Ifiijan 4:31 - Di Jamiekan Nyuu Testiment

³¹ Tap kyari beli fi unu wan aneda, an beks op beks op an a get mad wid unu wan aneda — tap it. Tap kos out an tier dong unu wan aneda an unu no fi wikid tu unu wan aneda niida.

Ifiijan 4:31 Iomraidhean Croise

Aks 21:30

Di uol siti did rail op, an aal a di piipl dem rosh Paal. Dem grab im an jrag im outa di yaad we Gad ous de, an shot di duor kwik kwik.

Ruoman 3:14

Dem eva a kos an a wish bad tingz pan piipl, an evriting wa dem se shuo se dem bita.”

1 Korintiyan 14:20

Breda an sista no tingk laik se unu a pikni, unu fi tingk laik se unu a big piipl. Onggl gwaan laik pikni wen it kom tu wikidnis kaaz pikni no du no iip a wikid sitn.

1 Korintiyan 5:8

So no mek wi selibriet di Paasuova festival wid uol yiis — yiis we ful op a bad main an wikidnis. Mek wi selibriet it wid bred we naa no yiis — di bred we gud an kliin.

2 Korintiyan 12:20

Mi fried se wen mi riich de, unu naa go tan ou mi waahn unu fi tan an mi naa go tan ou unu waahn mi fi tan. Mi fried se wen mi riich de a bier kyas-kyas a gwaan, piipl a-go beks an a shout aafa dem wan aneda, an piipl a bad main ada piipl fi dem sitn dem. Mi fried se mi a-go fain unu a tel lai pan unu wan aneda an a susu-susu bout unu wan aneda an evribadi onggl a-go bizniz bout demself. Wen mi kom de mi fried se mi a-go fain piipl a gwaan buosi-buosi an evriting a-go ton opsaid dong.

Gyalieshan 5:20

Di piipl we mek dem badi kanchuol dem worship aal kain-a faalz gad an wok uobiya. Dem chriit piipl aad an dem lov kos an fait. Dem bad main piipl fi we dem av an it no tek notn fi set dem aaf. Di piipl dem we mek dem badi kanchuol dem eva waahn piipl fi rispek dem bot dem no rispek nobadi. Dem onggl bizniz wid demself. Dem kaaz piipl fi plit op an dem onggl taak tu dem fren.

Ifiijan 4:22

Unu lorn se unu fi don we wid di uol laif we unu yuus tu liv an aal a di woklis sitn dem unu yuus tu du, wen unu neva did a fala Jiizas. Dem taim de, unu did lov di wikid sitn dem we onggl did a mash op unu laif.

Ifiijan 4:25

So den, unu fi tap tel lai. Mek aal a wi taak di chuut tu wi wan aneda, kaaz di choch komiin laik wan badi, an aal a wi a paat a it.

Ifiijan 4:26

Ef unu get beks bout sopm, no mek dat kaaz unu fi sin. An no mek di die don an unu stil beks wid wan aneda.

Koloshan 3:19

Di ozban dem, unu fi lov unu waif; no chriit dem bad an gwaan laik se dem a unu sliev.

Koloshan 3:8

Bot nou, unu fi get rid a aal a dem sitn ya: no get beks an get so mad dat unu kyaahn iivn kanchuol unuself. No kip malis niida, an no chat bad bout piipl an tier dem dong. An no mek no doti wod kom outa unu mout niida.

1 Timoti 3:11

A siem so di uman dem mos liv dem laif so piipl wi rispek dem. Dem no fi susu-susu, lai ar taak bad bout piipl. Insted-a dat dem fi kyan kanchuol demself, no go uova buod wid notn an piipl fi kyan chos dem.

1 Timoti 3:3

Im no fi lov jringk tu moch an im no fi lov fait, bot im fi nais an jengkl an liv iina piis wid evribadi. Pan tap a dat im no fi lov moni niida.

1 Timoti 5:13

Plos, ef dem go roun fram yaad tu yaad dem wi get liezi. Dem wi get liezi an staat susu-susu, kaaz chobl, an taak tingz we dem no fi a taak.

2 Timoti 2:23

No av notn fi du wid no fuul-fuul ar chupid aagiment an no bada kos-kos wid nobadi uova Gad wod, kaaz yu nuo se dem sitn de onggl kaaz piipl fi fait.

2 Timoti 3:3

Dem naa go lov dem wan aneda ar notn we gud. Dem a-go taak bad bout dem wan aneda tu. Iina di laas die dem, piipl naa go av no kanchuol uova demself an dem a-go gwaan laik dem a wail daag.

Taitos 1:7

Sins di elda a-go inchaaj a Gad wok, im afi bi sumadi we di piipl dem kyan rispek an no av notn bad fi se bout. Im no fi ful-a imself, kwik fi get beks an im no fi lov waar niida. Im no fi lov jringk tu moch an im no fi lov ron dong moni.

Taitos 2:3

A siem so di uolda uman dem fi liv laik uman we se dem a fala Gad. Dem no fi tel lai ar taak bad bout ada piipl. Dem no fi lov wain so til dem kyaahn tap jringk it niida. Di uolda uman dem fi tiich wa gud.

Jiemz 1:19

Mi breda an sista, ier wa mi a se, unu mos kwik fi ier an sluo fi taak ar get beks.

Jiemz 3:14

Bot ef unu aat bita, an unu bad main an onggl a fait fi av unu uona wie, no bada buos bout unuself an ton we fram di chuut, kaaz wen unu du dat unu a mek di chuut luk laik se a lai.

Jiemz 4:11

Mi breda an sista, no taak bad sitn buot wan aneda! Ef unu du dat ar joj piipl an gwaan laik se Gad kyaahn paadn dem, unu a se Gad Laa no gud. An ef unu se di Laa no gud unu a gwaan laik se a unu a joj uova di Laa.

1 Piita 2:1

So tap dabl iina aal kain-a sin an wikidnis. No beks wid piipl an no chat tu dem, no bada tel no lai an no bi no ipokrit niida. Unu no fi bad main piipl fi we dem av. An mek shuor se unu no tek unu mout an tier dong nobadi.

1 Jan 3:12

Wi no fi tan laik Kien we did mek di devl ruul im an mek im go kil aaf im breda. An wa mek yu tingk im kil im breda, iihn? Kaaz im breda du wa rait an Kien, im du wikidnis.

1 Jan 3:15

Enibadi we iet dem breda ar sista a wan mordara, an wi nuo se no mordara kyaahn liv fi eva wid Gad.

Revilieshan 12:10

Den mi ier sumadi iina evn a baal out loud loud se: “Di taim kom nou wen fi wi Gad a-go siev im piipl dem. Nou im a-go tek im powa an ruul kaaz a im a king. Nou Krais Jiizas a-go ruul uova di worl. Kaaz di devl we yuuz tu tan op infronta Gad die an nait an tel lai pan wi breda an sista dem get kik outa evn.