YKan. 102:3 - Yus Papí: Shuarja̱i̱ Yus Yamaram Chicham Najanamu

³ Warí, wi jinia mukuintiuri̱ wárik meṉkana núnisaitjiai. Tura ukunchrusha najamáiniak ji kapá̱a̱ ánis kápa̱a̱r awajtuiniawai.

YKan. 102:3 Iomraidhean Croise

YKan. 119:83

Uwá jutai̱ nuap jinia mukuintiuri̱n nenasma urukniuit núniniaitkiuncha Ame akupkámurminkia kajinmatkichuitjiai.

YKan. 27:9

Ame yápimkia wíniaka ú̱rtukaip. Ame takartámin kajerkam akankaip. Ámeka winia yáinniuitme. Tuma asam winia uwemtikrin Yusru ajapa ikiurtásh ikiurkim iniaitiusaip.

YKan. 31:10

Winia iwiaakmarka aya najaimiatja̱i̱ṉ amuiki̱ wéawai. Núnisnak núkap uwí úttsanak pujajai. Winia kakarmarka wi yajauch túrutairja̱i̱n amuiki̱ wéawai. Tuma asa winia ukunchruka kakarmachu ajasárai.

YKan. 31:3

Ámeka muchiṉ ejatna núnisam wíniaka ejateame. Ame náaram arantúkma ati jintintruam ewekáttsata.

YKan. 37:20

Yusan enentáimtichu ainia nuka amuukartatui. Núnisaṉ Jiuwá nemasri̱ṉkia murikiu machari̱ amuwana tura mukuint aya méṉkana núnikiartatui.

YKan. 38:3

Ame kajetáirmiji̱a̱i̱ winia aya̱shrui̱ṉkia yajauch awajkámu asan péṉkerka peṉké atsawai wi yajauch túrutairja̱i̱ ukunchrui̱sha ayama pujatsui.

Ukan. 1:13

Yakiya̱ṉ jinia akupkámai tura ukunchruncha amutrawai. Winia nawerui̱ nekan neturtukmai túruta úkumur awaṉtukmiai. Túrutamtai aya jú̱nik atsaku juákmajai nuya̱ṉka takamtsuk tsawant najaimiasan pujusmajai.

Ukan. 3:4

Winia namaṉkruncha, nuapruncha weamtikrurmai tura ukunchruncha kupirturarmai.

San. 4:14

Ishichkisha peṉké nékatsrume kashin átatna nu. Ju̱ nuṉkanam ii iwiaakmari̱ wárik amúatsuk. Yuraṉkim utsanar tura nantu sukuam mash wárik meṉkaatsuk. Núnisketji.