Ifiijan 1:3 - Di Jamiekan Nyuu Testiment

³ Wi priez Gad. Im a di Gad an Faada fi wi Laad Jiizas Krais. Kaaz wi an Krais Jiizas a wan, Faada Gad mek wi spirit api an mek wi kyan tek paat iina evriting gud we kom fram evn.

Ifiijan 1:3 Iomraidhean Croise

Luuk 2:28

Simiyan tek di biebi an priez Gad a se,

Jan 14:20

Wen da die de kom, unu a-go si se mi liv iina mi Faada, dat unu liv iina mi an dat mi liv iina unu.

Jan 17:21

Faada, mi prie se aal a dem kom tugeda iina wan, siem laka ou yu liv iina mi an mi liv iina yu. An mi prie tu se dem wi liv iina mi an yu, so dat di worliyan dem kyan biliiv se a yu sen mi kom.

Jan 20:17

Jiizas se, “No uol aan pan mi, kaa mi no gaan baka mi Faada yet. Go tel yu breda dem se mi se, ‘Mi a go baka mi Faada an fi unu Faada, mi a go baka mi Gad an fi unu Gad.’”

Ruoman 12:5

a siem so, a nof a wi, bot di uol a wi mek op wan badi kaaz wi an Krais Jiizas a wan. Di uol a wi difrant bot wi jain op tugeda an wi bilang tu wi wan aneda.

Ruoman 15:6

So dat aal a unu kyan kom tugeda wid wan aat an wan vais an priez di Gad an Faada fi wi Laad Jiizas Krais.

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

1 Korintiyan 12:12

Jos laik ou di badi av nof difrant paat, an yu niid aal a dem paat de fi mek op di badi, a siem so Krais Jiizas tan.

2 Korintiyan 1:3

Priez di Gad an Faada fi wi Laad Jiizas Krais. Im a di Faada we gud an kain tu evribadi. Im a di Gad we elp piipl wen dem niid it an we osh dem wen dem sad.

2 Korintiyan 11:31

Di Gad an Faada fi di Laad Jiizas Krais, nuo se mi naa lai. Mek piipl priez im niem fi eva!

2 Korintiyan 5:17

Wen sumadi biliiv iina Krais Jiizas, dem ton wan nyuu sumadi. Dem tap liv di wie dem yuus tu liv bifuo dem biliiv an staat liv difrant.

2 Korintiyan 5:21

Jiizas neva sin yet bot Gad put fi wi sin pan im, so dat wi kuda get kliin. Da wie de wen wi biliiv iina Jiizas, tingz wuda rait bitwiin wi an Gad.

Gyalieshan 3:9

So enibadi we biliiv iina Gad laik ou Iebriyam did biliiv — Gad a-go bles dem jos laik ou im bles Iebriyam.

Ifiijan 1:10

Wen Gad mek op im main se di taim rait, im wi mek Jiizas ruul an av powa uova evribadi an uova aal a di sitn dem we iina evn an wa de pan di ort.

Ifiijan 1:17

Mi prie se di Gad fi wi Laad Jiizas, di Faada we big an powaful iina evri wie, wi kaaz unu fi waiz an andastan evriting, so dat unu kyan nuo im beta.

Ifiijan 1:20

we im yuuz mek Jiizas kom bak alaiv an gi im di tap-a-tap pozishan saida im iina evn.

Ifiijan 2:6

Gad mek wi kom bak alaiv siem taim wid Jiizas, an mek wi sidong wid Jiizas iina evn so wi kyan ruul wid im, kaaz wi an Jiizas a wan.

Ifiijan 3:10

Gad du aal a dis so dat, iina dem taim ya, di choch wuda shuo di spirit dem we ruul an we av nof powa iina di skai, ou Gad riili riili waiz.

Ifiijan 6:12

Kaaz wi iina wan fait, bot a no naamal sumadi wi a fait gens. Nuo! Wi a fait gens som wikid spirit iina di skai we av di powa an di rait fi ruul iina da taim ya we daak laik nait.

Filipiyan 2:11

an so dat evribadi wi afi go taak wid dem uona mout mek piipl ier, se, “Jiizas Krais a fi dem Laad.” An wen dem se dat, Faada Gad wi get big op an nof rispek.

Iibruu 8:5

Dem wok az liida fi di priis dem iina tent we luk laik wa de a evn, bot dem de tent kyaahn riili kom kluos tu di wan we de a evn, nuo sa! Dem de komiin laka sheda fi di riil ting. A so kom Gad did waan Muoziz wen im did bout fi mek di tent fi piipl kom worship im. Gad se, “Mek shuor se yu mek evriting jos laik wa mi shuo yu pan di moutn.”

Iibruu 9:23

So, di sitn dem we onggl komiin laik di wan dem we de a evn, dem sakrifais de did afi bon fi mek dem sitn de get kliin. Bot di wan dem we de a evn — di riil wan dem, beta sakrifais did afi bon fi dem sitn de.

1 Piita 1:3

Tangks an priez tu di Gad an Faada a wi Laad Jiizas Krais. Im so gud an kain tu wi, im gi wi nyuu laif wen im mek Jiizas Krais ded an kom bak alaiv. Da wie de, wi nuo fi shuor se wi kyan get wa im pramis wi.