Filipiyan 1:1 - Di Jamiekan Nyuu Testiment

¹ Da leta ya a kom fram mi, Paal. Timoti de ya wid mi tu. Di tuu a wi a Krais Jiizas sliev. Mi a rait tu aal a unu we liv iina Filipai we chos Krais Jiizas. An mi a rait tu aal a di bishop an di diikan dem tu.

Filipiyan 1:1 Iomraidhean Croise

Maak 13:34

Da taim de komiin laik wan man we a go we pan wan chrip. Im lef im sorvant dem inchaaj a im ous an gi evri wan a dem di wok we dem fi du. An im tel di wan we a gyaad di duor fi kip wach.

Jan 12:26

Enibadi we waahn sorv mi afi fala mi. Eniwe mi de, dem a-go de de tu, an mi Faada a-go big dem op.

Aks 1:20

“Kaaz it rait dong iina di buk we niem Saamz se, “‘Mek im ous emti out an nobadi no liv de,’ an, “‘Mek sumadi els tek fi'im plies an du di wok we im shuda du.’

Aks 20:28

An siem laik ou wan shepad luk aafa im Shiip dem, a siem so unu fi tek kier a unuself an Gad choch we di Uoli Spirit put unu inchaaj a, an we im mek im uon wen im bwai pikni ded pan di kraas.

Aks 9:13

Ananaiyas se, “Bot Laad, nof piipl tel mi bout da man de an di uol iip a wikid sitn dem we im du tu yu piipl dem iina Jeruusilem.

Ruoman 1:1

Da leta ya a kom fram mi, Paal, wan sliev fi Krais Jiizas. Gad pik mi fi bi wan a Jiizas Krais apasl an a im gi mi di wok fi priich im Gud Nyuuz.

Ruoman 1:7

So mi a rait da leta ya tu aal a unu iina Ruom we Gad lov an uu im kaal fi bi im piipl. Mi prie se wi Faada Gad an di Laad Jiizas Krais wi shuo unu lov iivn duo wi no dizorv it an gi unu piis iina unu aat.

1 Korintiyan 16:10

Nou ef Timoti kom tu unu, mek shuor se unu no du notn we wi kaaz im fi fried a unu. Tek im iin an chriit im gud, kaaz jos laik mi, im a du Gad wok.

2 Korintiyan 1:1

Da leta ya a kom fram mi, Paal, wan a Jiizas Krais apasl dem. Mi a wan apasl kaaz a dat Gad did waahn mi fi bi. Wi breda Timoti, im grii wid evriting we iina da leta ya. So, a di tuu a wi a sen it an wi a sen it tu aal a Gad piipl we kip choch iina Korint an tu aal a di piipl dem we iina Akaiya we biliiv iina Gad.

Gyalieshan 1:10

Nou, wen mi taak so, a uu unu tingk mi a chrai fi win uova, Gad ar man? A uu unu tingk mi a chrai fi mek api? Ef mi did stil a chrai fi mek piipl api wid mi, mi wudn bi wan sliev fi Krais Jiizas.

Gyalieshan 3:26

Nou aal a unu a Gad pikni kaaz unu biliiv an chos iina Jiizas Krais.

Gyalieshan 3:28

Unu no plit op no muor. Unu no av piipl we a Juu an piipl we a no Juu ar piipl we a sliev an piipl we frii. It no iivn mata ef unu a man ar uman, aal a unu a wan kaaz aal a unu biliiv iina Jiizas.

Ifiijan 1:1

Mi a Paal. Gad pik mi fi bi wan a Jiizas Krais apasl, kaaz a dat im did waahn. Mi a rait da leta ya tu aal a Gad piipl we de iina Efisos an we riili chos iina Jiizas.

Ifiijan 1:15

So nou, siek-a aal a dem sitn ya, fram di fos taim mi ier se unu chos iina di Laad Jiizas an dat unu lov Gad piipl,

Ifiijan 6:24

Yu si aal uu lov wi Laad Jiizas Krais, mi prie se unu wi si ou Gad lov unu, iivn duo wi no dizorv it.

Filipiyan 2:19

Mi prie se wi Laad Jiizas wi lou mi fi sen Timoti tu unu suun, so dat dem kyan kom bak an tel mi ou unu a du, an so dat mi no afi wori bout notn.

Filipiyan 2:5

Unu si siem laik ou Krais Jiizas tan, a siem so unu fi tan tu, an unu fi tingk jos laik ou im tingk:

Filipiyan 3:12

Mi naa se mi riich we mi waahn fi riich aredi, ar dat evriting we Jiizas kaal mi fa mi a it aredi. Bot mi a pres aad aad fi ton di kain-a sumadi Krais Jiizas pik an waahn mi fi bi.

Filipiyan 3:3

Bot a wi a di piipl we riili get sorkomsaiz — no dem. Wi a di wan we worship Gad iina di Spirit, priez Krais Jiizas, an no buos aaf bout uu wi bi.

Filipiyan 3:8

Bot a no onggl dat, mi si se aal a dem sitn de no wot notn. Dem kyaahn kom kluos tu di powa we kom wen yu nuo mi Laad Jiizas Krais. Wen yu nuo Jiizas Krais, notn at aal kyaahn kom kluos tu dat. Evriting els komiin laik gyaabij tu mi nou. Mi gi op evriting fi get fi nuo Krais Jiizas an dat a di onggl ting we mata tu mi nou.

1 Tesaluoniyan 1:1

Dis a Paal. A mi, Silvanos an Timoti a rait da leta ya. Wi a rait unu — aal a di piipl dem we de a Tesalonaika we biliiv iina Jiizas Krais, aal a uu a Gad an Krais Jiizas piipl dem: Mi prie se Gad wi aalwiez shuo unu im lov iivn duo wi no dizorv it an mek unu av piis iina unu aat.

