Aks 3:1 - Di Jamiekan Nyuu Testiment

¹ Wan die Piita an Jan did a go op a Gad ous. A did chrii aklak iina di die, di taim wen piipl miit fi prie.

Aks 3:1 Iomraidhean Croise

Matyu 17:1

Siks die lieta Jiizas tek Piita, Jiemz an Jiemz breda, Jan, an kyari dem go op a wan ai mountn, im an dem wan.

Matyu 26:37

Im tek Piita an Zebidii tu bwai dem wid im. Im did wel sad. Im aat did evi.

Matyu 27:45

Nou fram migl die di uol plies get daak til chrii aklak.

Luuk 1:10

Wen a did taim an Zakaraiya go iina Gad ous, di piipl dem we did gyada outa duor did a prie.

Luuk 18:10

“Tuu man go op a Gad ous fi go prie. Wan a dem a did wan Farisii an di ada wan a did wan taks kalekta.

Luuk 22:8

Jiizas se tu Piita an Jan se, “Go luk bout di Paasuova fuud fi wi nyam.”

Luuk 24:53

An dem eva de a Gad ous a priez im.

Jan 21:7

Den di falara we Jiizas did lov tel Piita se, “A di Laad!” Sed taim Saiman Piita ier dat de, im rap di likl kluoz we im did av aan roun im (kaa im neehn av aan notn anda it) an im jomp iina di waata.

Aks 10:3

Wan die roun chrii aklak, Kaaniiliyos get wan vijan. Iina im vijan im si wan a Gad ienjel kom tu im. Di ienjel se tu im se, “Kaaniiliyos!”

Aks 10:30

Kaaniiliyos se tu im se, “Fuo die ago, siem chrii aklak iina di die ya, mi did de iina mi ous a prie. Aal av a sodn mi si wan man iina som brait brait kluoz a tan op infronta mi.

Aks 2:46

Evridie dem miit op iina di yaad we Gad ous de. Dem go a wan aneda ous an iit fuud tugeda an dem aat did wel api. Dem did api fi shier wid wan aneda.

Aks 3:3

Wen di bega-man si Piita an Jan bout fi go iin, im beg dem som moni.

Aks 3:4

Piita an Jan luk chriet pan im an Piita se tu im, “Luk pan wi!”

Aks 4:13

Wen dem si ou Piita an Jan tan op chrang fi wa dem biliiv an wen dem lorn se dem a did jos aadineri sumadi we neva go a no skuul go lorn, dem shak. Den dem si se di tuu a dem did nuo Jiizas an did waak wid im fi a gud wail.

Aks 5:25

Den sumadi kom tel dem se, “Lisn! Di man dem we unu did put iina prizn, mi si dem tan op iina di yaad we Gad ous de a tiich di piipl!”

Aks 8:14

Wen di apasl dem iina Jeruusilem ier se di piipl iina Samieriya biliiv an staat fala Gad wod, dem sen Piita an Jan tu dem.

Gyalieshan 2:9

An wen di big impuotant liida dem — Jiemz, Siifas an Jan, si se a Gad gi mi da speshal wok ya fi du, dem shiek fi mi an Baanabas an. Dem shiek wi an fi shuo se wi a wan a dem an dat wi fi gwaan tiich di Gud Nyuuz tu di piipl dem we a no Juu, jos laik ou dem a priich it tu di Juu dem.