Ifiijan 4:3 - Di Jamiekan Nyuu Testiment

³ Di Uoli Spirit mek di uol a unu ton wan. So du unu bes an mek shuor se unu liv gud wid unu wan aneda.

Ifiijan 4:3 Iomraidhean Croise

Maak 3:24

Ef di piipl a wan kindom a iet dem wan aneda an a fait gens dem wan aneda, da kindom de kyaahn laas lang.

Jan 13:34

“Mi a tel unu fi du sopm nyuu — lov unu wan aneda. Sed wie mi lov unu, a so unu fi lov unu wan aneda.

1 Korintiyan 1:10

Nou iina wi Laad Jiizas Krais niem, mi a beg unu breda an sista fi tap aagyu wid unu wan aneda an plit op plit op di choch iina gruup. Unu niid fi kom tugeda an mek shuor se aal a unu tingk di siem wie an aal a unu mek op unu main fi du di siem sitn.

2 Korintiyan 13:11

Breda an sista, aal mi av fi se fi don da leta ya a dat mi uop se unu wi api. Chienj unu wiez an liv ou unu sopuoz fi liv. Mi a beg unu lisn an fala aal we mi tel unu. Kom tugeda an biliiv di siem ting an liv iina piis wid unu wan aneda. An Gad we lov wi an we gi wi piis wi tan wid unu aalwiez.

Ifiijan 4:13

chrang, so til di uol a wi ton wan; wan, kaaz aal a wi chos iina Gad Bwai Pikni iina di siem wie, an aal a wi gruo op an biyiev jos laik im.

Ifiijan 4:4

Aal a wi a wan badi an a onggl wan Uoli Spirit de, we liv iina wi. Gad kaal aal a wi tu im di siem wie. An aal a wi we Gad kaal a luk fi get di siem sitn fram im we im kaal wi fa.

1 Tesaluoniyan 5:13

Unu fi gi dem nof rispek an shuo dem ou unu tingk dem impuotant. Unu fi lov dem siek-a aal we dem du. Liv iina piis mongks unu wan aneda.

Iibruu 12:14

Chrai aad fi liv iina piis wid evribadi, an chrai fi no dabl-dabl iina sin bot tan gud an kliin kaaz nobadi naa get fi si Gad ef dem no gud an kliin.