Use. 6:4 - Yus Papí: Shuarja̱i̱ Yus Yamaram Chicham Najanamu

⁴ Tura Uunt Yus chichaak “Eprainkiá tura Jutáa atumniasha ¿warí itiurkatjarmek? Warí atumí umitiairi̱ṉkia káshik yuraṉkim nuṉká utsanar áyat tura sanamákiat nantu sukuam wárik meṉkaana ániuiti.

Use. 6:4 Iomraidhean Croise

Jrm. 3:10

Nuna túrayat ni kai̱ṉkia ántichu Jutaka ené enentáimia ajas wakettsuk antsu waitruá waketki̱ tamai” tawai Uunt Yus.

Jrm. 3:19

Wikia chichaakun ‘Maa, aneakun Winia uchirua tímiatrusan apujsatniun tura uunt nuṉka mátsatkamu nuṉké̱ ti shíirmach wakerújamaiya̱ nunasha amastinian urutmatsuk wakeraj túrasha ¿itiurak túratjam?’ timiajai. Tura Wí chichasnak ‘Winia Aparu turuttiatrume nuya̱ṉka peṉké kanakchattarme Wini̱ya̱ṉka’ timiajai.

Jrm. 34:15

Nuyá̱ Winí̱ waketkirum Winia naar pachisar Winia Shiir Awajtai̱ Je̱e̱rui̱ tu anaikiamua nu Wi íimmianum atum shuar iniatai̱ pujuinia nu aṉkant awajsartai tama chícham najanamarmena nuka nekas péṉker túramarme.

Jrm. 5:23

Túmaitiat jú̱ pepru enentáinkia nétsete tura antuktinian nakitiáiniak aya kajen áiniawai. Tuma ásar kanakiar yajá wéaruiti.

Jrm. 5:7

Uunt Yus chichaak “Nuna túruiniancha ¿itiurak tsaṉkurartaj? Warí atumí uchirí̱ṉkia ajaprua iniaitiusarai. Túmainiak yuscha ainia nuna pachisar nekas túrattaji tuíniawai. Warí ni atsumainiamunka Wikia ashí súsarmajai túramaitiat niṉkia tsanirmawar aya̱shin súrin nuwa̱ matsamtainmasha tí waketiarmai.

Jrm. 5:9

Nuna túmainiakiuisha ¿asuttsukek iniaisartataj? ¿Tura uunt nuṉka mátsatkamu túmaitkiuisha Wikia yapajmiákchattajak? tawai Uunt Yuska.

Jrm. 9:7

Tuma asamtai Ashí Akupin Uunt Yus chichaak “Pai yamaikia kuri unuikiar aya kúrik awajsatniua áitkiasan nekapsartatjai. Túrachkuncha Wi shuara nawantri̱ncha ¿warí itiurkatjak?

Use. 11:8

Kame Eprainkiá tura Israerá ¿itiurak surukan tura ajapan ikiuktiajrum? ¿Urukamtaik Atma tura Sepuimia nútikiancha ajapan iniaisaintjiarum? Warí imiá aneancha ashí winia enentái̱rja̱i̱ enentáimsan tura waitnentakun yáiṉtinian wakerajrume.

Use. 13:3

Tuma ásar Eprain shuarka káshik yuraṉkim nuṉká utsanar nuyá̱ sanamák meṉkana tura nase kakaram iniar tsuátan umpuí yarumna nuyá̱ jinia mukuintiuri̱ jíiniana núnis wárik meṉkakartatui.

Mat. 13:21

Tura núkap kaṉkaprurcharu ásar katsuiniatsui. Antsu itiurchatan íṉkiuiniak tura Yus Chichaman wakeruinia ásarmatai chíkich yajauch áujmatam wárik iniaisar ikiuiniawai.

Suma. 3:12

Nuyá̱ ataksha Israer shuarka Uunt Yus íimmianum ti yajauchin túrawarmiayi. Túmainiakui Uunt Yus Israer shuaran itiurchat awajsarat tusa Muap aentsu akupniúri̱ Ikrunan ikiatkarmiayi.