Ifiijan 3:8 - Di Jamiekan Nyuu Testiment

⁸ Iivn duo mi no impuotant laik di res a Gad piipl dem, Gad shuo mi lov iivn duo mi no dizorv it an pik mi fi priich tu di piipl dem we a no Juu an fi tel dem bout di nais sitn dem we Krais Jiizas gi im piipl. Dem sitn de so big dat nobadi kyaahn figa dem out.

Ifiijan 3:8 Iomraidhean Croise

Luuk 14:22

“Di sorvant se, ‘Mi du wa yu aada mi fi du Sa, bot ruum de ya fi muo piipl.’

Jan 1:16

Siek-a ou im lov wi so moch an tel wi bier chuu sitn bout Gad, wi get muo lov fram im pan tap a di lov we wi did a get aredi.

Aks 5:41

So di apasl dem lef di miitn wel api kaaz Gad did tingk dem gud inof fi mek dem sofa fi Jiizas Krais.

Aks 9:15

Bot di Laad se tu Ananaiyas se, “Gwaan! Kaaz mi pik da man ya fi sorv mi. Mi pik im fi go tel piipl bout mi, piipl we a no Juu, di king dem an di Izrel piipl dem tu.

Ruoman 11:33

Gad gud an kain tu aal piipl nof nof! Nobadi no waiz laik im an nobadi no nuo aal we im nuo. Uu kyan se wai im mek op im main fi du di sitn dem we im du? Uu kyan andastan di wie im du tingz?

Ruoman 12:10

Lov unu wan aneda laik breda an sista an unu fi aalwiez put unu breda an sista bifuo unuself.

Ruoman 2:4

Gad tek im taim wid unu, im put op wid unu an im no ponish unu siem taim wen unu du rang. Unu no si se Gad gud tu unu? Ar a kier unu no kier bout dem sitn de? Unu no si se Gad kain tu unu, kaaz im chrai fi get unu fi ton we fram sin an sari fi di rang we unu du?

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

1 Korintiyan 15:9

Kaaz di res a apasl dem beta dan mi. Mi no gud inof fi dem iivn kaal mi wan apasl kaaz mi yuus tu mek Gad piipl sofa bad bad an mi aal did kil aaf som a dem.

1 Korintiyan 2:9

Bot it rait dong se: “No yai no si, no iez no ier, aal a di sitn dem we Gad pudong fi di piipl we lov im. Nobadi kudn iivn tingk dem op.”

Gyalieshan 1:16

im mek mi nuo im Bwai Pikni, Jiizas, so dat mi kuda tiich di piipl dem we a no Juu bout im. Mi neva go taak tu nobadi wen dem sitn de apm tu mi,

Gyalieshan 2:8

An jos laik ou a Gad pik Piita fi bi im apasl an gi im di powa fi priich tu di Juu dem, a siem wie im pik mi an gi mi di powa fi priich tu di piipl dem we a no Juu.

Ifiijan 2:7

Gad du aal a dis ya, so dat iina di worl we a-go kom, im kyan shuo evribadi ou im lov wi iivn duo wi no dizorv it an kain tu aal a wi siek-a wa Krais Jiizas du fi wi.

Ifiijan 3:1

Krais Jiizas mek mi, Paal, im prizna, so mi kuda priich tu unu we a no Juu.

Ifiijan 3:16

Gad powaful an im gud an kain kyaahn don, so mi prie se im Spirit wi mek unu chrang.

Ifiijan 3:19

Mi prie se unu wi nuo bout Krais Jiizas lov iivn duo nobadi kyaahn figa out umoch im riili riili lov wi. Wen unu nuo bout Krais lov, Gad wi tek kanchuol a unu laif iina evri wie so til unu komiin jos laik im.

Ifiijan 3:2

Nou, mi shuor se unu ier aredi ou Gad lov mi iivn duo mi no dizorv it. Im pik mi fi da speshal wok ya — fi priich tu unu we a no Juu.

Filipiyan 2:3

So no du notn jos so unu kyan get wa unu waahn. An no shuo aaf fi chrai mek piipl tingk unu impuotant ar beta dan nobadi. Wa unu fi du a ombl unuself an chriit wan aneda beta dan ou unu wuda chriit unuself.

Filipiyan 4:19

An kaaz unu an Krais Jiizas kluos, fi mi Gad gweehn gi unu evriting we unu niid. An unu nuo se im wel rich, an we im av kyaahn ron out.

Koloshan 1:27

Gad did waahn dem nuo umoch im riili riili bles unu — unu piipl we kom fram aal bout. Da mesij ya se Krais Jiizas liv iina unu aat, an unu kyan luk fi kom si an nuo ou Gad big an powaful.

1 Timoti 1:13

Im pik mi iivn duo mi yuus tu kos im an taament im piipl dem. Duo mi did wikid, im di stil gud an kain tu mi kaaz im si se dem taim de mi neva biliiv iina im an mi neva riili nuo wa mi did a du.

1 Timoti 1:15

Nou lisn mi gud kaaz wa mi bout fi tel yu a no no lai bot a chuu sopm we di uol a wi fi tek an biliiv: Jiizas kom iina di worl fi siev sina. Luk pan mi, mi a did di wos kain-a sina an Gad siev mi.

1 Timoti 2:7

A so mek Gad sen mi fi bi im apasl, so mi kuda priich di chuut. Im sen mi fi tiich aal a di piipl dem we a no Juu an tel dem se Gad wi siev dem ef dem biliiv iina Jiizas. Mi naa lai, mi a tel yu di chuut.

2 Timoti 1:11

A da siem Gud Nyuuz de Gad se mi fi tiich. Im mek mi wan a Jiizas apasl dem so mi kuda tel di piipl dem di Gud Nyuuz.

Revilieshan 3:18

Dis a wa mi tingk unu shuda du, bai guol fram mi, guol we bon iina faiya fi get out aal wa no fi iina it. Ef unu bai da guol de, unu wuda riili get rich. Bai wait kluoz fram mi so unu kyan kova op unuself. Da wie de unu na'afi shiem kaaz unu na'av aan no kluoz. An bai yai jrap fram mi tu fi jrap iina unu yai dem so unu kyan si.