Use. 4:6 - Yus Papí: Shuarja̱i̱ Yus Yamaram Chicham Najanamu

⁶ Wi shuarka nekatai̱n nékachu ásar emesramuiti. Warí átumka nekatai̱ nakitramarme. Tuma asakrumin Yusna takarniuitrumna nuya̱ntka jí̱i̱ktiatjarme. Warí atumí Yusri̱ akupkámu chichamsha kajinmátki̱n asakrumin Wisha núnisnak atumí uchirí̱ncha kajinmátkiartatjai.

Use. 4:6 Iomraidhean Croise

YKan. 119:139

Winia nemasur ainia nuka Ame chichammin kajinmatainiakui winia akasmatai̱rka amukáyi.

YKan. 119:153

Winia kúntutsur iisam aṉkant awajtusta. Kame Ame akupkámurminkia wikia kajinmatkichuitjiai.

YKan. 119:61

Yusan enentáimtichu ainia nu chapikji̱a̱i̱ téntatrukarai tura wikia Ame akupkámu chichamminkia kajinmatkichjai.

YKan. 18:27

Aents péejchach ainia nuka uwemtikiainiame. Ame antsu waantu enentáimtumainiana nuka natsanmai̱ péejchach awajáiniame.

Neka. 10:21

Péṉkera túrinkia ni chichame̱ja̱i̱ untsurí aentsun ikiakáiniawai. Antsu nétseka ní nekascharaṉ jáiniawai.

Neka. 19:2

Núnisaṉ nékatsuk wariṉkish túratniuka péṉkerchaiti tura wáurtus túrincha yajauchin íṉkiuawai.

Isa. 1:3

Tí waakaksha nérenniuri̱nkia nékaiti. Núnisaṉ umpurusha nérentin tui̱ ayurniuit nunasha nékawai. Tura Israer shuarka wi shuar áiniayat ántichu ásar peṉké nékachu áiniawai” tawai.

Isa. 17:10

Warí ámin uwemtikramin Yuska ámeka peṉké kajinmátkiniaitme tura ejamtai̱ram Muchiṉsha ámeka peṉké enentáimtuschaitme. Tuma asam shíirmach araksha araktatrume núnisrumek chíkich nékashtai arakja̱i̱ apatkar jéemtikramusha araktatrume.

Isa. 28:7

Tura Yúsnan takarniusha núnisaṉ Yúsnan etserniusha ímiaja̱i̱k wainji tuinia nusha awartiun nampeku ásar ántar tuíniawai. Tura winiú nampekar nekasa nuna chichainiachu ásar ti awajir chichainiawai. Ántsaṉ mai̱ énentaim ajainiak péṉker sumamtikiainiatsui.

Isa. 29:12

Tura áujsatniun nékatsna nunasha “waitneasam ju̱ áujsata” tusa susattawai. Túramsha chichaak “áujsatniun nékatsjai” títiatui.

Isa. 3:12

Maa, Wí shuartirmeka nekaatarum. Atumí itit awajtámainiaka uchi áiniawai tura nua̱rí̱ nuna úuntri̱ṉkia ajainiawai. Tuma ásar yajauch jintianmaani̱ juramkiar awajimtikramprume.

Isa. 45:20

Chíkich nuṉkanmaya̱tirmesha iruntrarum winitiárum tura ashí nuṉkanam iwiaaku juákaru pujarmena nútirmesha tantatarum. Kame ju̱ shuar numi yusan najanawar enentáimtuiniana ju̱ka enentáimcha áiniawai. Tura najanamu yus uwemtikkiarturchamnia nuna seainiawai.

Jrm. 2:8

Yúsnan pujurniusha Uunt Yussha ¿tui̱ pujá? turutcharmai. Tura akupkámu umiktin chichaman nékainiasha nekaracharmai. Murikiu wáinin arma nusha Wíniaka nakitruiniak kajertukarmai. Núnisaṉ Yúsnan etserin arma nusha Paara náari̱ji̱a̱i̱ etserkarmai. Túmainiak antra nuna e̱a̱karmai.

Jrm. 4:22

Warí Wi shuarka Wíniaka nekarainiachu ásar enentáincha áiniawai. Uchi peṉké ántichua núnisar antutai̱ri̱sha atsuiniawai. Yajauch túratniunka tí nekainiayat péṉker túratniun peṉké nékainiatsui.

Jrm. 5:21

Kame jí̱ntiniaitiatrumek wáintsurme tura kuishmisha ai̱ṉ ántatsrume.

Use. 13:6

Tura yurumkanka amasmajrume túramu asarum núkap yurumá ejemarum atumí enentái̱n naṉkamantu enentáimtumakrum Wíniaka kajinmátrukmiarme.

Use. 2:13

Kame Páaran kuṉkuinian áestak kuishniun aki̱i̱tia̱i̱n aki̱a̱r tura tí shiirmach iwiarmamtaiji̱a̱i̱ iwiarmameak tsawantan ántar wasurka asamtai asutiáttajai. Túmak Wíniaka kajinmátruki̱ ni tsaniri̱ji̱a̱i̱ weúwiti” tawai Uunt Yus.

Use. 6:6

Warí taṉku máarum áesturatniuja̱i̱sha naṉkaamas nekaska Winia anentak tusan wakerajai. Núnisaṉ Wíji̱a̱i̱ṉkia Yus nekaatniuka takamtsuk áesturatniuja̱i̱sha naṉkaamas péṉkeraiti.

Mat. 1:6

Nuna uchirí̱sha úunt akupin Tawit. Uunt akupin Tawitia uchirí̱ncha Saramúṉkan Pitsawí takusmiayi. Pitsawísha emka Uríasa núwe̱yayi.

Mat. 15:8

‘Ju̱ aents ni wene̱ja̱i̱ shiir awajtuiniawai tura ni enentái̱ṉkia yajá enentáimiainiawai.

1 Sam. 2:12

Irí uchirí̱ armia nuka Yúsnan pujurin áiniayataṉ Yusan enentáimtichu ármiayi. Núnisaṉ Uunt Yusa nekatairi̱ncha takakcha ármiayi. Yus áestuatniun tí peṉker armia nú namaṉken níniunak achia̱rmiayi. Arantichu ásar nú natsa yajauchiri̱nkia Uunt Yus íimmianum ti uunt armai.