Filipiyan 1:12 - Di Jamiekan Nyuu Testiment

¹² Ier mi nou breda an sista, mi waahn unu fi andastan se aal we apm tu mi onggl mek di Gud Nyuuz bout Jiizas pred muor an muor.

Filipiyan 1:12 Iomraidhean Croise

Luuk 21:13

Dis a-go gi unu chaans fi tel dem di gud nyuuz.

Aks 8:4

Di biliiva dem we did get skyata skyata priich di Gud Nyuuz bout Jiizas evriwe dem go.

Ruoman 8:28

Wi nuo se aal di piipl we lov Gad an we Gad kaal fi tek paat iina im plan, wi nuo se Gad wok wid dem fi mek shuor se no mata wa apm, evriting wok out fi fi dem gud.

Ruoman 8:37

Bot no mata we apm ar wa wi go chuu, Krais Jiizas, di wan we lov wi wi kaaz wi fi muor dan win.

Filipiyan 1:5

Mi api fi unu, kaaz fram di fos die unu biliiv unu staat elp mi pred di Gud Nyuuz, an aal nou unu stil a elp mi.

Filipiyan 1:7

Mi nuo se it aarait fi mi tingk da wie ya bout aal a unu, kaaz mi lov unu an aal a unu elp mi wen mi did a tan op an a difen di Gud Nyuuz, weda mi did lak op iina prizn ar mi did frii. Aal a unu tek paat iina di gud sitn we Gad gi mi fi du, iivn duo wi no dizorv it.

Filipiyan 2:22

Bot unu wel nuo se di wie ou Timoti liv shuo se im riili wok gud fi chuu, kaaz siem laik ou wan faada an im bwai pikni wok wid dem wan aneda, a siem so im wok kluos wid mi fi pred di Gud Nyuuz.

Filipiyan 4:15

Matarafak, unu we de a Filipai wel nuo se di fos taim wen mi priich di Gud Nyuuz tu unu, an did a lef fi go a Masiduoniya, unu a di onggl choch we gi mi notn.

Filipiyan 4:3

An mi a beg unu, mi gud gud fren we aalwiez elp mi iina mi wok fi di Laad, elp dem uman ya we aalwiez tan op chrang wid mi an elp mi pred di Gud Nyuuz. Elp Klement an aal a Gad piipl we wok wid mi tu. Dem niem rait dong iina Gad buk we av di niem a evribadi we Gad a-go mek liv fi eva.

1 Timoti 2:8

So mi aks dat wen unu kom tugeda fi worship Gad, dat aal a di man dem wi lif op dem an, an prie. Dem man ya laif mos kliin an wen dem a prie dem no fi av op nobadi iina dem aat ar a kwaril wid dem wan aneda.

2 Timoti 2:9

A chuu mi a tiich da mesij ya mek mi a sofa so. An a kaaz mi tiich da mesij ya mek dem fling mi iina prizn an chriit mi laik se mi a kriminal. Bot dem kyaahn tap Gad mesij ar lak it op laik ou dem lak mi op iina prizn.

2 Timoti 4:17

Bot di Laad did tan op saida mi an gi mi chrent. Im gi mi chrent so dat mi kuda priich di uol a im mesij tu di piipl dem we a no Juu. An im siev mi fram di piipl dem we did waahn fi fling mi gi di laiyan dem.