Ifiijan 3:9 - Di Jamiekan Nyuu Testiment

⁹ Gad mek evriting an a im pik mi fi mek evribadi nuo bout im siikrit plan an ou di plan a-go wok out. Im did aid di plan fram evribadi, fram wie bak wen.

Ifiijan 3:9 Iomraidhean Croise

Matyu 10:27

Eniting mi tel unu iina di daak, anda di kwaiyat, unu fi chat it ou iina di lait mek evribadi ier. An eniting mi wispa iina unu iez, unu mos go baal it out pan di ruuf tap.

Matyu 13:35

Da wie ya, wa di prafit did se, kom chuu: “Mi wi yuuz tuori we soun laik rigl wen mi de taak, an chat di sitn dem we aid op fram di taim wen di worl did a mek.”

Matyu 25:34

“Den di king a-go se tu di wan dem pan im rait-an-said se, ‘aal a unu we mi Faada bles, kom kom tek Gad Kindom, a fu'unu uon. Gad did fiks it op fu'unu fram im a mek di worl.

Matyu 28:19

So gwaan, yuuz fi mi powa, tiich mi mesij tu piipl evriwe, so dem kyan ton mi falara tu. An yuuz di powa we di Faada, di Bwai Pikni an di Uoli Spirit gi an baptaiz dem.

Luuk 24:47

an iina fi mi niem unu fi priich an tel di piipl dem we a no Juu fi ton tu Gad an get paadn fi we dem du rang. Staat rait ya-so iina Jeruusilem.

Jan 10:30

Mi an di Faada a wan an di siem.”

Jan 5:17

Bot Jiizas se tu dem se, “Fi mi Faada eva a wok, an mi a wok tu.”

Jan 5:19

So Jiizas tel dem se, “Mi de tel unu di chuut, di Bwai Pikni kyaahn du a ting pan im uon. Im onggl du wa im si'im Faada a du. Wat-eva di Faada du, di Bwai Pikni dwi'it tu.

Aks 15:18

an piipl nuo dem sitn de fram wie bak wen.”

Ruoman 11:25

Breda an sista mi waahn unu fi andastan da siikrit ya we piipl neva nuo bout bifuo. Mi waahn unu fi andastan it so dat unu no get ful-a unuself an tingk se unu waiz: Di Izrel piipl dem mek op dem main se dem naa biliiv iina Jiizas, bot dat naa go gwaan fi eva. It a-go tap wen aal a di piipl dem we a no Juu an we Gad did pik kom fi biliiv iina im.

1 Korintiyan 2:7

Nuo! mi no tiich we dem tingk waiz. Insted-a dat mi taak bout ou Gad, di onggl wan we riili waiz, did plan fi siev wi fram lang taim. Nobadi neva nuo bout da plan de bifuo kaaz im kip it fram wi. Bot lang bifuo im iivn mek di worl, Gad mek a plan fi siev wi — a so im waiz.

Ifiijan 1:4

Fram wie bak wen, bifuo Gad mek di worl, im pik wi an mek wi an Jiizas wan. Im pik wi, so dat wi kyan liv kliin an no av notn bad iina wi laif fi kip wi we fram im. Siek-a ou im lov wi,

Ifiijan 3:2

Nou, mi shuor se unu ier aredi ou Gad lov mi iivn duo mi no dizorv it. Im pik mi fi da speshal wok ya — fi priich tu unu we a no Juu.

Ifiijan 6:19

Prie fi mi tu. Prie se Gad wi elp mi an tel mi di rait wod fi se. Prie se mi wi no fried evritaim mi uopm mi mout fi tel piipl di siikrit mesij bout di Gud Nyuuz,

Koloshan 1:23

A so it go, ef unu riili uol aan chrang an gwaan chos iina im, an ef unu no tap luk faawod tu di gud sitn dem unu ier bout wen unu ier di Gud Nyuuz. Piipl pred da Gud Nyuuz de aal uova di worl. An mi, Paal, mi ton Gad sorvant, so mi kyan pred di Gud Nyuuz tu.

