Ifiijan 3:20 - Di Jamiekan Nyuu Testiment

²⁰ Tangks an priez tu di muos powaful Gad! Im kyan du nof nof muor dan wa wi kyan tingk bout an nof muo dan wa wi kyan aks im fa, kaaz a fi im powa a wok iina wi laif!

Ifiijan 3:20 Iomraidhean Croise

Matyu 3:9

An no bada se dis an tingk se unu sief: ‘A Iebriyam a wi faada.’ Mek mi tel unu sopm, Gad kyan mek pikni fi Iebriyam outa dem rakstuon ya ef im waahn!

Jan 10:10

Di tiif kom onggl fi tiif, fi kil an fi mash op. Mi kom so dat dem kyan liv laif an no waahn notn at aal.

Ruoman 16:25

Mek wi priez Gad — Gad we kyan mek unu tan op chrang iina wa unu biliiv azkaadn tu di Gud Nyuuz we mi priich bout Krais Jiizas, an azkaadn tu di chuu sitn dem we a did siikrit fram lang lang taim a bak,

Ruoman 4:21

Iebriyam biliiv wid aal a im aat, im did shuor se Gad kuda du evriting we im pramis fi du.

1 Korintiyan 2:9

Bot it rait dong se: “No yai no si, no iez no ier, aal a di sitn dem we Gad pudong fi di piipl we lov im. Nobadi kudn iivn tingk dem op.”

2 Korintiyan 9:8

Gad av di powa fi gi unu aal we unu kuda niid an im wi aalwiez gi yu muor dan inof so dat unu kyan gi tu piipl we niid it.

Ifiijan 1:19

Pan tap a dat, mi prie se unu wi andastan se notn kyaahn mach fi im powa we a wok fi di piipl we chos iina im. Da powa de a di siem chrang chrang powa

Ifiijan 3:7

Siek-a ou Gad lov mi iivn duo mi no dizorv it, im yuuz im powa an pik mi fi gi mi da wok ya fi tel piipl bout di Gud Nyuuz.

Koloshan 1:29

A dis mi a wok fa. Mi a wok aad aad. Mi onggl kyan du dis kaaz Krais Jiizas gi mi powa fi du it.

1 Timoti 1:14

Jiizas Krais wi Laad did shuo mi lov iivn duo mi neva dizorv it at aal at aal. Im kaaz mi fi biliiv iina im an fi lov piipl.

Iibruu 11:19

Iebriyam did don riizn out se, Gad kuda mek ded piipl kom bak alaiv, an iina wan wie a ded Aizak did ded an im get im bak.

Iibruu 7:25

Piipl kyan kom tu Gad siek-a im an im kyan siev dem piipl de fi eva an eva. Im kyan siev dem fi eva kaaz im naa ded so im kyan aalwiez taak tu Gad fi dem.

Jiemz 4:12

Bot a onggl wan sumadi gi di Laa, an a im a di onggl joj. A im kyan siev piipl an im kyan sen dem go ded tu. So uu unu tingk unu bi fi a joj nobadi?

2 Piita 1:11

Da wie ya, Gad wi uopm op waid waid tu unu di duor fi di kindom a wi Laad an Sieviya Jiizas Krais — di kindom we a-go laas fi eva an eva. An im a-go gi unu aal rait fi go iin de.

Juud 1:24

Di onggl Gad, di wan we siev unu, av powa fi kip unu fram tombl dong iina di devl chrap. Im wi mek unu tan op infronta im iina im brait brait lait wen im kom bak iina aal a im powa, an mek unu wel api an no fain no faalt wid unu.