Failiiman 1:9 - Di Jamiekan Nyuu Testiment

⁹ Bot siek-a ou yu lov Gad piipl mi a beg yu insted. Mi, Paal, wan oul man an we nou iina prizn kaaz mi tiich bout Jiizas.

Failiiman 1:9 Iomraidhean Croise

Ruoman 12:1

So den breda an sista, sins Gad gud an kain tu unu nof nof, mi a beg unu du, gi op unu laif tu Gad laik wan sakrifais — wan sakrifais we alaiv, we de de fi sorv Gad an we Gad kyan api wid. Dat a ou unu fi worship Gad.

2 Korintiyan 5:20

So wi a taak fi Krais Jiizas, an a laik se Gad a yuuz wi fi beg unu fi lisn tu wa wi a se. An sins wi a taak fi Krais Jiizas, wi a beg unu fi mek Gad put tingz rait bitwiin unu an im.

2 Korintiyan 6:1

So sins wi wok wid Gad, wi a beg unu, im so gud an kain tu unu, no mek it kom tu notn, no bada wies it.

Gyalieshan 3:26

Nou aal a unu a Gad pikni kaaz unu biliiv an chos iina Jiizas Krais.

Ifiijan 3:1

Krais Jiizas mek mi, Paal, im prizna, so mi kuda priich tu unu we a no Juu.

Ifiijan 4:1

So den, mi we de a prizn kaaz mi a sorv di Laad, a beg unu — unu we Gad pik fi bi im piipl; mi a beg unu fi liv ou Gad waahn unu fi liv.

Ifiijan 6:20

kaaz a dat Krais Jiizas pik mi an mek mi wan a im apasl fa. An a dat dem lak mi op iina prizn fa. So prie se mi wi priich di Gud Nyuuz di wie ou mi fi priich it an no fried a notn.

1 Timoti 1:12

Mi afi tangk wi Laad Jiizas Krais di wan we gi mi chrent kaaz im chos mi fi bi im apasl.

Taitos 2:2

Tel di uolda man dem se dem no fi go uova buod wid notn. Dem fi kanchuol demself an liv so piipl kyan rispek dem. Di uolda man dem fi eva chrang iina wa dem biliiv, aalwiez shuo lov an neva gi op.

Iibruu 13:19

Beg unu du, prie iivn muo se mi wi kom bak tu unu suun suun.

1 Piita 2:11

Mi fren, mi a beg unu du, laik ou unu a farina pan ort, we a-go de ya fi nou mongks chrienja, no bada du wa di badi waahn — di badi a waar wid di suol.