Ifiijan 1:7 - Di Jamiekan Nyuu Testiment

⁷ Jiizas gi op im laif pan di kraas an fi im blod mek wan wie fi frii wi an paadn wi fram wi sin dem. A chuu Gad gud an kain mek dem sopm ya kyan apm.

Ifiijan 1:7 Iomraidhean Croise

Matyu 20:28

A so it fi go, jos laik ou di Man we Gad Pik neehn kom ya fi nobadi sorv im; a kom im kom ya fi sorv piipl an fi gi op im laif so piipl kyan get frii fram dem sin.”

Matyu 26:28

Kaaz dis a mi blod. A da blod ya yuuz fi set op di nyuu plan we Gad mek wid unu. A da blod ya ron fi evribadi, so dem kyan get paadn fi dem sin.

Matyu 6:12

Paadn wi fi aal a di rang we wi du, siem laik ou wi paadn dem we du wi rang.

Maak 14:24

Den im se tu dem se, “Dis a mi blod we set op di nyuu plan we Gad mek wid unu, mi blod we bliid out fi nof piipl.

Luuk 1:77

Yu a-go mek Gad piipl nuo se di Laad a kom fi siev dem; Im a-go paadn dem so dem kyan get siev.

Luuk 24:47

an iina fi mi niem unu fi priich an tel di piipl dem we a no Juu fi ton tu Gad an get paadn fi we dem du rang. Staat rait ya-so iina Jeruusilem.

Jan 20:23

Ef unu paadn sumadi fi di rang we dem du, Gad a-go paadn dem; ef unu no paadn dem, Gad naa go paadn dem niida.”

Aks 10:43

Aal a di prafit dem taak bout im an se Gad wi paadn enibadi we biliiv iina Jiizas fi aal a dem sin kaaz dem chos iina Jiizas.”

Aks 2:38

Piita tel dem se “Aal a unu, ton we fram unu sin dem an shuo se unu sari fi wa unu du, get baptaiz iina Jiizas Krais niem an Gad wi paadn unu fi unu sin dem. Ef unu du dat, Gad wi gi unu im gif, dat a di Uoli Spirit.

Aks 20:28

An siem laik ou wan shepad luk aafa im Shiip dem, a siem so unu fi tek kier a unuself an Gad choch we di Uoli Spirit put unu inchaaj a, an we im mek im uon wen im bwai pikni ded pan di kraas.

Aks 3:19

So ton we fram unu sin, beg Gad paadn an kom bak tu im, so dat im wi tek we unu sin dem.

Ruoman 2:4

Gad tek im taim wid unu, im put op wid unu an im no ponish unu siem taim wen unu du rang. Unu no si se Gad gud tu unu? Ar a kier unu no kier bout dem sitn de? Unu no si se Gad kain tu unu, kaaz im chrai fi get unu fi ton we fram sin an sari fi di rang we unu du?

Ruoman 3:24

Bot iivn duo wi no dizorv it, Gad shuo wi lov. So moch so dat im mek tingz rait bitwiin wi an im, an wi neva iivn afi du notn. Im sen Jiizas Krais fi ded fi wi an tek we wi sin dem.

Ruoman 3:25

Gad sen Jiizas fi gi op im laif an siev wi. Wen Jiizas ded pan di kraas, fi im blod pie fi wi sin dem an so wi no afi get ponish. Aal wi afi du fi get wi sin dem paadn, a biliiv iina Jiizas. Wen Gad sen Jiizas im shuo se im no paashal — im chriit evribadi siem wie, kaaz bifuo Jiizas did kom, im neva ponish nobadi fi dem sin, im tek taim wid dem.

Ruoman 9:23

Gad tek taim wid dem kaaz im did waahn fi shuo dem ou big, brait an powaful im bi. Im did waahn dem, di piipl we im gud an kain tu, fi si se dem a-go ton laik im. Im did waahn dem, di piipl we im pik an get redi fram lang taim, fi si se im a-go mek dem ton laik im.

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

2 Korintiyan 8:9

Kaaz unu nuo ou wi Laad Jiizas Krais shuo wi lov iivn duo wi no dizorv it. Im did rich bot im gi op evriting an mek imself puor so dat unu we puor kuda get rich.

Ifiijan 1:14

Di Uoli Spirit a onggl paat a aal a wa Gad pramis fi gi wi. Wi wi get di ada sitn dem wen im don frii aal a im piipl dem. Im du it da wie de so dat piipl wuda priez im wen dem si ou im big an powaful iina evri wie.

Ifiijan 1:18

Mi prie se Gad wi uopm unu main, so unu kyan andastan di sitn dem we im kaal wi fi tek paat iina. An mi prie se unu wi andastan se di sitn dem we Gad pramis fi gi im piipl dem big an nof.

