Use. 6:3 - Yus Papí: Shuarja̱i̱ Yus Yamaram Chicham Najanamu

³ Uunt Yus nekaatin ti wakerukar kakaram e̱a̱kartai. Warí etsa̱ imiá nekas jíinkittiana núnis tura yumi nekas yutuk nuyá̱ ataksha imiá nekas yutuktatna núnis Uunt Yus iin tarutramartatjinia nuja̱i̱ métek nekas nekamniaitji.

Use. 6:3 Iomraidhean Croise

2 Sam. 23:4

esat tsawa̱a̱kui yuraṉmisha atsamunam etsa̱ jíiniuk tsáapin ajana tura yumi yutuk naṉkaamas tsáapin ajas nuṉkaya̱ nupa̱n tsapamtikna núnisaiti’ tawai.

YKan. 19:4

Ashí nuṉkanam tui̱ shuar pujuinia tura nuṉka náṉkatramua ímianaisha Ni naṉkamanturi̱nkia wainiainiawai. Kame etsa̱nka nayaimpiniam ni pujutái̱ri̱n najata Yus ikiusuiti.

YKan. 19:6

Étsa̱ka nayaim náṉkatramunmaya̱ jiini̱ ataksha nayaim náṉkatkamunam waya̱a̱wai. Ni sukuachmaka chikichkisha peṉké atsawai.

YKan. 63:8

Wikia iwiaaku pujajna ju̱i̱ṉkia Ámiji̱a̱i̱ tsaníakui ame untsuur uwejmiji̱a̱i̱ achirkattame.

YKan. 65:9

Nuṉkasha wekaatusa iisam yumi yutumtikiam entsa ukatme túram tí peṉker awajsam shiir neremtikme. Yusa entsarí̱ piak awai. Túram Ame wakerakum yumi akuptúkam tríkiusha ti péṉker neremtikiainiame.

YKan. 72:6

Kame nupa̱ kuarman yumi yútak ju̱yu̱í̱ ajak wárik tsapamtikia nútikias nisha shuaran péṉker yaiṉkiartatui.

Neka. 4:18

Antsu Yusan umirkaru wekaamuri̱ṉkia etsa̱ etsantki̱ takuuṉki̱ tutupnirka ashí tsáapin ajana núnisaiti.

Isa. 2:3

Tura untsurí nuṉkanmaya̱ aents káunkar chichainiak “Winitiárum Uunt Yusa náintri̱n, Jakupa Yusri̱ Je̱e̱n wákarmi. Tura ni jinti̱n wekasatniun jintintrámawakrin Niin wekaasarmi” tiártatui. Warí akupkámu chichamka Seúnnumia̱ jiinkittiawai tura Uunt Yusa chichame̱nka Jerusaréṉnumia̱ antuukattawai.

Isa. 44:3

Wi nuṉka kuchachnum entsan ukartatjai túran nuṉka ju̱ju̱ptinnium entsa waa ajastatui. Núnisnak Winia Wakantrun ame shuarumin ukartatjai tura péṉker yumiṉkran ame tiraṉkrumnia̱sha jé̱e̱rartatjai.

Isa. 5:6

Núnisnak kanawencha puruntrashtatjai. Nuiṉkia aya kampuntin atsú awajsattajai. Túram mashiak arakmachmin narasha tura jaṉkisha tsapakartatui. Núnisnak yumi yuturkai tusan yuraṉmincha akuptúkchattajai.

Isa. 54:13

Tura ashí ame uchirmeka Uunt Yus jintintiámu ártatui tura ni aṉkant pujustinkia ti núkap átatui. Jṉ. 6:45

Jrm. 24:7

Winia nekarawarat tusan nekatai̱n súsartatjai. Warí Wikia Úunt Yuschakaitiaj. Nekas enentáiji̱a̱i̱ Winia enentáimturainia ásar niṉkia Wi shuar ártatui tura Wikia ni Yusri̱ átatjai.

Isk. 36:25

Tura péṉker entsaja̱i̱ ukatran ashí yajauchia nuyá̱ atumí tunaari̱ncha tsaṉkurattajai. Nuyá̱ najankamu yus enentáimtutai̱nmaya̱sha aṉkant awajsattajrume.

Use. 14:5

Kame Israernaka Wi sana sanamtikna nútikiakun kuku̱j kuku̱jrana nútikiattajai. Túran Ríwianu naintia ímianu umuchkiachmin kaṉkaprumtikiattajai.

Use. 14:6

Ni kanawe̱sha tseṉkerartatui. Tura ni peṉkeri̱ṉkia uriwiua ánis nuyá̱ kuṉkunti̱sha Ríwianunmaya̱ setru kuṉkunti̱a ímianu kuṉkuittiawai.

Use. 2:20

Kame nekas winia nua̱r ajasrum péṉker wáiniam Uunt Yus paant nekaattarme” tímiayi.

