Ifiijan 2:16 - Di Jamiekan Nyuu Testiment

¹⁶ Wen Jiizas ded pan di kraas, im put di tuu gruup a piipl dem tugeda an im mek tingz rait bitwiin dem an Gad. A so kom im mek dem tap iet dem wan aneda.

Ifiijan 2:16 Iomraidhean Croise

Ruoman 5:10

Wi a did Gad enimi, an iivn duo wi a did im enimi, Gad sen Jiizas fi ded fi wi sin dem an im mek tingz rait bitwiin wi an im. So nou dat tingz rait bitwiin wi an Gad, wi kyan nuo fi shuor se Jiizas wi siev wi wen Gad kom fi joj di worl. Wi nuo se im wi siev wi kaaz im kom bak alaiv.

Ruoman 6:6

Wi nuo se di wie wi yuus tu liv, dat don wid — it ded wid Jiizas pan di kraas. It ded wid im so dat sin wudn av no powa uova wi. It ded wid im so dat sin kudn tek wi fi sliev no muor.

Ruoman 8:3

Wi aat so ful op a sin wi kudn fala aal we di Laa se an so di Laa kudn siev wi. Bot Gad du we di Laa kudn du. Gad tek im Bwai Pikni ton im iina wan man, gi im wan badi siem laik fi wi uon we wuda waahn fi sin, an sen im kom a ort fi ded fi wi sin dem.

Ruoman 8:7

So ef sumadi onggl a tingk bout di sitn dem we dem badi waahn, dem ton Gad enimi. Dem ton im enimi kaaz dem naa fala im Laa, an dem naa go kyan fala it niida.

1 Korintiyan 10:17

So a onggl wan bred de bout an aal a wi ton wan badi wen di uol a wi iit da bred de.

Gyalieshan 2:20

An a no mi a liv no muor bot a Krais Jiizas a liv iina mi. Nou mi liv kaaz mi chos iina Gad Bwai Pikni — di wan we lov mi an we ded fi mi.

Ifiijan 2:15

An im du dat, wen im ded pan di kraas an tek we di Laa wid di ruul dem, so wi no afi fala dem no muor. Im du dat, so dat, wid im uona laif, im kuda mek piis mongks piipl we a Juu an piipl we a no Juu, an so dat im kuda ton dem iina wan gruup a piipl.

Ifiijan 3:6

Di siikrit mesij a dat wen piipl we a no Juu biliiv iina di Gud Nyuuz, dem ton Gad pikni an tek paat iina aal a di gud sitn dem Gad gi di Juu piipl dem. Pan tap a dat, aal a dem jain op tugeda wid di Izrel piipl dem we bilang tu Gad, an siek-a wa Jiizas du, dem gweehn get aal a wa Gad pramis fi gi im piipl dem.

Ifiijan 4:4

Aal a wi a wan badi an a onggl wan Uoli Spirit de, we liv iina wi. Gad kaal aal a wi tu im di siem wie. An aal a wi we Gad kaal a luk fi get di siem sitn fram im we im kaal wi fa.

Koloshan 2:14

Im tier op aal we di Laa se wi uo, an niel dem pan di kraas. Im niel it op an muuv it outa wi wie, wen im did ded pan di kraas. An siek-a wa apm tu im, wi no afi pie fi notn agen.

Koloshan 3:15

Krais Jiizas gi unu piis. So mek di piis we im gi unu tek kanchuol a unu aat. Im kaal unu fi kom liv iina piis wid unu wan aneda laik ou a di uol a unu kom tugeda an mek op di wan badi. An gi Gad tangks tu.