Ifiijan 3:5 - Di Jamiekan Nyuu Testiment

⁵ Gad neehn shuo da siikrit ya tu piipl bifuo nou. Bot iina dem taim ya, im mek di Uoli Spirit tel im piipl dem we im pik fi bi im apasl an prafit dem bout di siikrit.

Ifiijan 3:5 Iomraidhean Croise

Matyu 13:17

Kaaz mi a tel unu dis, an a chuu mi de taak, nof prafit an piipl we du rait did wel waahn fi si wa unu si, an ier wa unu ier bot dem neehn si ar ier it.

Matyu 20:7

“Dem ansa bak, ‘Kaaz nobadi naa gi wi no wok sa.’ “So im se tu dem se, ‘Unu gwaan go wok pan mi griep faam tu.’

Matyu 23:34

A dat mek mi a-go sen prafit tu unu, mi a-go sen som man we waiz kom, an som piipl we tiich Gad wie, som a dem unu a-go kil an niel pan di kraas, an som, unu a-go biit dem iina di Juu dem choch an ron dem dong fram toun tu toun laik wail animal.

Luuk 10:24

Kaaz mi a tel unu se a nof a Gad prafit dem an uol iip a king did waahn fi si wa unu si, an ier wa unu ier, bot dem neehn si ar ier it.”

Luuk 11:49

Siek-a dis, Gad we waiz iina evri wie se, ‘Mi wi sen prafit an apasl gi dem, bot dem wi kil som, an dem a-go mek som a dem sofa.’

Jan 14:26

Bot di elpa, di Uoli Spirit, we di Faada gweehn sen kaa unu a mi falara, im a-go tiich unu evriting an im a-go memba unu bout evriting mi tel unu.

Jan 16:13

Bot wen di Spirit we shuo di chuu sitn dem bout Gad kom, im gweehn mek unu nuo aal a di sitn dem we chuu. Im naa go taak aafa im uon. Im onggl a-go taak wa im ier mi Faada se, an im a-go tel unu wa a-go apm.

Aks 10:28

So Piita se tu dem, “Aal a unu nuo se azkaadn tu di Juu dem Laa, it no rait fi wan Juu av notn fi du wid piipl we a no Juu, ar fi go a dem yaad. Bot Gad shuo mi se mi no fi luk pan nobadi an tingk se dem no kliin ar se it rang fi mi kip kompni wid dem.

Ruoman 16:25

Mek wi priez Gad — Gad we kyan mek unu tan op chrang iina wa unu biliiv azkaadn tu di Gud Nyuuz we mi priich bout Krais Jiizas, an azkaadn tu di chuu sitn dem we a did siikrit fram lang lang taim a bak,

1 Korintiyan 2:10

Bot Gad yuuz im Spirit fi shuo wi aal a dem sitn de. Gad Spirit sorch an fain out evriting, it aal nuo di sitn dem we Gad a tingk we nobadi els no nuo bout.

Ifiijan 2:20

Unu komiin laik wan bildin. Jos laik ou bildin mek pan foundieshan, a siem so unu av wan foundieshan. Fi unu foundieshan a di apasl an prafit dem. An Krais Jiizas a di rakstuon we uol di bildin tugeda.

Ifiijan 3:9

Gad mek evriting an a im pik mi fi mek evribadi nuo bout im siikrit plan an ou di plan a-go wok out. Im did aid di plan fram evribadi, fram wie bak wen.

2 Piita 3:2

Mi waahn unu fi memba we Gad prafit dem did se iina di paas. An mi waahn unu memba di sitn dem we Gad se wi fi du tu, we Jiizas Krais gi im apasl dem we de iina fi unu ieriya fi gi unu.

Juud 1:17

Mi fren, unu fi memba wa wi Laad Jiizas Krais apasl dem did tel unu.