Mik. 4:2

Untsurí nuṉkanmaya̱ aents káunkar chichainiak “Winitiárum Uunt Yusa náintri̱n, Jakupa Yusri̱ Je̱e̱n wákarmi. Tura ni jinti̱n wekasatniun jintintrámawakrin Nin wekaasarmi” tiártatui. Warí akupkámu chichamka Seúnnumia̱ jiinkittiawai tura Uunt Yusa chichame̱nka Jerusaréṉnumia̱ antuukattawai.

Mik. 5:2

Tura ame Épratanmaya̱ Piriṉkia, Jutá weanmaya̱ imiá uchich ámini̱ṉ, aminí̱ya̱ Israer shuarnum akupin jiintiurkittiawai. Niṉkia ti yáunchuya̱iti. Kame náṉkachu asa tuke pujuwiti. Isa. 11:1; Mat. 2:6

Mik. 5:7

Kame sánaka Yusai̱ya̱ winiatsuk tura yumisha aentsnaka nákatsui núnisaṉ yaaksha akupkachmaitiat yútakka ashí nuṉkan péṉker awajui. Núnisaraṉ Jakup shuar ishichik juákarua nuka ashí nuṉkan péṉker awajsártatui.

Sak. 10:1

Uunt Yusak yútumtikiawai tura aentsnasha yurumkan suíniawai. Ántsaṉ kampunniunmasha arakan tsapamtikiui. Antsu najankamu yus ainia nuka ántar áiniawai. Tuma asa aentska murik wainniuri̱ atsana núnisar námkamsar yujainiawai.

Mks. 4:2

“Antsu Winia naar ashamniutirminkia Nekasa Nuja̱i̱ Métek Túrin-Etsa̱ jiini̱ etsantramprattarme tura nuna nanape̱ja̱i̱ ejatmak uwemtikramprattawai. Túrutmamtaikia waaka uchich unuertaj tusa wenuknum chumpíamu ji̱i̱ram nántea nántea ajainiatsuk. Atumsha núnisrumek túrunattarme.

Mat. 13:11

Tutai Jesus chichaak “Urukuk ju̱ nuṉkanam Yus akupin ati, nuka yaunchu nekanachmiayi. Tura yamaikia Yus ashí nuna atumín paant iniakturmawai. Antsu chíkich nuna nekaachmin áiniawai.

Ruk. 1:78

Yuska ashí shuaran anea asa iincha waitnentramak ni pujamunmaya̱ ni tsáapnintri̱n suramsaitji. Ni enentái̱n kiritniunam wekainia nuna mesertinnium jeatéma ásarmatai ni tsáapnintri̱ jeatⁱ tusa túraiti.Isa. 9:2 Tura ashí iincha ii enentái̱n imiatkinchanum wekasarmí tusa túraiti.” Isa. 59:8 Nuní̱ tímiayi Sakarías.

Juaṉ 17:3

Kame ju̱i̱ti tuke amukashtin iwiaakma. Amek nekas Yúsaitmena nuna tura Jesukrístu Ame akupkámuiti nú nekaatniua nuiti.

Juaṉ 7:17

Yus wakerana nuna shuar nekas umiktinian wakerakka winia chichamprun nekaattawai. Nekas Yúsnaitkiuiṉkia nuna nekaattawai. Aya wi enentáimmiaja̱i̱ṉ chichaakuisha nuna nekaattawai.

Tur. 17:11

Piríanmaya̱ aentska Tisarúnikianmaya̱ áentsja̱i̱ṉkia naṉkaamas péṉker enentáimkia ármiayi. Tuke enentáiji̱a̱i̱ Yus Chichaman ántiarmiayi. Túrawar tuke tsawant imia niṉkisha Papru tana nuna nekasashit tusar Yusa papiri̱n íiniak péṉker esetar íisar unuimiármiayi.

Muis. 32:2

Wi jintíamuka yumi yáitmataik yuta áintsaiti. Kame chichamprusha yumi ju̱yu̱í̱ ajak arakan sa̱a̱kniasha sanamtikiana núnisaiti.

Isr. 3:14

Yámankamtaik Kristu shiir enentáimtusmaj núnisrik tuke iniaitsuk émeteakrikia Krístuja̱i̱ shiir tsaniṉkiar pujustatji.

2 Pit. 1:19

Tura núna naṉkaamas ti nekasa nu, Yúsnan etserin yaunchu etserkarmia nusha nékaji. Ju̱ étserma ju̱sha tsawant tsawa̱tsa̱i̱ṉ kiritniunam ji keak tsáapin awajeana áintsaṉ asamtai péṉker enentáimta asarum péṉker túrarme. Tura Kristu taa Yáṉkuam etsantea núnisaṉ atumí enentái̱n ashí paant awajsattawai. Tura nu tsawant jeatsa̱i̱ṉ nu étserma tuke péṉker enentáimtustarum.

Apu. 22:16

“Wi, Jesus, ashí Yus shuaran ujakárat tusan winia suntarun akupkajai. Wikia Tawit Weaitjiai. Túrasha Tawitia úuntri̱ntjiai. Wikia tí tsaapin yaa Yáṉkuamia áintsaṉketjai” tawai.