YKan. 101:3 - Yus Papí: Shuarja̱i̱ Yus Yamaram Chicham Najanamu

³ Nekascha nuja̱i̱ métek túramu ainia núnaka peṉké pachischattajai. Awajirar yajauchin túruiniana núuri̱nkia peṉké muí̱jruiniajai. Núninkia wini̱ṉkia peṉké atsuttawai.

YKan. 101:3 Iomraidhean Croise

YKan. 119:113

Ántar chichamtin ainia núnaka nakitiajai antsu Ame akupkámurminkia aneajai.

YKan. 119:37

Kame winia jí̱ruka ántar ainia nuna iis wakeruka̱i̱n tusam nuyá̱ akantuktia. Túram Ame jintimín wekasatin iwiaaku kakaram awajtusta.

YKan. 125:5

Antsu anaṉmamawar Yusai̱ya̱ kanakiar Yusa takatrí̱n iniaisar yajauchin túrin ainia nui̱m mash Uunt Yus yaruakartatui. ¡Israer shuarnumka tuke shiir aṉkant atí!

YKan. 139:22

¡Maaj íitniasha nakitiajai! Nekas nemasrua núnis enentáimtuiniajai.

YKan. 14:3

Antsu Yusai̱ya̱ kanakiar mash ti yajauch enentáintin ajasáruyayi. Kame péṉkera túrin chikichkiksha peṉké atsumiayi. Rum. 3:10-12

YKan. 36:3

Tura yajauch chichamtin nuyá̱ wáitrin áiniawai. Ántsaṉ esetar enentáimkiachu ajasáru áiniawai. Tuma ásar péṉker túrutairi̱sha peṉké atsuiniawai.

YKan. 39:1

Winia wekaamurun péṉker wainkiattajai wiki tumammiajai. Yusan enentáimtichu iiru pujai̱ṉ winia chichampruja̱i̱ yajauchin chichaka̱i̱j tusan emetatajai tímiajai.

YKan. 40:4

Nin enentáimtus pujana nuka naṉkamantu enentáimtumainia tura waitniumaani̱ enentáimtiktanash pachincha asa núnaka Uunt Yus waramtikiaiti.

YKan. 41:9

Winia tí peṉker amikiur péṉker enentáimtiniuj nu tura wiji̱a̱i̱ yurumniu nuke íksaṉ nemasur ajasmai.

YKan. 78:41

Ataksha Tunaarincha Yusan nekapáiniak tunaan tí turuiniak akajiarmiayi.

YKan. 78:57

Tuma ásar ni aparí̱ yaunchu túrutainiak Uunt Yusan kajinmatkiar umichu ajasár tséntsak tunirua núnikiarmiayi.

YKan. 97:10

Uunt Yus aneatirmeka yajauchikia muí̱jkiatarum. Kame Nin ti shiir enentáimtus umirin ainia nuna iwiaakmari̱nkia péṉker wáitniuiti. Tura Yusan umircha ainia nuya̱ṉka uwemtikiar aṉkant awajui.

Jiin. 20:17

Ame írutramurmi je̱e̱n nuwe̱sha, iniatairi̱ áishmaṉ tura nuwa̱sha waakari̱sha kawairi̱sha ni warirí̱ ashí irunainia nusha peṉké wakerutkaip” tímiayi Yus.

Jiin. 32:8

Kame Israer shuar wi akupkámu chichaman umitsuk kuriji̱a̱i̱ waakan nakumak najanawar nuna taṉkú maa áestuiniak ‘Israer shuara, ju̱i̱ti atumí yusri̱ Ejiptunmaya̱ ji̱i̱rmarmiarumna nu’ tusar tikishmátainiawai” tímiayi.

Neka. 6:12

Shuar yajauch enentáimkiana nu jú̱nisaiti, wait chichaman jukí̱ chíkich shuaran tsanukní̱ wekainiuiti.

Neka. 6:13

Anaṉkataj tusa ji̱ji̱a̱i̱ mítsumsaṉ tura nawe̱ja̱i̱ ántiniaisaṉ tura uwejé̱ja̱i̱ íniakmasaṉ ajawiti.

Neka. 6:25

Ni shíirmari̱ enentáimtusam wakerutkaip núnisaṉ nisha ji̱n peertamka̱i̱ṉ.

Neka. 8:13

Uunt Yus ashamakum yajauchia nu nakitráttame. Kame waantu enentáimtumastinniasha tura chikichji̱a̱i̱ṉkia naṉkamantuitjiai tu enentáimtumastinniasha núnisaṉ yajauch túratniuncha nuyá̱ yajauch chichastinniasha wikia peṉké nakitiajai.

