1 Jan 1:3 - Di Jamiekan Nyuu Testiment

³ Wa wi did si an ier a dat wi a tel unu tu. Wi a tel unu so dat unu kyan muuv kluos wid wi, an wi a muuv kluos wid di Faada an wid im Bwai Pikni Jiizas Krais.

1 Jan 1:3 Iomraidhean Croise

Jan 17:11

“Mi naa go de iina di worl no langga. Mi a kom tu yu, bot dem stil a-go de iina di worl. Faada we uoli, yuuz yu powa an gyaad dem — di powa we yu gi mi — yuuz it an gyaad dem, so dem kyan ton wan, siem laka ou mi an yu a wan.

Jan 17:21

Faada, mi prie se aal a dem kom tugeda iina wan, siem laka ou yu liv iina mi an mi liv iina yu. An mi prie tu se dem wi liv iina mi an yu, so dat di worliyan dem kyan biliiv se a yu sen mi kom.

Jan 17:25

“Faada, we eva du rait, iivn duo di piipl dem iina di worl no nuo yu, mi nuo yu, an dem piipl ya nuo se a yu sen mi kom ya.

Jan 17:3

Fi liv fi eva miin se dem nuo yu, di onggl wan we a riili Gad, an dat dem nuo Jiizas Krais, di wan yu sen kom.

Jan 19:35

Di sumadi we si dem sitn ya apm taak bout dem, so unu kyan biliiv iina Jiizas. (Wa im taak bout a chuu. A no lai. An im nuo se a chuu im a taak.)

Aks 13:32

“Gad did mek wan pramis tu wi faada faada dem. An wi de ya fi tel unu di gud nyuuz bout di pramis.

Aks 13:41

“ ‘Luk ya, aal a unu we a bad chat we Gad se, unu a-go get joj. Kaaz mi a-go du som sopm iina da taim ya dat unu wuda neva biliiv, iivn ef sumadi tel unu.’ ”

Aks 2:42

Di piipl dem we biliiv Piita mesij spen di uol a dem taim a lorn fram di apasl dem, shier wa dem av wid wan aneda, iit tugeda an prie tu Gad tugeda.

Aks 20:27

Kaaz mi neva kip bak notn fram unu wen mi did a priich tu unu bout wa Gad waahn unu fi du.

Aks 4:20

Kaaz wi kyaahn tap taak bout di sitn dem we wi did si an ier.”

Ruoman 15:27

A dem mek op dem main fi du it, nobadi neva afi se notn tu dem, bot di chuut a dat dem sopuoz fi elp Gad piipl we puor. Kaaz ef di Juu dem did shier aal a di nais sitn dem we Gad Spirit gi dem wid di piipl we a no Juu, dem no fi shier dem moni an tingz wid dem tu.

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

1 Korintiyan 1:9

Gad, di wan we kaal unu fi bi wan wid im Bwai Pikni, wi Laad Jiizas Krais, aalwiez du wa im se im a-go du. So unu kyan chos se im wi de de fi unu.

1 Korintiyan 15:1

Nou mi breda an sista mi waahn fi elp unu memba di mesij bout Jiizas Krais we mi did priich tu unu. A da sed mesij de we unu a kip iina unu aat an we evriting we unu biliiv bies pan.

Ifiijan 3:6

Di siikrit mesij a dat wen piipl we a no Juu biliiv iina di Gud Nyuuz, dem ton Gad pikni an tek paat iina aal a di gud sitn dem Gad gi di Juu piipl dem. Pan tap a dat, aal a dem jain op tugeda wid di Izrel piipl dem we bilang tu Gad, an siek-a wa Jiizas du, dem gweehn get aal a wa Gad pramis fi gi im piipl dem.

Filipiyan 1:7

Mi nuo se it aarait fi mi tingk da wie ya bout aal a unu, kaaz mi lov unu an aal a unu elp mi wen mi did a tan op an a difen di Gud Nyuuz, weda mi did lak op iina prizn ar mi did frii. Aal a unu tek paat iina di gud sitn we Gad gi mi fi du, iivn duo wi no dizorv it.

