Ifiijan 2:8 - Di Jamiekan Nyuu Testiment

⁸ Gad siev unu kaaz im lov unu iivn duo wi no dizorv it, an kaaz unu chos iina im. A no siek-a notn we unu du mek im siev unu. Di nyuu laif we Gad gi unu a wan prezent.

Ifiijan 2:8 Iomraidhean Croise

Matyu 16:17

So den Jiizas se tu im se, “Saiman, Juona bwai pikni, yu bles, kaa a no naamal piipl mek yu nuo dat, bot a fi mi Faada we iina evn tel yu dat!

Matyu 20:9

“Wen di wan dem we staat wok bout faiv aklak kom fi fi dem pie, aal a dem get wan uol a die pie.

Maak 16:16

Ef nobadi biliiv an get baptaiz, a dem a-go get siev, bot di wan dem wa no biliiv, jojment fi dem!

Luuk 7:50

Jiizas tel di uman se, “Kaaz yu chos iina mi, Gad siev yu. Go a yu yaad wid piis iina yu aat.”

Jan 3:36

Di sumadi we chos iina im Bwai Pikni a-go liv fi eva, bot di wan we no waahn fi av notn fi du wid im naa go liv, an Gad eva a-go ponish im.”

Jan 4:10

Jiizas ansa ar an se, “Ef yu did nuo bout di speshal sitn we Gad gi — Ef yu did nuo a uu de aks yu fi waata, yu wuda aks im fi waata, an im wuda gi yu it an mek yu liv wan nyuu saat a laif.”

Jan 5:24

“Mi de tel unu fi chuu chuu, enibadi we ier we mi se an chos iina di wan we sen mi, a-go liv fi eva. Dem naa go get sen fi ded. Nuo! Dem get muuv uova fram we paat dem wuda ded, an gaan uova tu we paat dem gweehn liv.

Jan 6:35

Den Jiizas se tu dem se, “A mi a di bred we gi laif. Di sumadi we kom tu mi naa go onggri agen. Di sumadi we chos iina mi naa go torsti agen.

Jan 6:37

Evribadi we di Faada gi mi a-go kom tu mi, an mi naa go ron dem.

Jan 6:40

Kaa mi Faada waahn evribadi we si di Bwai Pikni fi uu im riili bi an we chos iina im fi liv fi eva, an a mi a-go mek dem kom bak alaiv pan di laas die.”

Jan 6:44

“Sumadi kyan onggl kom tu mi ef a di Faada jraa dem kom, an mi a mek dem kom bak alaiv pan di laas die.

Jan 6:65

So pan tap a dat im se, “A dat mek mi tel unu se nobadi kyaahn kom tu mi ef mi Faada no gi'im di chaans.”

Aks 13:39

Siek-a wa Jiizas du, evribadi we biliiv iina im, Gad mek dem no gilti no muor an frii dem fram dem sin wen Muoziz Laa kudn du dat.

Aks 14:27

Wen dem riich a Antiyak, Paal an Baanabas gyada op di choch piipl an tel dem evriting we Gad did gi dem powa fi du, an ou Gad gi di piipl we a no Juu di chaans fi biliiv iina im.

Aks 15:11

Nuo man! Wi biliiv a chuu wi Laad Jiizas lov wi iivn duo wi no dizorv it wai im siev wi jos laik ou im siev dem.”

Aks 16:14

Yu did av wan uman mongks dem fram Taiyataira niem Lidiya we yuus tu sel som dier porpl klaat. Shi did lov Gad so moch dat shi aalwiez a du di sitn dem we shi nuo Gad waahn ar fi du. Di Laad toch ar aat mek shi andastan an biliiv wa Paal did a se.

Aks 16:31

Dem se tu im se, “Biliiv iina di Laad Jiizas an yu wi get siev, yu an aal uu liv iina yu ous.”

