Aks 2:2 - Di Jamiekan Nyuu Testiment

² Aal av a sodn dem ier wan naiz a kom fram di skai. Di naiz soun laik wen wan chrang chrang briiz a bluo, an it ful op di uol ous we dem did sidong.

Aks 2:2 Iomraidhean Croise

Luuk 2:13

Aal av a sodn uol iip a ienjel fram evn, jain im. Dem did a priez di Laad an se,

Jan 3:8

Briiz bluo go wich paat it waahn fi go. Yu onggl ier di soun we it mek, bot yu kyaahn si a we it de kom fram an yu kyaahn si wich paat it de go. Nou, a siem so it go wid evribadi we di Spirit mek baan.”

Aks 2:3

Den dem si som sitn we luk laik som likl faiya we shiep laik tong kom res pan evri wan a dem ed.

Aks 2:6

Wen dem ier di big naiz, wan kroud a dem gyada op. Dem did wel shak kaaz evri wan a dem did ier iina fi dem uona langwij wa di biliiva dem did a se.

Aks 4:31

Afta dem don prie, di ous we dem did a miit get shiek op. Di Uoli Spirit tek kanchuol a dem an mek dem priich Gad wod an no fried a notn.

1 Piita 1:12

Gad mek dem si se wa dem did a taak bout a neva did fi dem, bot dem did fi apm fi unu. Di sed sitn we di prafit dem did se, a di siem Gud Nyuuz di priicha dem kom gi unu. A di Uoli Spirit, we did sen dong fram evn, did gi dem di powa fi kom kom tel unu — aal ienjel did waahn andastan dem sitn ya!