan andastan. Da wie de unu wi riili nuo wa im waahn.

Koloshan 4:5

Unu fi gwaan laik se unu av sens wen unu roun piipl we a no Krais Jiizas falara. No wies no taim, evri chaans unu get unu fi du dat.

1 Tesaluoniyan 5:15

Mek shuor se nobadi no chriit sumadi bad kaaz dat de sumadi did chriit dem bad, bot unu fi aalwiez chrai fi diil wid unu wan aneda gud, an diil wid ada piipl gud tu.

1 Timoti 6:9

Bot di piipl dem we waahn fi rich, di devl chrik dem an mek dem du aal kain-a wikid sitn. Im kech dem wid di fuul-fuul sitn dem we dem waahn an we no gud fi dem. Dem kyaahn si se di sitn dem we dem waahn a-go mash dem op an singk dem.

Iibruu 12:25

Wach out an mek shuor se unu no ton unu bak pan di wan we a chat! Kaaz ef dem neehn get we wen dem did ton dem bak pan di wan pan ort we waan dem, unu tingk se wi a-go get we ef wi ton wi bak pan di wan fram evn we a waan wi?

Jiemz 3:13

Enibadi mongks unu waiz an av sens? Ef unu liv gud, ombl unuself an du wa rait, dat wi shuo se unu waiz.

1 Piita 1:22

Nou dat unu kliin op unu suol kaaz unu fala di riil mesij we dem tiich bout Krais Jiizas, unu kyan riili lov unu wan aneda. Unu mos aalwiez riili lov unu wan aneda wid aal a unu aat.

Revilieshan 19:10

Wen mi ier dis, mi jrap pan mi nii a im fut fi worship im. Bot im se tu mi se, “No, yu kyaahn du dat! Mi sorv Gad jos laik yu an yu breda an sista dem we biliiv evriting we Jiizas tiich. So a Gad yu fi worship, kaaz di chuu sitn dem we nobadi neva nuo an we Jiizas shuo wi, a dat lou piipl fi pred Gad mesij!”