1 Tesaluoniyan 2:2

Unu nuo ou wen wi did de a Filipai di piipl dem we inchaaj did mek wi sofa. Dem shiem wi bad bot Gad gi wi di chrent fi kom tu unu siem wie an kom tel unu di Gud Nyuuz, iivn duo uol iip a piipl did a chrai fi tap wi,

2 Tesaluoniyan 1:1

Dis a Paal. A mi, Silvanos an Timoti a rait da leta ya. Wi a rait di uol a unu we de a Tesalonaika we biliiv iina Jiizas Krais, an we bilang tu Gad an Krais Jiizas.

2 Tesaluoniyan 1:10

Di Laad Jiizas a-go du aal a dem sopm ya wen im kom bak pan jojment die fi get priez siek-a di wok we im du iina fi im piipl dem. Unu a-go de de a priez im tu. Kaaz unu did biliiv di sitn dem we wi nuo fi wiself an did kom tel unu.

1 Timoti 1:2

Timoti, yu komiin laik se yu a riili fi mi pikni kaaz di tuu a wi biliiv an chos iina di siem Gad. Mi prie se wi faada Gad an wi Laad Jiizas Krais wi gud an kain tu yu, shuo yu lov iivn duo wi no dizorv it an gi yu piis iina yu aat.

1 Timoti 3:8

Siem laik di elda, di diikan dem fi bi sumadi we piipl rispek. Dem no fi tel wan sumadi sitn an go tel sumadi els sitn difrant, dem no fi lov jringk tu moch an dem no fi waahn waahn moni.

Taitos 1:1

Taitos, dis a Paal, wan sliev fi Gad an wan a Jiizas apasl. Gad sen mi fi tiich im piipl dem ou fi biliiv iina im muor an fi elp dem andastan Gad wod beta. Im waahn mi fi tiich dem di chuut so dat dem wi liv ou im waahn dem fi liv.

Taitos 1:7

Sins di elda a-go inchaaj a Gad wok, im afi bi sumadi we di piipl dem kyan rispek an no av notn bad fi se bout. Im no fi ful-a imself, kwik fi get beks an im no fi lov waar niida. Im no fi lov jringk tu moch an im no fi lov ron dong moni.

Failiiman 1:1

Mi gud gud fren Failiiman we wok wid mi, dis a Paal we de iina prizn kaaz mi tiich bout Jiizas. Mi an wi breda Timoti a rait da leta ya tu: yu,

Iibruu 13:23

Mi waahn unu nuo se wi breda Timoti get let outa jiel. Ef im suun kom, mi wi bring im wid mi wen mi kom luk fi unu.

Jiemz 1:1

Da leta ya a kom fram Jiemz wan sliev fi Gad an di Laad Jiizas Krais. Mi a rait da leta ya tu di twelv chraib a Gad piipl dem wa skyata skyata aal uova di worl. Oudi tu aal a unu.

1 Piita 2:25

Kaaz unu did a chrie laik laas shiip, bot nou Gad bring unu bak fi tek kier a unu, jos laik ou di shepad tek kier a im shiip dem. An im bring unu bak fi wach uova unu an fi mek shuor se unu aarait.

2 Piita 1:1

Mi a Saiman Piita, wan a Jiizas Krais sorvant an apasl dem. Mi a wan a di twelv man dem we did a waak wid im. Mi a rait aal a unu we wi Gad, an Jiizas Krais di wan we siev wi, mek biliiv iina im. Im siev wi so unu kuda get fi biliiv iina im jos laik ou wi biliiv iina im. An im du dat kaaz im no paashal at aal at aal, bot kaaz im gud an kain.

Juud 1:1

Da leta ya a kom fram mi, Juud. Mi a wan a Jiizas Krais sliev an Jiemz breda. Mi a rait aal a unu we Faada Gad pik fi bi fi im uon, we im lov, an we Jiizas Krais kip sief.

Revilieshan 1:1

Di sitn dem we rait dong iina da buk ya, a di sitn dem we Gad shuo Jiizas Krais. Gad shuo im dem sitn ya, so im kuda tel im sorvant dem bout di sitn dem we suun apm. A dem sitn de Jiizas sen im ienjel go tel im sorvant Jan.

Revilieshan 1:20

Di sevn staar dem we yu si iina mi rait an, an di sevn guol sitn dem fi uol kyanggl, dis a wa dem miin: di sevn staar dem a di liida dem fi di sevn choch dem, an di sevn sitn fi uol kyanggl a di sevn choch dem.”

Revilieshan 19:10

Wen mi ier dis, mi jrap pan mi nii a im fut fi worship im. Bot im se tu mi se, “No, yu kyaahn du dat! Mi sorv Gad jos laik yu an yu breda an sista dem we biliiv evriting we Jiizas tiich. So a Gad yu fi worship, kaaz di chuu sitn dem we nobadi neva nuo an we Jiizas shuo wi, a dat lou piipl fi pred Gad mesij!”

Revilieshan 2:12

“Rait da leta ya sen go gi di liida fi di choch we iina Porgamom an tel im se: Di wan we av di suod we di tuu said dem wel shaap se fi tel im se,

Revilieshan 2:8

“Rait da leta ya go gi di liida fi di choch we iina Simorna an tel im se: Di Laad Gad se: Mi a di fos an mi a di laas — evriting staat wid mi, an evriting don wid mi. Mi a di wan we alaiv, di wan we de bout fram wie bak wen, an di wan we a-go kom baka ort.”

Revilieshan 22:9

bot di ienjel se tu mi se, “Nuo, no du dat! Mi a wan sorvant jos laik yu an yu breda — di prafit dem, an aal uu du we rait dong iina da buk ya. A Gad yu fi worship!