1 Jan 2:3 - Di Jamiekan Nyuu Testiment

³ Wen wi du we Gad se wi fi du, a so wi nuo se wi riili riili nuo Gad.

1 Jan 2:3 Iomraidhean Croise

Luuk 6:46

“Wa mek unu a kaal mi, ‘Laad, Laad,’ an naa du wa mi se?

Jan 14:15

“Ef unu lov mi fi chuu, unu gweehn du aal a wa mi tel unu fi du.

Jan 15:10

Ef unu du wa mi tel unu fi du den unu naa go ton we fram di lov mi av fi unu, siem laka ou mi du wa mi Faada tel mi fi du an no ton we fram di lov we im av fi mi.

Jan 15:14

Ef unu du wa mi tel unu fi du den mi an unu a fren.

Jan 17:3

Fi liv fi eva miin se dem nuo yu, di onggl wan we a riili Gad, an dat dem nuo Jiizas Krais, di wan yu sen kom.

2 Korintiyan 4:6

Di Gad we se, “Mek di lait shain iina di daak,” a im siem wan mek im lait shain iina wi aat so dat wi kyan andastan umoch im lov wi an ou powaful im bi. An wi onggl get fi andastan dem sitn de wen wi biliiv iina Krais Jiizas.

Iibruu 5:9

An nou dat im go chuu aal a dat, an kom ton aal a we im sopuoz fi bi, im en op ton di wan we siev piipl fi eva, so langks dem du wa im tel dem fi du.

1 Jan 2:13

Aal unu uolda piipl, mi a rait tu unu, kaaz unu nuo di wan we de bout fram wie bak wen. Yong piipl mi a rait tu unu, kaaz unu don biit di wikid wan aredi.

1 Jan 3:14

Wi nuo se wi no ded no muor, a liv wi staat liv ya nou. Wi nuo dis kaaz wi lov ada piipl. Aal a uu no lov dem breda an sista, dem ded siem wie.

1 Jan 3:19

Siek-a ou wi lov wi breda an sista, a so wi nuo fi shuor se wi av di riil mesij, so wi kyan tan op infronta Gad an wi kanchens no bada wi.

1 Jan 3:6

Nobadi we chos iina Jiizas no liv iina sin. Enibadi we jos a sin a gwaan so neva si im an dem no nuo im niida.

1 Jan 4:13

Gad gi wi im Spirit. Dis shuo se wi liv iina im an im liv iina wi.

1 Jan 4:7

Mi fren, mek wi lov wan aneda, kaaz lov kom fram Gad, an enibadi we shuo lov a Gad pikni an dem nuo Gad.

1 Jan 5:19

Wi nuo se wi bilang tu Gad an dat di devl kanchuol di uol worl.

1 Jan 5:2

Dis a ou wi a-go nuo se wi lov Gad pikni dem, wen wi lov Gad an du wa im tel wi fi du.

1 Jan 5:3

Wen wi du wa Gad tel wi fi du, wi shuo se wi riili lov im, an wa Gad tel wi fi du no aad.

Revilieshan 12:17

Den di jragan get beks wid di uman — beks til im tempa a bwail uova. So im go we fi go mek waar gens ar ada pikni dem — di wan dem we du we Gad se dem fi du, an we biliiv evriting bout Jiizas.

Revilieshan 14:12

So Gad piipl we du we im se afi tan op chrang an gwaan chos Jiizas.”

Revilieshan 22:14

“Di wan dem we wash dem lang jakit a dem api, kaaz a dem a-go get di rait fi go iina di siti an fi iit fruut fram di chrii we gi laif.