Ifiijan 4:26 - Di Jamiekan Nyuu Testiment

²⁶ Ef unu get beks bout sopm, no mek dat kaaz unu fi sin. An no mek di die don an unu stil beks wid wan aneda.

Ifiijan 4:26 Iomraidhean Croise

Matyu 5:22

Bot ier wa mi a se, jos beks wid unu breda ar unu sista, an unu afi go a kuot, an di joj a-go se unu gilti an rait unu aaf! An enibadi we shiem dem breda ar sista an tel dem ou dem woklis an dem sitn de, unu a-go afi go a di tap-a-tap joj dem, an enibadi we kaal dem breda ar sista wan woklis gud fi notn fuul — el faiya a-go riich dem.

Maak 10:14

Wen Jiizas si dis, im get beks an se, “Lou di pikni dem mek dem kom! No chrai tap dem, kaaz Gad kindom a fi piipl we komiin laik dem likl pikni ya.

Maak 3:5

Jiizas luk roun pan dem an im did wel beks an it bon im fi si ou dem aad-iez. So im se tu di man se, “Chrech out yu an.” Di man chrech out im an, an im an get beta.

Jiemz 1:19

Mi breda an sista, ier wa mi a se, unu mos kwik fi ier an sluo fi taak ar get beks.

Jiemz 1:20

Kaaz wen unu get beks, unu kyaahn du di gud sitn dem we Gad waahn unu fi du.