Koloshan 1:26

Di mesij a di siikrit we Gad did aid fram wen! Di siem siikrit we nobadi at aal neehn nuo bout. Bot nou, Gad mek fi im piipl dem, we gud an kliin, nuo bout it.

Koloshan 3:3

Unu du dat, kaaz unu did ded an unu a-go liv wid Krais Jiizas. Unu riili a liv, duo unu no andastan bout it yet. Unu a-go liv kaa unu an Krais Jiizas kluos an Krais Jiizas an Gad kluos tu.

Koloshan 4:3

An beg unu du, prie fi wi tu. Prie se Gad wi klier di wie, so wi kyan pred di siikrit mesij bout Krais Jiizas — di mesij we nobadi neehn nuo bout. A siek-a da mesij ya dem chien mi op an av mi a prizn ya-so nou.

2 Tesaluoniyan 2:13

Bot breda an sista, wi afi gi Gad tangks fi unu aal di wail. Di Laad lov unu an so im pik unu an kaal unu fi get siev fram iivn bifuo im mek di worl. Di Spirit kliin unu op fi Gad, an unu biliiv iina di chuut tu, so unu get siev.

1 Timoti 3:16

Aal a wi nuo fi shuor se di uol a di sitn dem we Gad shuo wi, we jos big an powaful, a chuu. A chuu se: Jiizas baan a ort laik wan man. Di Uoli Spirit pruuv se Gad did tek im fi im Pikni an di ienjel dem did si im. Piipl priich tu evribadi bout im, evribadi put dem chos iina im an Gad tek im op iina evn.

2 Timoti 1:9

Gad siev wi an pik wi fi bi im piipl. A no kaaz a notn we wi du mek im du dat. Gad pik wi kaaz im did plan fi gud an kain tu wi. Wie bifuo taim im di plan fi shuo wi lov iivn duo wi no dizorv it an sen Krais Jiizas fi siev wi.

2 Timoti 4:17

Bot di Laad did tan op saida mi an gi mi chrent. Im gi mi chrent so dat mi kuda priich di uol a im mesij tu di piipl dem we a no Juu. An im siev mi fram di piipl dem we did waahn fi fling mi gi di laiyan dem.

Taitos 1:2

An wen dem andastan Gad wod it wi gi dem sopm fi luk faawod tu. Dem wi luk fi si an nuo fi shuor se Gad wi mek dem liv fi eva. Kaaz lang bifuo di worl did mek Gad pramis fi mek wi liv fi eva, an Gad no lai.

1 Piita 1:20

Gad did pik im fi du dis fram bifuo dis ya worl did mek an im shuo op iina di laas die dem fi unu uona gud.

Revilieshan 13:8

Evribadi we liv pan di ort a-go worship di wail animal. Di onggl piipl we naa go worship im a di wan dem we riili a liv. Fi dem niem rait dong bifuo di worl mek iina di buk we di Biebi Shiip av — di Biebi Shiip we did get kil.

Revilieshan 14:6

Afta dat, mi si wan neda ienjel a flai iina di skai. Im did av wan mesij fram Gad we a-go laas fi eva fi go tel di piipl dem we liv pan di ort. Di mesij a did fi evri konchri, chraib, piipl, an evri langwij.

Revilieshan 17:8

Di wail animal we yu did si, did alaiv wan taim bot im ded nou. Im a-go kom op outa di diip diip singk uol we na'av no batam, an Gad a-go don im. Aal a di piipl dem pan ort uufa niem no rait dong iina di buk bifuo di worl mek, dem a-go shak wen dem si di wail animal, kaaz im did de ya bifuo, bot im did ded, an im a-go kom bak alaiv. Da buk de av iin di niem a di piipl dem we riili a liv.

Revilieshan 4:11

“Ana an rispek tu yu, wi Laad an wi Gad, yu fi get priez an ana an powa, kaaz yu mek evriting. Yu mek dem kaaz yu did waahn fi mek dem. An dem de ya kaaz yu waahn dem fi de ya.”