Ifiijan 5:14 - Di Jamiekan Nyuu Testiment

¹⁴ Lait shuo op evriting an mek wi si wa dem riili komiin laik. A dat mek Gad wod se, “Unu we a sliip, wiek op, man. Aal a unu we ded, kom bak alaiv, an mek Krais Jiizas shain pan unu laka lait.”

Ifiijan 5:14 Iomraidhean Croise

Luuk 1:78

Siek-a ou Gad gud an kain tu wi, di maanin son a-go shain dong pan wi.

Luuk 15:24

Mi pikni did ded bot im kom bak alaiv. Im did laas bot mi get im bak.’ So dem staat fi daans an praans.

Jan 8:12

Jiizas staat taak tu di piipl dem agen an se, “Mi a di wan we lait op di worl. Enibadi we fala mi naa go waak iina di daak, bot dem a-go av di lait we gi piipl laif.”

Jan 9:5

Fi az lang az mi iina di worl, mi a di wan we lait op di worl.”

Aks 13:47

Dis a wa di Laad Gad aada wi fi du, im se: “ ‘Mi pik yu laik wan lait fi mek di piipl we a no Juu nuo bout mi, fi tel piipl aal uova di worl bout di wan we kom fi siev dem.’ ”

Ruoman 6:13

No lou no paat a unu fi miks op iina sin. No lou sin fi yuuz unu badi fi du aal kain-a wikidnis. Insted-a dat, gi unu laif tu Gad. A laik unu did ded an Gad mek unu kom bak alaiv an a liv nou. So unu mos gi unuself tu Gad. Gi im evri paat a unu so dat im wi yuuz unu fi du wa rait.

1 Korintiyan 15:34

Unu fi wiek op, tek kanchuol a unuself an tap sin. Unu shuda shiem, kaaz som a unu no nuo Gad at aal.

2 Korintiyan 4:6

Di Gad we se, “Mek di lait shain iina di daak,” a im siem wan mek im lait shain iina wi aat so dat wi kyan andastan umoch im lov wi an ou powaful im bi. An wi onggl get fi andastan dem sitn de wen wi biliiv iina Krais Jiizas.

Ifiijan 2:1

Wan taim unu spirit did ded kaaz unu did a brok Gad laa an unu did a liv iina sin.

Ifiijan 2:5

aal wen wi spirit did ded siek-a wi sin dem, Gad mek wi kom bak alaiv siem taim Jiizas did kom bak alaiv. (A kaaz Gad lov unu iivn duo wi no dizorv it mek im siev unu.)

Koloshan 3:1

Sins Gad mek unu liv agen wen Krais Jiizas did kom bak alaiv, unu fi kip unu main an aat pan di sitn dem we de iina evn. A dem sitn de unu fi waahn. A de-so Krais Jiizas de. An im a sidong pan Gad rait an said.

1 Tesaluoniyan 5:6

So mek wi no sliip laik dem we a liv iina di daak. Bot mek wi kip wi yai waid uopm an wi ed skruu aan gud.

2 Timoti 1:10

Nou Jiizas Krais wi sievya shuo wi ou im kain wen im kom an mek it so dat wi kyaahn ded. Im tiich di Gud Nyuuz so dat wi kuda andastan wa it miin fi liv fi eva.

2 Timoti 2:26

An dem mait-a get sens an si se di devl chrap dem an kyan get outa it. Di devl did chrap dem so im kuda yuuz dem fi du im wok.