Ifiijan 2:15 - Di Jamiekan Nyuu Testiment

¹⁵ An im du dat, wen im ded pan di kraas an tek we di Laa wid di ruul dem, so wi no afi fala dem no muor. Im du dat, so dat, wid im uona laif, im kuda mek piis mongks piipl we a Juu an piipl we a no Juu, an so dat im kuda ton dem iina wan gruup a piipl.

Ifiijan 2:15 Iomraidhean Croise

2 Korintiyan 5:17

Wen sumadi biliiv iina Krais Jiizas, dem ton wan nyuu sumadi. Dem tap liv di wie dem yuus tu liv bifuo dem biliiv an staat liv difrant.

Gyalieshan 3:10

Gad a-go ponish di piipl dem we a fala di Laa an tingk se dat a-go siev dem. Kaaz nobadi kyaahn fala aal a di Laa dem an it rait dong iina Gad wod se, “Enibadi we no fala aal a di Laa dem, Gad a-go ponish dem.”

Gyalieshan 3:28

Unu no plit op no muor. Unu no av piipl we a Juu an piipl we a no Juu ar piipl we a sliev an piipl we frii. It no iivn mata ef unu a man ar uman, aal a unu a wan kaaz aal a unu biliiv iina Jiizas.

Gyalieshan 6:15

A no notn ef yu sorkomsaiz ar yu no sorkomsaiz; di onggl ting we mata a se Gad tek yu an ton yu iina wan nyuu sumadi.

Ifiijan 2:10

A Gad mek wi tan ou wi tan. Gad mek wi an Jiizas wan, so wi kyan du di gud sitn dem we im did plan fi wi du fram wie bak wen.

Ifiijan 2:14

Wan taim, piipl we a Juu an piipl we a no Juu did iet dem wan aneda. Bot nou, Jiizas mek di tuu a dem liv laik wan. Im brok dong di iet we dem did fiil an we did a kip dem fram wan aneda. It did komiin laik wan stuon waal. Nou, dem kyan liv tugeda, kaaz Jiizas tek di tuu a dem an mek dem iina wan gruup a piipl.

Ifiijan 2:16

Wen Jiizas ded pan di kraas, im put di tuu gruup a piipl dem tugeda an im mek tingz rait bitwiin dem an Gad. A so kom im mek dem tap iet dem wan aneda.

Ifiijan 4:16

Di ed kanchuol di difrant paat dem pan di badi. An di jaint dem mek di difrant badi paat dem kanek op iina wan fi faam wan badi. Ef aal a di paat dem pan di badi du wa dem fi du, di badi wi gruo chrang. A siem so it go iina di choch. Wen evribadi du we dem supuoz fi du, di piipl dem iina di choch wi gruo chrang wid lov iina dem aat.

Koloshan 2:14

Im tier op aal we di Laa se wi uo, an niel dem pan di kraas. Im niel it op an muuv it outa wi wie, wen im did ded pan di kraas. An siek-a wa apm tu im, wi no afi pie fi notn agen.

Koloshan 2:20

Sins Krais Jiizas ded pan di kraas, di spirit dem we ruul iina da worl ya naa no muo kanchuol uova unu. So sins unu did ded wid im, wa mek unu a liv laik se unu bilang tu da worl ya — a fala fi dem ruul an a du wa dem se?

Koloshan 3:10

Unu a nyuu sumadi nou. An Gad a mek unu komiin muo an muo laik im. Da wie de unu kyan riili get fi nuo im — di wan we mek unu, an we mek evriting els.

Koloshan 3:11

Siek-a dat, wi no av Juu piipl difrant fram piipl we a no Juu. Wi no av piipl we sorkomsaiz difrant fram di wan dem we no sorkomsaiz. Wi no kaal nobadi wail, farina piipl, an wi no av sliev difrant fram piipl we frii. Kaaz rait ya nou, Krais Jiizas a aal wi bizniz bout, an im iina aal a wi we a liv da nyuu laif ya.

Koloshan 3:15

Krais Jiizas gi unu piis. So mek di piis we im gi unu tek kanchuol a unu aat. Im kaal unu fi kom liv iina piis wid unu wan aneda laik ou a di uol a unu kom tugeda an mek op di wan badi. An gi Gad tangks tu.

Iibruu 7:16

an im no kom ton priis siek-a di fambili we im kom fram laik ou di laa se it fi go. Im ton priis kaaz im kyaahn ded — an dat powaful.

Iibruu 8:13

Wen di Laad se di pramis we im mek a wan ‘nyuu’ wan, im miin se di fos wan naa yuuz agen. An ef sitn naa yuuz, an a get uol, den it suun gaan an don fa.

Iibruu 9:23

So, di sitn dem we onggl komiin laik di wan dem we de a evn, dem sakrifais de did afi bon fi mek dem sitn de get kliin. Bot di wan dem we de a evn — di riil wan dem, beta sakrifais did afi bon fi dem sitn de.