Ifiijan 4:28 - Di Jamiekan Nyuu Testiment

²⁸ Aal uu did a tiif mos tap tiif. Wa dem fi du a wok aad fi wa dem waahn. Da wie de, dem wi av inof fi shier wid piipl we no av notn.

Ifiijan 4:28 Iomraidhean Croise

Luuk 19:8

Zakiyos tan op bifuo evribadi an se tu di Laad, “Luk Laad, aaf a we mi av, mi a-go gi tu di puo, an ef mi rab nobadi, mi wi pie dem bak fuo taim wa mi did tiif.”

Luuk 3:8

Du di sitn dem we shuo se unu riili tap sin. An no bada staat tingk tu unuself se unu sief, an se, ‘A Iebriyam a wi faada.’ Mek mi tel unu sopm, Gad kyan mek pikni fi Iebriyam outa dem rakstuon ya ef im waahn!

Jan 12:6

(Nou, im neehn a se so kaaz im did kieta bout puo piipl; a chuu im a did tiif. A im did a luk aafa di chred bag, an im yuus tu tiif out wa dem put iin de.)

Jan 13:29

Bot chuu Juudas did inchaaj a di chred bag, som a dem did tingk se Jiizas did a tel im fi go bai aal a wa dem did fi get fi di Bred Widout Yiis Alidie, ar fi go gi sitn outa it tu puo piipl.

Ruoman 12:13

Ef unu choch breda an sista no av wa dem niid, unu fi shier wa unu av wid dem an unu mos eva redi fi tek iin piipl we a chravl an naa no we fi stie.

1 Korintiyan 4:12

Wi tek wi uona an dem an wok aad aad. Wen piipl kos wi an se aal kain-a sopm bout wi, aal wi du a bles dem. Wen piipl mek wi a sofa, wi no gi op wi jos gwaan uol chrang.

2 Korintiyan 8:12

Umoch yu av no mata, Gad no bizniz wid umoch yu av ar no av. Wa mata a umoch yu waahn fi gi outa we yu av.

2 Korintiyan 8:2

Iivn duo aad taim tek dem an dem did puor so til, dem did eva api fi shier wa dem av wid ada piipl. Dem gi we nof nof sitn.

Gyalieshan 6:10

So wen-eva wi av di chaans fi du gud, mek wi du it. Mek wi du gud fi evribadi, wos ef dem a paat a Gad fambili an biliiv iina Jiizas laik wi.

1 Timoti 6:18

Tel dem fi du nof gud sitn — a dat dem fi rich wid, an tel dem se dem mos gi tu ada piipl an shier wa dem av.

Taitos 3:14

Di piipl we biliiv iina Jiizas an we iina Kriit mos lorn fi wok aad an du gud sitn, so dat dem wi aalwiez av inof, so dem kyan gi piipl we niid it.

Taitos 3:8

Aal a wa mi jos tel yu, a chuu sopm. An a dat mi waahn yu fi tiich aad aad. Tiich it so dat aal a di piipl we biliiv iina Gad wi mek shuor se dem onggl du gud sitn; dem sitn ya gud an wi elp evribadi.