Filipiyan 1:10 - Di Jamiekan Nyuu Testiment

¹⁰ an fain out di sitn dem we rait. Mi prie se wen unu fain out dem sitn de unu wi liv rait so nobadi kyaahn paint no fingga pan unu wen Krais Jiizas kom bak,

Filipiyan 1:10 Iomraidhean Croise

Matyu 16:23

Bot Jiizas ton tu Piita an se, “Gu we fram mi Sietan! Yu dis a blak op mi wie so, kaa yu naa tingk bout di sitn dem we Gad waahn; a onggl wa piipl waahn de pan yu main!”

Matyu 26:33

Piita se, “Aal ef di uol a dem ron we gaan siek-a wa a-go apm tu yu, mi naa go no we!”

Jan 1:47

Wen taim Jiizas si Nataniyel a kom wich paat im de, dis a wa im se bout im, “Ku ya! Da man ya a wan Izrelait fi chuu! Da man ya no tel no lai.”

Jan 3:20

Kaa evribadi we du rang iet lait an dem no waahn fi waak out iina di lait, kaa dem fried se di lait gweehn shuo op di bad sitn dem we dem a du.

Aks 24:16

A dat mek mi aalwiez du mi bes fi liv rait so dat nobadi kyaahn paint no fingga pan mi an mi kyan tan op infronta Gad an mi kanchens no bada mi.

Ruoman 12:2

No mek di piipl we de iina di worl tel unu ou fi liv. Insted-a dat mek Gad chienj di wie ou unu tingk so dat im kyan chienj di wie ou unu a liv. Da wie de unu wi nuo aal a wa Gad waahn unu fi du — unu wi nuo we rait, unu wi nuo wa mek Gad api an unu wi nuo ou im waahn unu fi liv.

Ruoman 12:9

Unu mos lov piipl wid aal a unu aat — unu lov mos riil; iet evriting we wikid an eng aan tait tu eniting wa gud.

Ruoman 16:17

Nou breda an sista, mi a beg unu wach out fi di piipl we kaaz di piipl iina di choch fi plit op an fait wid dem wan aneda, we kaaz piipl fi ton we fram wa dem biliiv an we taak gens an tiich tingz we no lain op wid wa unu did lorn. No av notn fi du wid dem!

Ruoman 2:18

Unu nuo wa Gad waahn unu fi du an kaaz unu nuo di Laa, unu nuo wa rait an unu nuo se a dat unu fi du.

Ruoman 7:16

An ef mi a du di sitn dem we mi no waahn fi du, dat a shuo se mi a se, “Yes, di Laa rait”.

Ruoman 7:22

Iina mi aat, mi api bout di Laa we kom fram Gad.

Ruoman 8:7

So ef sumadi onggl a tingk bout di sitn dem we dem badi waahn, dem ton Gad enimi. Dem ton im enimi kaaz dem naa fala im Laa, an dem naa go kyan fala it niida.

1 Korintiyan 1:8

Jiizas wi elp unu fi gwaan tan op chrang iina wa unu biliiv til di die im kom bak fi joj di worl. So pan da die de wen unu tan op infronta im, nobadi naa go kyan se unu did a liv rang.

1 Korintiyan 10:32

No du notn we a-go kaaz di Juu dem, di piipl we a no Juu ar Gad choch fi sin.

1 Korintiyan 8:13

So ef wa mi nyam a-go kaaz mi breda fi sin, mi wi tap nyam it. Da wie de mi wudn kaaz im fi sin.

2 Korintiyan 1:12

Nou dis a wa wi av we wi kyan buos bout: fi wi kanchens naa bada wi kaaz wi nuo se wi liv gud wid evribadi. Aal unu, muor dan di res a piipl dem, wi chriit gud. Wi neva aid notn fram unu an wi aalwiez liv laik ou piipl we se dem bilang tu Gad fi liv. An wi naa liv so kaaz wi sumaat ar wi av sens, bot kaaz Gad gud tu wi an a im mek wi kyan liv so.

