Ifiijan 2:17 - Di Jamiekan Nyuu Testiment

¹⁷ So Jiizas Krais kom kom priich di Gud Nyuuz bout ou piipl kyan av piis wid Gad. Im priich tu di Juu dem we a Gad piipl an tu piipl we a no Juu we neehn nuo Gad.

Ifiijan 2:17 Iomraidhean Croise

Matyu 10:13

Ef di piipl dem iina di yaad tek unu iin, an chriit unu gud, mek di piis we unu aks Gad fi gi dem, tan wid dem, bot ef dem no tek unu iin an chriit unu gud, den aks Gad fi tek it bak.

Luuk 15:8

“Ar sopuoz wan uman av ten silva kain an laas wan. Shi naa go lait lamp, swiip out di uol a di ous, an luk evriwe til shi fain it?

Luuk 2:14

“Priez Gad we de a evn, an piis fi evribadi we Gad api wid.”

Aks 10:36

Unu nuo di mesij we Gad sen kom tu di Izrel piipl. Di mesij we se dat Gad a-go yuuz Jiizas we a Laad fi evribadi fi mek tingz rait wid im an piipl.

Aks 2:39

Wa Gad pramis a fi unu an unu pikni dem an fi aal uu liv faar faar fram ya-so — a fi evribadi we Gad a-go kaal fi bi im pikni.”

Ruoman 10:14

Bot ef dem no biliiv iina im, ou dem fi kaal pan im? An ou dem fi biliiv iina im ef dem neva ier di mesij bout im? Ou dem fi ier ef sumadi no go priich tu dem?

Ruoman 5:1

Gad put tingz rait bitwiin wi an im, kaaz wi biliiv iina im. An siek-a wa wi Laad Jiizas Krais did du, wi an Gad a liv iina piis.

2 Korintiyan 5:20

So wi a taak fi Krais Jiizas, an a laik se Gad a yuuz wi fi beg unu fi lisn tu wa wi a se. An sins wi a taak fi Krais Jiizas, wi a beg unu fi mek Gad put tingz rait bitwiin unu an im.

Ifiijan 4:21

Mi shuor se wa unu ier bout im, an wa unu lorn bout im, a di chuu mesij bout im.