Ifiijan 1:5 - Di Jamiekan Nyuu Testiment

⁵ im mek op im main fram wie bak wen se im wuda tek wi fi im pikni dem, siek-a wa Jiizas Krais wuda du. A dat im did waahn an it mek im api.

Ifiijan 1:5 Iomraidhean Croise

Matyu 1:25

Bot im neehn go a bed wid ar til shi av ar pikni — wan bwai biebi; an im niem im Jiizas.

Matyu 11:26

Yes Faada, a dat yu did api fi du.

Luuk 10:21

Dat de taim, di Uoli Spirit kaaz Jiizas fi get api an im se, “Faada, yu ron evriting iina evn an pan ort, mi priez yu. Mi priez yu kaaz yu a shuo dem sitn ya tu likl pikni bot yu aid dem fram piipl we tingk se dem brait an av nof sens. Yes Faada, a dat yu did waahn fi apm.

Luuk 11:32

Di piipl fram Ninive, a-go tan op pan jojment die wid di piipl dem fram da taim ya an shuo dem se dem rang. Kaaz wen Juona did waan di Ninive piipl, dem did sari fi we dem du an chienj dem wiez. Bot luk ya, sumadi we biga dan Juona de rait ya-so.

Luuk 12:32

“So, unu we a fala mi, no bada fried. Unu Faada api fi gi unu im kindom.

Jan 1:12

Bot az fi aal a dem we welkom im — dat fi se, dem we chos iina im an im niem, im gi dem di rait fi ton Gad pikni.

Jan 11:52

Bot no fi dem wan, bot fi mek aal a Gad pikni dem we skyata skyata aal uova di plies kom tugeda iina wan.)

Jan 20:17

Jiizas se, “No uol aan pan mi, kaa mi no gaan baka mi Faada yet. Go tel yu breda dem se mi se, ‘Mi a go baka mi Faada an fi unu Faada, mi a go baka mi Gad an fi unu Gad.’”

Aks 13:48

Wen di piipl we a no Juu ier dis, dem api so til. Dem gi tangks an priez fi Gad mesij. An aal a di wan dem we Gad did pik fi liv fi eva, biliiv di mesij an get siev.

Ruoman 8:23

An a no jos dem a muon an a gruon, wi we av Gad Spirit a liv iina a wi, di Spirit we a di fos gif Gad gi wi, wi a muon an a gruon tu. Bot wi naa gruon out loud, wi a gruon insaida wiself. Wi a gruon kaaz wi a ded fi Gad frii wi fram da badi ya an gi wi wan nyuu wan an riili mek wi im pikni iina evri wie.

1 Korintiyan 1:1

Da leta ya a kom fram Paal, di wan we Gad pik fi bi wan a Jiizas Krais apasl, an it a kom fram wi breda Sostoniiz tu.

1 Korintiyan 1:21

Kaaz piipl tingk se dem waiz, lef tu demself, dem wudn nuo Gad. Bot sins Gad riili waiz, im mek it so dat piipl kuda get siev ef dem biliiv di siem mesij we dem se a fuulinish.

2 Korintiyan 6:18

Mi wi bi unu faada, an unu wi bi mi bwai an gyal pikni dem.” Dat a wa di Laad we muor powaful dan evri an eniting se.

Gyalieshan 3:26

Nou aal a unu a Gad pikni kaaz unu biliiv an chos iina Jiizas Krais.

Ifiijan 1:11

Gad mek evriting apm jos laik ou im plan dem fi apm, an fram wie bak wen, im pik wi fi bi im piipl siek-a Jiizas an wa im wuda du.

Ifiijan 1:9

An kaaz Gad did waahn wi fi nuo, im tel wi aal a im plan dem we nobadi neva nuo bout. Fram di staat, im did mek op im main fi yuuz Jiizas fi du aal a di sitn dem wa im plan.

Filipiyan 2:13

Unu kyan liv da wie de, kaaz a Gad a wok iina unu laif. A Gad mek unu waahn fi du di sitn dem we im waahn unu fi du. An a im gi unu di chrent fi du dem tu. An wen unu du dem, it mek im wel api.

Koloshan 1:19

Eniting we mek Gad Gad, de iina Jiizas tu. Gad did api wid dat; a im mek it apm so.

2 Tesaluoniyan 1:11

A dat mek wi kip aan a prie fi unu. Wi prie se Gad wi mek unu gud inof fi di kain-a laif we im kaal unu fa. An wi prie se Gad wi elp unu so dat wid fi im powa unu wi du aal a di gud sitn dem we unu waahn fi du, an unu wi du dem tu kaaz unu biliiv iina im.

Iibruu 2:4

An Gad yuuz sain an shuo se dis a chuu sopm. Som sitn we im du, piipl kyaahn biliiv dem yai di wie dem sopraiz! Plos im yuuz aal kain-a mirikl. An im aal mek piipl get wa di Uoli Spirit kom gi. Dem get it jos laik ou im did waahn it fi go. An aal a dat shuo se wa di piipl dem did se riili riili chuu.

1 Jan 3:1

Luk umoch di Faada lov wi. Im kaal wi im uona pikni, an wi a riili fi im pikni fi chuu. Di piipl dem iina di worl no nuo wi, jos laik ou dem neva nuo Gad niida.

Revilieshan 21:7

Enibadi we biit di devl an no gi iin tu di sitn dem we im waahn dem fi du, gweehn get aal dem nais sitn ya. An mi a-go bi fi dem Gad an dem a-go bi fi mi pikni.