1 Jan 1:2 - Di Jamiekan Nyuu Testiment

² A da siem laif de shuo itself tu wi. Wi si it, an wi a tel unu wa wi si. Wi a tel unu bout di siem laif we did de iina evn wid di Faada an we kom shuo itself tu wi.

1 Jan 1:2 Iomraidhean Croise

Jan 1:18

Nobadi neva eva si Gad yet. Di onggl sumadi we eva si im a di wan dege-dege Bwai Pikni, we a Gad imself. Im wel kluos tu di Faada, an a im mek wi nuo wa di Faada komiin laik.

Jan 1:4

Im a di wan we mek evriting liv, an a im kyari lait kom gi piipl so dem kyan si.

Jan 10:28

Mi mek dem kyan liv fi eva, an dem naa go ded. Nobadi naa go grab an tek dem outa mi an.

Jan 14:6

Jiizas ansa im an se, “Mi a di wie, mi a di chuut, mi a di wan we mek piipl kyan liv. Nobadi kyaahn go tu di Faada ef dem no go chuu mi.

Jan 15:27

An unu fi tel piipl bout mi tu, kaa unu did de wid mi fram di staat.

Jan 16:28

Mi lef fram wich paat mi Faada de an kom iina di worl. Rait ya nou, mi a lef di worl fi go baka mi Faada.”

Jan 17:3

Fi liv fi eva miin se dem nuo yu, di onggl wan we a riili Gad, an dat dem nuo Jiizas Krais, di wan yu sen kom.

Jan 17:5

So, Faada, rait we yu de nou, mek mi get nof rispek, di sed kain-a rispek mi did av wen mi did de de wid yu fram bifuo di worl did mek.

Jan 19:35

Di sumadi we si dem sitn ya apm taak bout dem, so unu kyan biliiv iina Jiizas. (Wa im taak bout a chuu. A no lai. An im nuo se a chuu im a taak.)

Jan 21:14

Nou dat mek chrii taim Jiizas shuo imself tu im falara dem afta im kom bak alaiv.

Jan 3:13

Nobadi neva go a evn yet — onggl di wan we kom dong fram out de. An dat a di Man we Gad Pik.

Jan 7:29

bot mi nuo im, kaa mi kom fram im an a im sen mi kom ya.”

Jan 8:38

Mi a tel unu we mi si wen mi de roun di Faada; bot unu, du wa unu ier di Faada se!”

Aks 1:22

fram wen Jan did staat baptaiz tu di taim wen Gad tek im op a evn, wi niid wan a dem man de fi jain op wid wi an tel piipl se Jiizas kom bak alaiv.”

Aks 10:41

A no evribadi did si im, onggl wi, di wan dem we Gad did pik fram wie bak wen — wi we iit an jringk wid im afta im kom bak alaiv.

Aks 2:32

Gad did mek da siem Jiizas de kom bak alaiv, an di uol a wi did si wid wi uona yai.

Aks 3:15

Unu kil di wan we gi piipl riil laif, bot Gad mek im kom bak alaiv. An wi si aal a dat wid wi uona yai.

Aks 5:32

Wi a tel piipl bout dem sitn ya we wi nuo, an di Uoli Spirit we Gad gi tu aal uu du we im se, im a tel piipl bout dem sitn ya tu.”

Ruoman 8:3

Wi aat so ful op a sin wi kudn fala aal we di Laa se an so di Laa kudn siev wi. Bot Gad du we di Laa kudn du. Gad tek im Bwai Pikni ton im iina wan man, gi im wan badi siem laik fi wi uon we wuda waahn fi sin, an sen im kom a ort fi ded fi wi sin dem.

Gyalieshan 4:4

Bot wen di taim we Gad set did kom, im sen im Bwai Pikni, Jiizas. Iivn duo im a did Gad pikni, Jiizas baan jos laik mi an yu. Im did av wan mada an im did afi fala di Laa tu.

1 Timoti 3:16

Aal a wi nuo fi shuor se di uol a di sitn dem we Gad shuo wi, we jos big an powaful, a chuu. A chuu se: Jiizas baan a ort laik wan man. Di Uoli Spirit pruuv se Gad did tek im fi im Pikni an di ienjel dem did si im. Piipl priich tu evribadi bout im, evribadi put dem chos iina im an Gad tek im op iina evn.

2 Timoti 1:10

Nou Jiizas Krais wi sievya shuo wi ou im kain wen im kom an mek it so dat wi kyaahn ded. Im tiich di Gud Nyuuz so dat wi kuda andastan wa it miin fi liv fi eva.

Taitos 1:2

An wen dem andastan Gad wod it wi gi dem sopm fi luk faawod tu. Dem wi luk fi si an nuo fi shuor se Gad wi mek dem liv fi eva. Kaaz lang bifuo di worl did mek Gad pramis fi mek wi liv fi eva, an Gad no lai.

1 Piita 5:1

Mi a taak tu di elda dem ya nou. Mi a elda laik unu, mi a wan we si fi miself ou Krais Jiizas did sofa tu, an mi tel piipl bout dis, an mi a-go daans an praans wid im wen im kom bak wid aal a di powa we evribadi a-go si. So mi a beg unu du,

1 Jan 1:1

Di wan we niem di Wod we did de bout fram wie bak wen kom dong a ort tu wi. Wi did ier di Wod wid wi uona iez, si it wid wi uona yai dem, an toch it wid wi uon tuu an dem. A da siem Wod ya wi a tel unu bout.

1 Jan 2:25

An wa di Bwai Pikni did pramis a dis: im se wi a-go liv fi eva.

1 Jan 3:5

Unu nuo se Jiizas kom fi tek we sin an im no av no sin at aal.

1 Jan 3:8

Enibadi we sin bilang tu di devl, kaaz fram di worl staat di devl a sin. A dat mek Gad Bwai Pikni kom iina di worl, fi mash op di devl wok.

1 Jan 4:14

Faada Gad sen im Bwai Pikni fi siev wi. Wi did si im, an wi a tel evribadi bout im.

1 Jan 4:2

Dis a ou unu fi fain out ef dem riili av Gad Spirit. No spirit we se Jiizas Krais did kom iina di worl laik wan man, kom fram Gad.

1 Jan 5:11

An dis a wa Gad se: im gi wi laif we wi mek wi liv fi eva, an wi get da laif ya wen wi an im pikni kluos.

1 Jan 5:13

Mi rait unu we biliiv iina Gad Bwai Pikni so dat unu wi nuo se unu a-go liv fi eva an eva.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.