Ifiijan 5:11 - Di Jamiekan Nyuu Testiment

¹¹ Unu no fi tek paat iina di rang sitn dem we piipl we no nuo Gad an we a liv iina di daak a du. Wa unu fi du a mek evribadi si se di sitn dem we dem piipl de a du no mek no sens.

Ifiijan 5:11 Iomraidhean Croise

Matyu 18:15

“Nou, ef wan a unu breda ar sista du unu notn, go wan said, an mek dem nuo wa dem du rang. Ef dem lisn, den tingz gaan bak gud agen wid unu an dem.

Luuk 3:19

Bot afta Jan tan op tu Erad Antipas, di ruula, an tel im ou im rang fi marid im breda waif, Eruodiyas, an bout aal di ada wikidnis dem we im du,

Aks 26:18

Mi a sen yu tu dem so yu kyan elp dem fi si an kom outa di daaknis an kom iina di lait. An mi a sen yu fi elp dem get frii fram Sietan powa an mek Gad ruul dem laif. Da wie de dem wi ton paat a Gad piipl uufa sin im paadn kaaz dem biliiv iina im.’

Ruoman 13:12

Wi taim pan da ort ya suun don, it komiin laik wen nait a don an die a lait. So mek wi tap du di wikid sitn dem we piipl du iina di daak an insted-a dat tek op di wepan dem wa wi yuuz fi fait iina di die taim.

Ruoman 16:17

Nou breda an sista, mi a beg unu wach out fi di piipl we kaaz di piipl iina di choch fi plit op an fait wid dem wan aneda, we kaaz piipl fi ton we fram wa dem biliiv an we taak gens an tiich tingz we no lain op wid wa unu did lorn. No av notn fi du wid dem!

Ruoman 6:21

An wa unu did get fram ou unu did a liv? Di sitn dem we unu did du an we unu shiem bout nou, wa unu did get fram dem? Di onggl ting dem sitn de du, a kaaz piipl fi ded.

Gyalieshan 6:8

So ef yu plaant di sitn dem we yu badi waahn, a ded unu a-go ded — a dat unu a-go riip. Bot ef yu plaant di sitn dem we Gad Spirit waahn yu wi riip laif, wan laif we naa go don.

Ifiijan 4:22

Unu lorn se unu fi don we wid di uol laif we unu yuus tu liv an aal a di woklis sitn dem unu yuus tu du, wen unu neva did a fala Jiizas. Dem taim de, unu did lov di wikid sitn dem we onggl did a mash op unu laif.

Ifiijan 5:12

Kaaz di sitn dem we dem a aid an a du, so naasi, piipl shiem fi taak bout dem.

Ifiijan 5:7

So, no kip kompni wid dem de saat a piipl de, an no tek paat iina dem fuulinish.

Koloshan 1:12

an a gi di Faada tangks tu. A Faada Gad mek unu gud inof fi kom get wa im pudong fi im piipl dem iina im kindom. Faada Gad a lait an fi im kindom ful op a im lait.

1 Tesaluoniyan 5:7

Kaaz aal uu sliip — sliip a nait taim. An dem de we jongk aaf demself — a nait taim dem get jongk.

2 Tesaluoniyan 3:14

An ef sumadi no fala wa wi se iina da leta ya maak dem fies, an no diil wid dem so dem fiil shiem.

2 Tesaluoniyan 3:6

Nou, breda an sista, iina wi Laad Jiizas Krais niem, wi a tel unu, kip we fram enibadi we se dem biliiv bot no waahn wok, an we naa waak laik ou wi tel unu fi waak.

1 Timoti 5:20

Di elda dem we sin duo, unu fi karek dem infronta evribadi. Unu mos du dis fi waan di res a piipl dem.

1 Timoti 5:22

No kwik fi put yu an pan nobadi an mek dem liida iina di choch. No shier iina dem sin bot kip yuself kliin.

1 Timoti 6:5

Dem sitn ya onggl kaaz bier aagiment mongks piipl we main wikid an no nuo di chuut. Dem piipl de tingk se fi fala Gad, a wan wie fi mek moni.

2 Timoti 3:5

Dem a-go gwaan laik se dem a Gad piipl bot dem naa go riili biliiv iina Gad. Yu si dem piipl ya, no av notn fi du wid dem.

2 Timoti 4:2

priich Gad wod an mek shuor se yu aalwiez redi fi priich. Ef di taim rait ar it no rait, priich it siem wie. Yu afi shuo di piipl dem di rang we dem a du an put dem iina dem plies kaaz dem a sin. Yu mos tek taim wid dem wen yu a tiich dem an push dem fi du wa rait.

Taitos 2:15

Mek shuor se yu tel evribadi dem sitn ya. Yuuz di powa we Gad gi yu fi push di piipl dem fi fala di chuut an fi karek dem. An no mek nobadi put yu dong ar se yu a wan bad tiicha an no pie yu no main.

Revilieshan 18:4

Den mi ier wan neda vais fram evn se: “Kum outa ar, mi piipl, so unu no afi tek paat iina ar sin dem, so non a di jojment we a-go kech ar na'afi kech unu;