Use. 6:8 - Yus Papí: Shuarja̱i̱ Yus Yamaram Chicham Najanamu

⁸ Karaatnumia̱ṉka ti yajauchin túrin tura maṉkartin ásar numpan maatra áiniawai.

Use. 6:8 Iomraidhean Croise

2 Sam. 20:8

Tura Kapaunnum uunt kaya pujana nui̱ jeattsar wénamunam Amasaka támiayi. Tura Juapka suntar pushiri̱n entsaruyayi. Nui̱ pátatek emenmamak emenmamamunam puyá̱ eṉkemtáiri̱n eṉkeamun puya̱n emenmamauyayi. Tura wéamunam nu iniantrámiayi.

2 Sam. 3:27

Túruna Ápnerka Eprunnum waketkimiayi tura pepru wá̱i̱ti̱a̱i̱ri̱ya̱ nui̱ níniak áujsataj tana nútikias Juap akaṉkí̱ puya̱ja̱i̱ tantannum ijiú mámiayi. Ni yachi̱ Asaer mantuamu asa Juapka yapajmiák nincha mámiayi.

1 Akup. 2:5

Núnisaṉ Sarwia uchirí̱ Juap warí itiurtukma nu amesha nékame. Nui̱ jimiará Israer shuar suntara úuntri̱n Nera uchirí̱ Ápneran tura Jetera uchirí̱ Amasan mesetka atsamunam máiniak mesetnum túrutai̱ya núnis numpen ukatainiak tura emenmamkari̱ncha nuyá̱ sapatri̱ncha númpak ajaschamkia.

YKan. 10:8

Tuma ásar péprunam a̱a̱ch ú̱mprukar umitmákchan máiniawai tura ayamprumakchamnia ainia nunasha nákainiawai.

YKan. 141:4

Kame winia enentái̱r yajauchia nuna wakerukat tusam tsaṉkatrukaip. Tura aents yajauchin túrin ainia nuja̱i̱ aya yájauchiniak pujursa̱i̱ṉ tusam iniaitiusaip. Kame ni yurumkari̱ kunturmaitkiuisha nunasha yuruashtaj tajai.

YKan. 59:2

Yajauchin túruinia nuyá̱ aṉkant awajtusta túram maṉkartin ainia nuya̱sha uwemtikrurta.

Isa. 59:6

Kame nu áṉkusha entsarchamniaiti núnisaṉ ni najanamuri̱ji̱a̱i̱sha nukumákchamniaiti. Tura ni túrutairi̱sha aya yajauchikiti nuyá̱ ni uwejé̱ja̱i̱ ti emeskamusha írunui.

Jrm. 11:19

Wikia murik peṉké kajechuch mátniunam júam urukniuit núnikmajai. Winia mantuatai tusa chichaman jurutainiak jú̱nis turutiarmai. Numi nérentiuk emesratai matsatainia nú nuṉkanmaya̱ṉka tsupinkiati túramka ni náari̱nkia atakka peṉké enentáimtunsashtatui.

Use. 12:11

Karaatnum tunáa ákuiṉkia nú nuṉkaka peṉké antar awajnástatui. Tura Jirkarnum waakan máwar áesainiakuisha ni áestutairi̱sha kaya tsairma arant tepetar ajainia núnikiartatui.

Use. 12:12

Jakupka pisar Aramnum wémiayi. Tura Israerka nuwa̱n wakerak chikichan takarin ajasmiayi. Núnisaṉ nuwa̱ wakeramuja̱i̱ murikiu wáinin ajasmiayi.

Mik. 7:2

Kame ju̱ nuṉkanmaṉka chikichkisha nekas enentáiji̱a̱i̱ Yusan enentáimtaka peṉké atsawai. Jú̱ aentsnumia̱ṉka chikichik áishmaṉkesha péṉkera túrinkia atsawai antsu aya maṉkartuatniunak wakeruiniawai tura aṉkant aṉkant ni írutramuri̱n e̱a̱min nekaja̱i̱ achinia nútikias anaṉka achiniawai.

Tur. 25:3

Tura chicharainiak “Waitneasam Páprusha Jerusaréṉnum akupkata” tiármiayi. Jintiá maatai tusar wakeruiniak nuna tiármiayi.