Aks 2:3 - Di Jamiekan Nyuu Testiment

³ Den dem si som sitn we luk laik som likl faiya we shiep laik tong kom res pan evri wan a dem ed.

Aks 2:3 Iomraidhean Croise

Matyu 3:11

“Mi tek waata baptaiz unu fi shuo se unu ton we fram sin. Bot sumadi a kom we muo powaful dan mi. Mi no iivn gud inof fi aal kyari im slipaz. Im wi tek di Uoli Spirit an faiya, an baptaiz unu.

Matyu 3:15

So Jiizas ansa im se, “Rait ya nou, du wa mi aks yu fi du, da wie ya wi wi du aal we Gad waahn wi fi du!” So Jan se aarait den an du it.

Luuk 24:32

Dem aks dem wan aneda, “Wi neehn fiil sitn a bobl iina wi aat wen im did a chat wid wi pan di ruod an a eksplien tu wi wa Gad wod se?”

Aks 1:15

Iina dem die de, wen di biliiva dem gyada op fi wan a dem miitn, (bout onjrid an twenti a dem did de de), Piita tan op

Aks 2:11

(piipl we a Juu an piipl we ton Juu); piipl we kom fram Kriit an piipl we a Arab — wi ier di uol a dem a taak iina fi wi uona langwij bout di powaful sitn dem we Gad du!

Aks 2:2

Aal av a sodn dem ier wan naiz a kom fram di skai. Di naiz soun laik wen wan chrang chrang briiz a bluo, an it ful op di uol ous we dem did sidong.

Aks 2:4

Di Uoli Spirit tek kanchuol a aal a dem an gi dem powa fi taak iina som difrant difrant langwij.

1 Korintiyan 12:10

Som piipl, Gad Spirit mek dem kyan wok mirikl. Wan neda set a piipl, di Spirit mek dem kyan priich Gad mesij. Ada piipl di Spirit gi dem di powa fi nuo ef a Gad Spirit a mek som piipl kyan du sortn tingz ar ef a som ada spirit a mek dem du it. Di Spirit aal mek som piipl kyan taak iina tongz an a di siem Spirit kaaz ada piipl fi andastan dem.

Jiemz 3:6

Iivn duo di tong a paat a wi badi, it komiin laik wan torbl faiya. It ful op a wikid powa we kyan mes op yu uol laif an put yu iina so moch chobl dat it komiin laik aal el brok luus pan yu, kaaz di tong komiin laik it set pan faiya we kom chriet fram el.

Revilieshan 11:3

An mi a-go gi mi tuu sorvant dem powa fi priich mi mesij fi wan touzn, tuu onjrid an siksti die. Dem a-go av aan som rof kluoz fi shuo se dem wel sad an dem aat a baal out fi di piipl dem.”

Revilieshan 14:6

Afta dat, mi si wan neda ienjel a flai iina di skai. Im did av wan mesij fram Gad we a-go laas fi eva fi go tel di piipl dem we liv pan di ort. Di mesij a did fi evri konchri, chraib, piipl, an evri langwij.