Sak. 8:17

Núnisaṉ atumíiya̱ṉka chikichkisha aents írutramuri̱n yajauch awajsatniun enentáimtuscharti. Núnisrumek Yusa naari̱ antra pachisrum jú̱naka nekas túrattajai títin wakerukairap. Warí, Wikia núnaka peṉké muí̱jiajai’ tawai Uunt Yus” tímiayi.

Mat. 5:28

Tura Wisha tájarme, shuar nuwa̱n iis wakerukka ni enentái̱n tsanirmayi.

Rum. 12:9

Nekas enentáiji̱a̱i̱ mái̱ anenai ajatarum. Yajauch nakitrarum péṉkera nu túratarum.

Kar. 4:9

Tura yamaikia nekas Yus nékarme kame Yus atumín nekarmarme. Núnis asamtai itiurtsuk atak aentsu akupkámuri̱ umirkatin enentáimprum. Nuja̱i̱ kakaram ajaschamniaitme tura umikmesha yaintmakchattawai uwempratin.

Muis. 15:9

Núnisrumek tsaṉkurnatai̱ uwí ishichik ajasmatai susamsha awaṉturkichai tusarum yajauch enentáimiakrum atumí yachi̱ atsumamuri̱ sútsukka iniaisashtiniaitrume. Nu túrawakrumni̱ṉkia atumí yachi̱ Uunt Yusan seatramiakrumin yajauchiniam iniartatrume. Tura yajauch enentáimtsuk ni atsumamuri̱ súakrumninkia núnisaṉ Uunt Yussha atumniasha yaintmaktatrume. Kame kuítrinchasha tura atsumainiasha tuke iruntin áiniawai tuma asamtai nuka tuke yáiṉtiniaitrume. Tura Israer shuar áishmaṉkesha núja̱i̱nchuka nuwa̱ksha atumí takartámin ajastaj tusa surumakmataiṉkia sais uwichik takamtiksam siati uwí jeamtaiṉkia aṉkant akupkatniuitrume túrasha aṉkant akupeakrumsha jú̱nikkia akupkashtiniaitrume. Warí atumsha Ejiptunam emetamu wáitkiatai pujarmin Uunt Yus aṉkant awajtámsamiarumna nu enentáimsatniuitrume. Antsu anenmak wétinian nakitiakuiṉkia nakash achikrum wáitiniam anumkrum kuishi̱ chiṉkiaratarum túramka tuke atumí takartámin ajastatui. Tura aṉkant akupeakrumsha itiurchatka enentáimtusairap. Warí takakma chikichik tsawantin akitiái̱ji̱a̱i̱ṉkia naṉkaamas ishichkich akikiam sais uwí takamtiksa asarum túratniuitrume. Nu túrakrumni̱ṉkia Uunt Yussha péṉker yaintmaktatrume Uunt Yus turutmiayi” tusa Israer shuaran Muisais ujakármiayi.

Isr. 10:39

Tura iikia iniaisaar mesena nú shuarchaitji. Antsu Yus nekas enentáimtusar uwempraitji.

Jus. 23:6

Núnisaṉ Muisais úunt akupkámu chichaman aarmia nu patatcha patatsuk tura ementash ementsuk kakaram ajasrum ishichkisha kajinmáttsuk ashí aarma nu tímiatrusrumek umiktarum.

2 Pit. 2:21

Yusa akupkámuri̱n imiá péṉkera nuna Yus nú shuarnasha súsarmiayi. Túrasha nékainiayat tunaanum waketkiaru ásar ti asutniáwartatui. Tuma asamtai nekas jintian nekaachuitkiuṉka maak árainti.

1 Jṉ. 2:19

Nusha ii we̱a̱k ármayi. Túmaitiat nekas Yus shuar ácharmayi. Nekas Yus shuar áiniaka tuke iiji̱a̱i̱ irunar pujuara̱a̱yi. Tura jíinkiarmatai nekas Yus shuarcha ainia nu paant nekanamniaiti.

1 Sam. 15:11

“Sáuran úunt akupin anaikia asan kúntuts nekapeajai. Warí winia chichamprun umitsuk Wini̱ya̱ kanakní̱” tímiayi. Nuja̱i̱ Samuir itiurchat enentáimiar nu kashi kánutsuk Yusan áujsamiayi.