Ruoman 10:14

Bot ef dem no biliiv iina im, ou dem fi kaal pan im? An ou dem fi biliiv iina im ef dem neva ier di mesij bout im? Ou dem fi ier ef sumadi no go priich tu dem?

Ruoman 10:17

So den, piipl kyan onggl kom fi biliiv wen dem ier di mesij, an dem kyan onggl ier, ef sumadi go priich tu dem bout Krais Jiizas.

Ruoman 4:16

A dat mek Gad neva mek im pramis bies pan weda piipl fala ar no fala di Laa, bot bies pan weda dem chos ar no chos iina im. Gad mek it da wie de so dat piipl wuda nuo se di sitn dem we im pramis a fi im frii gif tu aal a Iebriyam pikni dem. No jos di pikni dem we a fala di Laa bot tu di wan dem we biliiv laik Iebriyam tu. Iebriyam a di faada fi evribadi.

Ruoman 4:5

Bot ef sumadi no afi du notn fi Gad mek tingz rait bitwiin im an dem, ef aal dem afi du a chos iina Gad, Gad we tek we piipl sin an se dat dem kliin, no wan gif im a gi wi? A no sopm wi did afi wok fa.

Ruoman 9:16

So den Gad no pik piipl bies pan wa dem waahn ar pan we dem du; Gad pik piipl bies pan uu im waahn fi gud an kain tu.

Gyalieshan 3:14

Jiizas ded fi wi so dat di piipl dem we a no Juu an we biliiv iina im kyan get bles siem laik ou Gad did bles Iebriyam. Im du it tu so dat wen wi chos iina im wi kyan get di Spirit we Gad pramis fi gi wi.

Gyalieshan 3:22

Bot a no so it go. Iina Gad wod it rait dong se, sin av powa uova evribadi iina di worl, it komiin laik se wi iina prizn. An so Gad pramis fi siev wi an mek wi liv fi eva ef wi biliiv iina Jiizas Krais.

Ifiijan 1:19

Pan tap a dat, mi prie se unu wi andastan se notn kyaahn mach fi im powa we a wok fi di piipl we chos iina im. Da powa de a di siem chrang chrang powa

Ifiijan 2:10

A Gad mek wi tan ou wi tan. Gad mek wi an Jiizas wan, so wi kyan du di gud sitn dem we im did plan fi wi du fram wie bak wen.

Ifiijan 2:5

aal wen wi spirit did ded siek-a wi sin dem, Gad mek wi kom bak alaiv siem taim Jiizas did kom bak alaiv. (A kaaz Gad lov unu iivn duo wi no dizorv it mek im siev unu.)

Filipiyan 1:29

Kaaz Gad so gud tu unu, im gi unu di chaans, no onggl fi biliiv iina Jiizas Krais bot fi sofa fi im tu.

Koloshan 2:12

An wen unu did get baptaiz, a laik se unu did ded an beri wid Krais Jiizas. An a laik se Gad mek unu liv agen tu wen Jiizas kom bak alaiv. Im du dat jos kaaz unu chos iina im powa. A im tek we Jiizas fram mongks ded piipl an mek im kom bak alaiv.

2 Tesaluoniyan 1:9

Dem a-go get ponish. Dem a-go sofa fi eva an eva, kaaz dem naa go kyan de we di Laad de, an dem naa go eva get fi si ou di Laad big an powaful.

Iibruu 6:4

Notn kyaahn mek piipl we did a waak wid Gad an ton bak an tap biliiv iina im, we did nuo di chuut we kom fram Gad, we did nuo ou it fiil fi Gad gi dem sopm kaaz dem get tingz fram im, we get di Uoli Spirit tu laik ada piipl,

1 Piita 1:5

Di siem wie Gad tek kier a dem, a siem so im powa a-go kip unu sief tu, kaaz unu chos iina im. Im a-go kip unu sief an siev unu iina evri wie, an a pan di laas die unu a-go si aal a dat.