2 Korintiyan 2:17

Wi no komiin laik nof ada piipl we chriit Gad wod laik a sopm chiip we dem kyan sel an mek moni. Nuo! Gad sen wi fi tiich im Wod an chuu wi a Jiizas sorvant dem wi aalwiez tiich di chuut laik se Gad did tan op rait infronta wi.

2 Korintiyan 6:3

Wi mek shuor se wi no du notn we wuda kaaz piipl fi no biliiv iina di mesij we wi a tiich. Wi no waahn nobadi fi av notn bad fi se bout di wok we wi a du.

2 Korintiyan 8:8

A no wan ruul mi a gi unu, mi naa se unu afi du it. Wa mi a du a tes unu. Mi a shuo unu di gud we ada piipl du, fi si ef di lov we unu se unu av iina unu aat, ef it riili riil.

Gyalieshan 5:11

Nou breda an sista, ef mi did a priich se piipl mos sorkomsaiz stil, unu tingk se di Juu dem wuda stil a mek mi sofa aal nou? Ef mi did a priich dat insted-a priich bout ou Jiizas ded pan di kraas fi wi, dem wudn beks no muor, kaaz mi wuda a du wa dem waahn.

Ifiijan 4:15

Insted-a gwaan laik se wi a pikni, mek wi taak bout di chuu mesij bout Jiizas an mek wi liv laik ou di mesij se wi fi liv. An mek wi du it wid lov iina wi aat. Da wie de, wi wi gruo op chrang iina aal saat a wie an get fi komiin laik Krais Jiizas, di wan we a di ed fi di choch.

Ifiijan 5:10

Chrai fain out we di Laad riili waahn unu fi du.

Ifiijan 5:27

Krais Jiizas du dis so im kuda gi op im choch tu imself laik wan gruup a piipl we luk wel gud — wan we no av no doti spat, no ringkl ringkl, ar notn laik dat, bot wan we gud an kliin an no av no faalt at aal.

Ifiijan 6:24

Yu si aal uu lov wi Laad Jiizas Krais, mi prie se unu wi si ou Gad lov unu, iivn duo wi no dizorv it.

Filipiyan 1:16

Di wan dem we priich Gad mesij outa gud aat, du it kaaz dem lov mi an dem nuo se mi de ya fi tan op fi di Gud Nyuuz.

Filipiyan 1:6

So mi nuo dis fi shuor se a Gad imself staat op da gud wok ya iina unu, an im naa go tap nou. Im a-go gwaan du we im a du iina unu laif, til Jiizas Krais kom baka ort.

Filipiyan 2:16

Unu fi tel di piipl dem Gad mesij — Gad mesij bout ou dem kyan get di laif we mek dem liv fi eva an eva. Unu fi du dat, so dat wen Krais Jiizas kom baka ort, mi wi kyan buos bout unu se mi neehn ron ar wok so aad mongks unu fi notn.

1 Tesaluoniyan 3:13

Da wie ya, unu aat wi get chrang so unu wi du di sitn dem we shuo se unu bilang tu wi Faada Gad. An so im naa go kyan bliem unu fi notn wen unu tan op infronta im wen wi Laad Jiizas kom bak wid aal a im piipl dem.

1 Tesaluoniyan 5:21

bot tes evriting. Eng aan pan wa gud,

1 Tesaluoniyan 5:23

Wi prie se Gad imself we gi piipl piis, wi put unu wan said fi liv fi im an sorv im wid aal a unu aat, an wi mek unu tan jos laik im iina evri wie. An wi prie se im wi no mek no paat a unu — spirit, suol ar badi, kyan get bliem fi notn wen wi Laad Jiizas Krais kom bak.

1 Jan 4:1

Mi fren, no biliiv iina evri spirit we se dem kom fram Gad. Wa yu fi du a tes di spirit dem fi si ef dem kom fram Gad fi chuu, kaaz a nof nof faalz prafit gaan out aal uova di worl.

Revilieshan 2:2

Mi nuo evriting bout unu. Mi nuo aal wa unu go chuu kaaz unu biliiv iina mi, an ou unu tan op chrang an no gi op wen chobl tek unu. Mi nuo se unu kyaahn tek di wikid piipl dem. Unu tes di wan dem we taak bout se dem a apasl wen dem a no no apasl, an fain out se dem a uol laiyad.