Aks 26:3 - Di Jamiekan Nyuu Testiment

³ kaaz mi nuo se yu wel nuo bout ou di Juu dem liv an bout aal di sitn dem we dem aagyu bout. So mi a beg yu du, tek taim an lisn mi.

Aks 26:3 Iomraidhean Croise

Aks 21:21

Wel, dem ier se yu a tiich aal a di Juu dem we liv mongks di piipl we a no Juu se dem fi ton we fram we Muoziz tiich, no sorkomsaiz dem pikni, ar liv laik ou Juu fi liv.

Aks 24:10

Wen di govana paint pan Paal an gi im di chaans fi taak fi imself, Paal se: “Mi nuo se a lang lang taim nou yu a sorv az joj uova da konchri ya, so mi api fi taak op fi miself.

Aks 24:4

Bot mi no waahn tek op tu moch a yu taim, so mi a beg yu, lisn tu wi likl bit muor kaaz yu aalwiez shuo gud fies aal wen wi no dizorv it.

Aks 25:26

Bot mi no riili av notn we mi kyan rait bout im an sen gi mi Laad. So mi kyari im kom ya infronta aal a unu, an muo dan dat mi kyari im infronta yu, King Agripa, so dat afta yu ier im da fos taim ya, mi mait-a av sopm fi rait.

Aks 26:2

“King Agripa, mi tingk mi wel loki tide fi get di chaans fi taak op fi miself infronta yu bout aal a wa di Juu dem se mi du,

Aks 26:26

Mi naa taak no fuulinish, kaaz di King nuo bout aal a dem sitn ya, so mi a taak tu im an naa uol notn bak, kaaz mi shuor se non a dem sitn ya no apm we im no nuo bout, kaaz dem neva apm iina wan kaana.

Aks 26:7

Yu ana, a da siem pramis ya di twelv chraib a wi piipl dem a luk fi get. A dat mek dem gwaan sorv Gad nait an die. A siek-a wa mi a luk fi get fram Gad mek di Juu dem a se di sitn dem we dem a se gens mi.

Aks 28:17

Chrii die afta dat, Paal sen kaal di Juu liida dem iina di ieriya fi miit wid im. Wen dem kom im se tu dem se, “Mi breda, mi neva du notn rang gens wi piipl. Mi neva se notn rang bout di wie wi faada faada dem did liv niida. Bot wi liida dem iina Jeruusilem tek mi ton prizna gi di Ruoman liida dem.

Aks 6:14

Wi ier im se di wan Jiizas we kom fram Nazaret a-go mash dong da plies ya an mek wi liv difrant fram ou Muoziz tel wi faada faada dem fi liv.”

1 Korintiyan 13:2

Ef mi kuda kyari mesij chriet fram Gad, an nuo bout aal a di tingz we Gad kip fram mi an nuo bout evriting we de fi nuo bout, an mi so chrang iina wa mi biliiv dat mi kyan muuv mountn bot mi no av lov iina mi aat, mi a no notn.