Ifiijan 2:6 - Di Jamiekan Nyuu Testiment

⁶ Gad mek wi kom bak alaiv siem taim wid Jiizas, an mek wi sidong wid Jiizas iina evn so wi kyan ruul wid im, kaaz wi an Jiizas a wan.

Ifiijan 2:6 Iomraidhean Croise

Matyu 26:29

Ier wa mi a se, mi naa jringk no muo wain til da die de kom wen mi jringk it wid unu wan nyuu wie iina mi Faada Kindom.”

Luuk 12:37

It a-go gud fi di sorvant dem uufa maasta fain dem bizi a wiet fi'im kom bak. Mi a tel unu dis, di maasta imself a-go put aan im wok kluoz, mek dem sidong a di tiebl, an im wi sorv dem.

Jan 12:26

Enibadi we waahn sorv mi afi fala mi. Eniwe mi de, dem a-go de de tu, an mi Faada a-go big dem op.

Jan 14:3

An afta mi go we go fiks it op, mi gweehn kom bak kom tek unu kyari go we wid mi, so dat unu kyan de wid mi eniwe mi de.

Ifiijan 1:1

Mi a Paal. Gad pik mi fi bi wan a Jiizas Krais apasl, kaaz a dat im did waahn. Mi a rait da leta ya tu aal a Gad piipl we de iina Efisos an we riili chos iina Jiizas.

Ifiijan 1:3

Wi priez Gad. Im a di Gad an Faada fi wi Laad Jiizas Krais. Kaaz wi an Krais Jiizas a wan, Faada Gad mek wi spirit api an mek wi kyan tek paat iina evriting gud we kom fram evn.

Ifiijan 2:10

A Gad mek wi tan ou wi tan. Gad mek wi an Jiizas wan, so wi kyan du di gud sitn dem we im did plan fi wi du fram wie bak wen.

Ifiijan 2:13

Bot, siek-a Jiizas Krais blod, unu we did de faar fram Gad no de faar agen.

Koloshan 1:18

Im a di ed fi di choch, we a fi im badi, so a im kanchuol it. Im a di wan we staat op evriting — a im gi nyuu laif. An im a di fos wan fi ded an kom bak alaiv. Da wie de, im a fos iina evriting an im ruul uova evriting.