Wek. 1:1 - Yus Papí: Shuarja̱i̱ Yus Yamaram Chicham Najanamu

¹ Kame Israer shuar Ejiptunmaya̱ jíintrarmia nuka jimiará uwí wéamunam nántuka jímiar náṉkamma tsawantin Muisaiska kampuntin atsamunam Senái nainnium Yus Shiir Awajtai̱ Je̱a̱ pujan Uunt Yus chicharuk

Wek. 1:1 Iomraidhean Croise

1 Akup. 6:1

Israer shuar Ejiptunmaya̱ jíintramuka kuatrusiántu uchaintia uwí naṉkaamasu ai̱ Saramúṉ kuatru uwí Israernum úunt akupin ajas pujus Sep nantutin Uunt Yusa Je̱e̱n je̱a̱mtinian naṉkamamiayi. Sep támaka chikichik uwitin émka nantuka naṉkaamas nuyá̱ nantua nuiti.

Jiin. 19:1

Israer shuar Ejiptunmaya̱ jíinkiarmia nuyá̱ menaintiú nantu jeamunam nu tsawantini̱ṉ Senái kampuntin atsú nuṉkanam jeawarmiayi.

Jiin. 19:2

Tura Ripitímnumia̱ jíinkiar Senainium kampuntin atsunum jeawar Israer shuarsha naint íṉkiuasmak matsamkarmiayi.

Jiin. 25:22

Nui̱ ámiji̱a̱i̱ṉkia wainniaikiattaji. Tura Yus Aentsja̱i̱ Chícham Najanamu Eṉketáiniam pátatek jimiará kirupín pujuiniana nui̱ ajapén Tsaṉkurnatai̱niam yakini̱ pujusam ámiji̱a̱i̱ṉkia chichastatjai. Tura Israer shuar warinia túrawartiniait núnaka nui̱ ashí jintintiáttajme.

Jiin. 40:17

Kame jimiará uwí jeamunam, emka nantu juármanun tsawant chikichkitin Yus Shiir Awajtai̱ Je̱a̱ je̱a̱mar umikiarmiayi.

Jiin. 40:2

“Emka nantu tsawantri̱ yama juármanum Yus Shiir Awajtai̱ Je̱a̱ je̱a̱mtarum” tímiayi.

Riw. 1:1

Yus Shiir Awajtai̱ Je̱e̱n Uunt Yus Muisaisan untsuk chicharuk

Riw. 27:34

Jú̱ áiniawai akupkámu umiktin chichaman Senái nainnium Uunt Yus Muisaisan susamia nuka Israer shuar umikiartinian.

Wek. 12:4

Nuyá̱ aya aneachma Uunt Yus Muisaisan, Araunan tura Marin chicharainiak “Menaintiutiram Yus Shiir Awajtai̱ Je̱á̱ wetarum” tutai wéarmiayi.

Muis. 1:3

Kame Muisais Amur aentsu akupniúri̱n Sejunan Ishpunnum pujan tura Úkan Pasana akupniúri̱n Itri nuṉkanam nuntumas Astarútnum pujan nupetkarmiayi. Nuyá̱ uwí kuaraintiatin emka nantu náṉkamuk tsawant chikichkitin Muisais Israer shuar Uunt Yus akupkámu umiktin chichaman ujakármiayi.

Muis. 2:14

Jú̱nisar Sereet ashintsaka katitramiaji. Tura Káatish Parníanmaya̱ Sereet ashints katitmaamka traintiúchu uwí yujasarmiaji. Tuma túmainiai̱ aents mesetan unuimiátka armia nuka Uunt Yus timia tímiatrusaṉ ashí amuukarmiayi.