4 Kame nekapmamunmaṉka chikichik áishmaṉ aṉkant aṉkant weanmaya̱ atumji̱a̱i̱ pujuartatui. Tura nuka ní weanmaya̱ uuntri̱ ártatui” tímiayi.
Nuya̱ṉka Saramúṉ Israer shuara úuntri̱ncha tura ashí wea uuntri̱ armia nunasha Jerusaréṉnum irurarmiayi. Nusha Yus Aentsja̱i̱ Chícham Najanamu Eṉketai̱ Tawitia Pépruri̱ya̱ Seúnnumia̱ itiatai tusar túrawarmiayi.
Túrasha aents péṉker iisaram aents péṉker enentáimkia Yusan ashamin núnisaṉ nétsechu antsu kasamak kuítrintin ajastinian enentáimcha júuram chikichik mírnum chíkichkia siánnum tura chíkichkia seṉkuintianmasha núnismek chíkichkia tiásnumash uuntri̱ anairaram apujsarta.
Tura ashí Israernumia̱n shuar péṉker enentáimkian juur chikichnaka mírnum chikichnaka siánnum tura chikichnaka seṉkuintianmasha núnisaṉ chíkichkia tiásnumash uuntri̱ anair apujsarmiayi.
Tura Riwí shuara wai̱ri̱nkia Arauna naari̱ áatrata. Warí, ni shuari̱ uuntri̱ áiniana nuja̱i̱ métek aṉkant aṉkant ní wai̱ri̱niak takusartatui.
Kame Israer shuaran Matiannumia̱ nuwa̱ja̱i̱ apatak máwarmia nuka Sarú uchirí̱ Sémpriyayi. Nusha Semiun wea shuara úuntri̱yayi.
Nuyá̱ Uunt Yus Muisaisan chicharuk “Israer shuar ashí uuntri̱ ainia nu irurarta. Túram Wisha ímiai̱ṉ etsa̱ etsanmanum sué̱nam jiṉkiam kajemtikram máwarta. Nu túrawakmin Israer shuaran Uunt Yus suir ka̱e̱ kaje̱ntukmanka tsaṉkurartatjai” tímiayi Uunt Yus.