Use. 5:14 - Yus Papí: Shuarja̱i̱ Yus Yamaram Chicham Najanamu

¹⁴ Uunt Yus jú̱nis tíniuiti. Warí ímia wiki úunt ya̱wa̱ núnisaṉ Eprainnasha tura úunt ya̱wa̱ uchirí̱ya núnisnak Jutancha emeskan tura sá̱a̱ran ikiuktiatjai. Tura Wi emeskamtai achirar yaruakartata nui̱ṉkia yaaksha ayamprúktinkia peṉké atsuttawai.

Use. 5:14 Iomraidhean Croise

Juup 10:16

Nantakuiṉkia, úunt ya̱wa̱ áitkiarsam e̱a̱meame, tura emesturtaj tusam aents túrachminia nu iniakmame.

Juup 10:7

Amek nékarme ámin enentáimtichu aentsua núnischaitjiai. Tura chíkichkia amiya̱ uwemtikrurtiṉkia peṉké atsawai.

YKan. 50:22

Yúsnan kajinmatainia nútiram antuktarum núja̱i̱nchuka tsai̱ tsai̱ awajtámsamniaiti. Túrutmamtai yaki uwemtikramprat.

YKan. 7:2

Ayamprúktin atsakui úunt ya̱wa̱ warí itiurniuit nútikrua winia wakantrun aents yajauch awajtúsar ayampruttsuk ikiurkiara̱i̱ṉ.

Jrm. 25:38

Wáitkiarmia nuna ti kajerkar nu nuṉkan emesrar tura suir enentáimiar nu nuṉkan emesarmatai Uunt Yus úunt ya̱wa̱ tepetairi̱ya̱ jiinkí̱ wéak ikiuana núnis ni nuṉke̱ṉka aya jú̱nik ikiukniuiti” tawai Uunt Yus.

Ukan. 3:10

Wi íismaka chai̱ tsékeṉki̱ peemprutkataj tana núnisauyi. Tura riun nákamak pujana tímianuyi.

Use. 13:6

Tura yurumkanka amasmajrume túramu asarum núkap yurumá ejemarum atumí enentái̱n naṉkamantu enentáimtumakrum Wíniaka kajinmátrukmiarme.

Use. 2:12

Íkiuncha tura uwa ajancha ‘Ju̱ja̱i̱ winia tsanir akirkarmai’ tiarma núnaka emestukarjai. Túrawaram ni ajarí̱nkia kampuntin ajasármatai kampunniunmaya̱ yajasma yuáwartatui.

Use. 6:1

Ashí Israer shuarti Uunt Yusai̱ waketkiartai. Kame jáakri̱ncha tura Ni iin numpampramaitkiuisha páchitsuk ii Yusri̱ṉkia tsuármartatji.

Ams. 2:14

Tura wárik wekainiaitiataṉ pisarchattawai ántsaṉ kakarmancha ni kakarmari̱ṉkia yáiṉchattawai. Núnisaṉ ti kakarmasha ni iwiaakmari̱ uwemtikrashtatui.

Mik. 5:8

Túramtai Jakupa shuari̱ úunt ya̱wa̱ kampunniunmaya̱ yajasma kajen ainia nuna ajapéri̱n nupetmaku wajana tura úunt ya̱wa̱ uchirí̱ murik matsatmanum ajapén pujuras péempruk esái júak chikichkiṉkisha iniaṉkakchattana núnisaṉ nisha ishichik juákaruitiat untsurí nuṉkanmaya̱ aentsu ajapéri̱n nupetmakaru wajasártatui.

Muis. 28:31

Nuyá̱ atumí waakari̱ncha átum íimprumni̱ṉ manturtamawartatui, túrasha peṉké yúashtatrume. Núnisaṉ atumí umpururi̱ncha átum íimprumni̱ṉ yarurtamkariat awaṉturmakchartatui. Nuyá̱ atumí murikrí̱ncha nemasrum yarurtamkartatui. Túrutmawakrumnisha yaaksha awaiṉkitniun yaintmakchattawai.

Muis. 32:39

Wats yamaikia nekaatarum. Wikia Wíkitjiai. Wini̱ya̱ṉka chíkich yuska peṉké atsawai. Tuma asan iwiaaku awajsancha ataksha Wiki iwiaakmari̱n juriniaitjiai tura suṉkurmamtikiancha Wiki tsuáwitjiai. Tuma asamtai Wini̱ya̱ṉka chíkichkia uwemtikrachminiaiti.