Filipiyan 2:1

Krais Jiizas mek unu chrang, kaaz unu an im kluos. Im lov unu, so unu no afi wori bout notn. Unu an im Uoli Spirit a wan. Wen wan a unu a sofa di uol a unu fiil it. An unu kain tu unu wan aneda.

Filipiyan 3:10

Aal mi kier bout a fi nuo Krais Jiizas, an dat di powa we mek im kom bak alaiv wi wok iina mi. Mi waahn fi kyan go chuu eniting we mi afi sofa fi du we Gad waahn mi fi du, siem laik ou Krais Jiizas go chuu we im did sofa fi du we Gad did waahn im fi du. An siem laik ou im ded fi di rait riizn, mi mek op mi main fi ded fi im tu,

Koloshan 1:13

Daaknis did ruul uova wi, an Gad kom siev wi fram di daaknis an bring wi wich paat im Bwai Pikni a-go ruul uova wi — im Bwai Pikni we im lov,

1 Tesaluoniyan 1:10

An dem taak bout ou unu a wiet fi Jiizas, Gad Bwai Pikni, fi kom fram evn. Jiizas, we Gad mek kom bak alaiv. Jiizas, we siev wi fram Gad jojment we a kom.

1 Timoti 6:2

Ef enibadi av wan maasta we biliiv iina Jiizas tu, dem no fi rispek dem no les jos chuu di tuu a dem a breda. Bot sins dem an dem maasta ya a breda, dem fi rispek dem iivn muor an sorv dem beta. Kaaz it miin se dem a elp fi tek kier a Gad piipl we im lov. A dem sitn ya mi a beg yu fi tiich an fi push di piipl dem fi du.

Iibruu 2:12

Im se tu Gad se, “Mi wi tel mi breda an sista dem wa yu du an ou yu tan; wen dem gyada fi worship, mi wi sing im, an priez yu infronta di uol a dem.”

Iibruu 3:1

So mi breda an sista we bilang tu Gad, an we im kaal jos laik ou im kaal mi, unu fi kip unu main pan Jiizas. Im a di mesinja we Gad sen wi, an di liida fi di priis dem we go tu Gad fi wi, siek-a wa wi se wi biliiv iina.

Iibruu 3:14

Kaaz wi an Krais Jiizas, wi staat wok tugeda ef wi gwaan uol aan an chos iina im no mata wa, laik ou wi yuus tu du wen wi did fos staat biliiv iina im.

1 Piita 5:1

Mi a taak tu di elda dem ya nou. Mi a elda laik unu, mi a wan we si fi miself ou Krais Jiizas did sofa tu, an mi tel piipl bout dis, an mi a-go daans an praans wid im wen im kom bak wid aal a di powa we evribadi a-go si. So mi a beg unu du,

2 Piita 1:16

Wen wi tel unu bout di powa a wi Laad Jiizas Krais an ou im a-go kom bak, a neva no mek op tuori wi did a tel unu bout. Bot a tingz we wi si fi wiself. Wid wi uona yai dem wi did si di brait brait lait.

1 Jan 1:1

Di wan we niem di Wod we did de bout fram wie bak wen kom dong a ort tu wi. Wi did ier di Wod wid wi uona iez, si it wid wi uona yai dem, an toch it wid wi uon tuu an dem. A da siem Wod ya wi a tel unu bout.

1 Jan 1:5

Wi a tel unu di siem mesij we wi ier fram Jiizas Krais. Im tel wi se Gad eva du wa rait kaaz Gad a lait. Gad kyaahn du notn rang kaaz notn no iina im we kuda mek im du rang. Dat miin se no daaknis no iina im.

1 Jan 1:7

Bot ef wi liv iina di lait siem laik Gad, wi a liv iina piis wid wan aneda. Da wie de Gad wash we aal a wi sin dem wid im Bwai Pikni blod.