Ifiijan 4:30 - Di Jamiekan Nyuu Testiment

³⁰ No du notn fi mek Gad Uoli Spirit afi baal. A im liv iina unu an put im speshal maak pan unu fi shuo se unu bilang tu Gad an se wan die Gad a-go frii unu kaaz a dat im siev unu fa.

Ifiijan 4:30 Iomraidhean Croise

Maak 3:5

Jiizas luk roun pan dem an im did wel beks an it bon im fi si ou dem aad-iez. So im se tu di man se, “Chrech out yu an.” Di man chrech out im an, an im an get beta.

Luuk 21:28

Wen dem sitn de staat fi apm, tan op chriet an uol op unu ed kaaz di taim fi frii unu suun kom.”

Jan 3:33

Di sumadi we tek iin an fala wa im se shuo klier klier se wa Gad se a chuu sitn.

Aks 7:51

“Unu piipl, unu stoban, an aad-iez an no waahn lisn tu Gad mesij. Unu aat komiin jos laik di piipl dem we no biliiv iina Gad. Unu eva a-go gens wa di Uoli Spirit waahn, siem laik we unu faada faada dem did du!

Ruoman 8:11

A Gad Spirit mek Jiizas kom bak alaiv. So den, ef Gad Spirit a liv iina unu, siem laik ou it mek Jiizas kom bak alaiv a siem so Gad wi yuuz im Spirit fi mek fi wi badi kom bak alaiv afta wi ded.

Ruoman 8:23

An a no jos dem a muon an a gruon, wi we av Gad Spirit a liv iina a wi, di Spirit we a di fos gif Gad gi wi, wi a muon an a gruon tu. Bot wi naa gruon out loud, wi a gruon insaida wiself. Wi a gruon kaaz wi a ded fi Gad frii wi fram da badi ya an gi wi wan nyuu wan an riili mek wi im pikni iina evri wie.

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

1 Korintiyan 15:54

An wen dat apm, a dem taim de di sitn dem we rait dong iina Gad wod a-go apm tu. Mi a taak bout di paat we se, “Det luuz, it naa no powa uova wi.”

1 Tesaluoniyan 5:19

No uol dong ar shot op di Uoli Spirit.

Iibruu 10:29

So a umoch wos Gad fi ponish sumadi we chrampl op pan im Bwai Pikni, an we chriit Jiizas blod laik se it chiip, wen a it yuuz fi set op di nyuu plan we Gad mek? An a it yuuz fi tek we da siem sumadi de sin. Umoch wos im ar shi fi get ponish wen dem taak gens di Uoli Spirit we shuo wi wan kain-a lov we wi no iivn dizorv — iihn, umoch wos?

Iibruu 3:10

A dat mek mi did beks so wid da jinarieshan de, an mi se, ‘Fi dem aat eva a chrie, dem no waahn liv ou mi se dem fi liv an dem naa fala di wie we mi shuo dem.’

Iibruu 3:17

An a uu Gad did beks wid fi faati ier? No di wan dem we did sin an jrap dong ded iina di dezot?