Ifiijan 1:6

Im du aal dem sopm ya so dat wi wuda priez im fi ou im gud an kain tu wi. An im shuo wi ou im gud an kain tu wi wen im sen Jiizas tu wi.

Ifiijan 1:8

An im did riili gud an kain tu wi — gud an kain kyaahn don. Pan tap a dat, im mek wi waiz an kyan andastan evriting.

Ifiijan 2:4

Bot chuu Gad gud an kain kyaahn don an siek-a ou im lov wi nof nof,

Ifiijan 2:7

Gad du aal a dis ya, so dat iina di worl we a-go kom, im kyan shuo evribadi ou im lov wi iivn duo wi no dizorv it an kain tu aal a wi siek-a wa Krais Jiizas du fi wi.

Ifiijan 3:16

Gad powaful an im gud an kain kyaahn don, so mi prie se im Spirit wi mek unu chrang.

Ifiijan 3:8

Iivn duo mi no impuotant laik di res a Gad piipl dem, Gad shuo mi lov iivn duo mi no dizorv it an pik mi fi priich tu di piipl dem we a no Juu an fi tel dem bout di nais sitn dem we Krais Jiizas gi im piipl. Dem sitn de so big dat nobadi kyaahn figa dem out.

Filipiyan 4:19

An kaaz unu an Krais Jiizas kluos, fi mi Gad gweehn gi unu evriting we unu niid. An unu nuo se im wel rich, an we im av kyaahn ron out.

Koloshan 1:14

an we paadn wi sin dem an mek wi go frii.

Koloshan 1:27

Gad did waahn dem nuo umoch im riili riili bles unu — unu piipl we kom fram aal bout. Da mesij ya se Krais Jiizas liv iina unu aat, an unu kyan luk fi kom si an nuo ou Gad big an powaful.

Koloshan 2:13

Wan taim unu did ded. Unu spirit did ded, an unu neehn kot we fram sin yet. So sin did stil av powa uova unu dem taim de. Bot Gad mek Krais Jiizas gi unu laif. Im paadn wi fi aal a wi sin dem.

Koloshan 2:2

Mi a wok aad, so dat unu aat no jrap wen unu kom kraas prablem, an dat unu kyan kom tugeda an lov unu wan aneda. Da wie de Gad wi bles unu an mek unu get fi nuo an riili andastan di chuu mesij — di mesij bout Gad siikrit, an Gad siikrit a Krais Jiizas.

1 Timoti 2:6

Jiizas gi op im laif so dat im kuda bai bak evribadi an frii dem fram sin. Wen Jiizas ded, im shuo se Gad did av wan plan fi siev piipl bot iina fi im uona taim.

Taitos 2:14

Im a di wan we gi op im laif fi siev wi fram aal kain-a wikidnis an mek wi kliin so wi kuda bi im piipl; piipl we eva a chrai fi du gud.

Taitos 3:6

Gad sen Jiizas Krais wi sievya, an mek im gi wi di Uoli Spirit.

Iibruu 9:22

An bies pan wa di laa se, yu did afi springkl blod pan nieli evriting fi mek it kliin; an ef no blod no ron, no sin no get paadn.

1 Piita 2:24

Jiizas — im did fiil uol iip a pien iina im badi fi wi wen im did de pan di kraas siek-a fi wi sin. Im du dat so sin wi no av no muo powa uova wi, an wi kyan liv an du wa rait. An siek-a di sofarieshan we im go chuu: di biit op biit op an di kot op kot op we bata bruuz im, chuu dat yu did get iil.

1 Piita 3:18

Kaaz Krais Jiizas sofa an ded fi di uol a wi sin wans an faraal. Wan man we du onggl wa rait, ded fi aal a uu a sina, fi bring wi tu Gad. Dem kil di badi, bot Gad mek im liv agen iina di Spirit.

1 Jan 2:12

Mi pikni mi a rait tu unu, kaaz Gad paadn unu sin siek-a wa Jiizas du.

1 Jan 2:2

Jiizas Krais a di wan we gi op im laif so wi kuda get paadn fi wi sin dem an dat evribadi iina di worl kuda get paadn tu.

1 Jan 4:10

Riil lov a no ou wi lov Gad, bot a ou Gad lov wi an ou im sen im wan dege-dege Bwai Pikni kom ded fi wi sin dem.

Revilieshan 14:4

Dem man ya neva sliip wid no uman — dem neva av seks. Dem fala did Biebi Shiip evriwe im go. Dem did get siev fram mongks di piipl dem we de pan di ort, so dem bilang tu Gad an di Biebi Shiip. Dem komiin laik di fos paat a di sitn we sumadi gi Gad fram dem faam.

Revilieshan 5:9

An dem sing wan nyuu sang: “Yu gud inof fi tek di ruol op buk an fi bos aaf di chring dem, kaaz yu did get kil. An yu tek yu blod bai piipl fi Gad fram evri chraib an langwij an piipl an konchri.