Use. 3:5 - Yus Papí: Shuarja̱i̱ Yus Yamaram Chicham Najanamu

⁵ Tura Israer shuarka ataksha ni Uunt Yusri̱ enentáimturar ni akupniúri̱ Tawitiai̱ waketkiartatui. Tura amúamu tsawantinkia Uunt Yusan ashamainiak kuraṉkar waitnenkartutairi̱n seawar Nin weantúkartatui.

Use. 3:5 Iomraidhean Croise

1 Akup. 12:16

Nuiṉkia ashí Israer shuar ni searmia nu anturkacharam nisha chichainiak “Iisha Tawitji̱a̱i̱sha ¿warí íistiniaitiajⁱ? ¡Isái uchirí̱ Tawitia shuari̱ṉkia iiniu átinkia peṉké atsawai! ¡Israer shuartirmeka atumí je̱e̱n waketkitiarum! ¡Yamaikia Tawitia, amé shuarak Iistá!” Nui̱ṉkia Israer shuarka ni je̱e̱ni̱i̱ṉ waketrarmiayi.

Isa. 17:7

Nu tsawantinkia ¿ya Nin najanait? nuna aentska enentáimtusartatui. Tura iimia ni jí̱ji̱a̱i̱ṉ Israernumia̱ Tunaarinchantka wáinkiartatui.

Isa. 2:2

Kame amúamu tsawantinkia Uunt Yus Shiir Awajtai̱ Je̱a̱ pujana nú naintkia chíkich naint ainia núja̱i̱ṉkia naṉkaamas páantin awajnástatui. Tura nu naint tépepra ainia núna naṉkaka uunt átatui. Túrunamtai ashí nuṉkanmaya̱ aents ti untsurí nin kauniartatui.

Isa. 2:3

Tura untsurí nuṉkanmaya̱ aents káunkar chichainiak “Winitiárum Uunt Yusa náintri̱n, Jakupa Yusri̱ Je̱e̱n wákarmi. Tura ni jinti̱n wekasatniun jintintrámawakrin Niin wekaasarmi” tiártatui. Warí akupkámu chichamka Seúnnumia̱ jiinkittiawai tura Uunt Yusa chichame̱nka Jerusaréṉnumia̱ antuukattawai.

Isa. 9:13

Túmainiayataṉ Israerka peṉké pachimiascharmiayi tura Úunt Yusnasha peṉké enentáimtuscharmiayi. Tuma asamtai Uunt Yussha nu tsawantai̱k pepru úuntri̱ncha tura Yúsnan etserin armia nunasha nuyá̱ jintinkiartin armia nunasha aentsun awajimtikiainia ásarmatai núnisaraṉ natsancha mitiaikiancha tura waje̱ armia nunasha peṉké waitnentsuk ashí asutiáwartatui.

Jrm. 23:5

Uunt Yus chichaak “Tsawant jeamtai Tawit shuarnumia̱n péṉkeran túrinian apujsattajai. Uunt akupin péṉker enentáimtai̱ji̱a̱i̱ akupea asa péṉker túratin tsaṉkatkamua nuna túrak ashí nuṉkanam nekasa nuja̱i̱ métek túrattawai.

Jrm. 30:24

Uunt Yus ni enentái̱n túratniun tuke umitsuk ni tí kaje̱ntkamuri̱ atsaṉnarchattawai. Tura nuka tsawant amúamunam nekaattarme.

Jrm. 30:9

Antsu ni Yusri̱ Uunt Yusan tura ni úunt akupniuri̱ Tawitniasha umirkartatui. Kame Wi níniak ataksha nui̱ṉ apujtustatjai.

Jrm. 33:17

Warí Uunt Yus chichaak ‘Tawitia tiraṉki̱ Israer shuara akupin pujutái̱ri̱n pujustinniaka peṉké táaschattawai.

Jrm. 33:9

Jú̱ pepruka Winia náarun pachisar warainiak tura winia wincharun wararainiakᵘ shiir awajtin ártatui. Túrasha ashí péṉkeran Wi jú̱ peprun túraitjiana nuna ashí nuṉka uunt mátsatkamunam antuk nekaawar ashamainiak tákeer ajartatui.’

Isk. 38:16

Túrunarum Wi shuarja̱i̱ mánaiktaj tusarum yuraṉkim nuṉká utsantra núniktatrume. Nuka amukatin tsawant jeakui túrunattawai. Kame ámin Kuká, túrattajmena nuna iisar uunt nuṉka mátsatkamu ainia nusha Wi Tunaarinchaitjiana nuna amiini̱ nekarawarat tusan Winia nuṉkar itiurchat awajka̱i̱ tusan áminkia itiattajme’ tawai” tímiayi.

Isk. 38:8

Kame ju̱ya̱ṉka núkap tsawant naṉkaamasmatai untsukma átatme. Núnisaṉ untsurí uwí naṉkaamasarmatai chíkich nuṉka mesetnumia̱ atak iwiarnarua nú nuṉkanam tátatme. Tura nú nuṉkanmaya̱ aents untsurí nuṉkanmaya̱ Israera náintri̱n yáunchuya̱ aya emestai̱ armia nui̱ ikiankamu ártatui. Tura untsurí nuṉkanmaya̱ ikiankamu ásar itiurchat enentáimtsuk ti shiir matsatainiawai.

Tan. 10:14

Tuma asamtai amukatin tsawantin ame shuarum urukawartata nuna paant nekamtikiattsan wikia tarijme. Warí, ímiaja̱i̱k wainkiamam nuka nu tsawantaiti” turutmiayi.

Tan. 2:28

Antsu chikichik Yus nayaimpiniam pujana nuke nekaachminia nunasha paant awajniuiti. Tuma asa úunt akupin Napukutunusúrá, ukunam túrunattamna nuna paant iniakturmasai. Ame peakrumi tepesam mesekranam tura ímiaja̱i̱k wáinmiam nusha ju̱i̱ti.

Use. 1:11

Nuya̱ṉka Israer shuar Jutá shuarja̱i̱ iruntrar chikichik úuntri̱niak anaikiartatui. Túrawar ashí nuṉkanmaya̱ iruntrartatui. Warí Jisriira tsawantri̱ṉkia ti uunt átatui.

Use. 11:10

Uunt Yusan nemarsartatui. Tura niṉkia úunt ya̱wa̱ núnis júruur ajattawai, ee nekas júruur ajattawai. Tura etsa̱ akatainmaya̱ niniu ainia nuka kuraṉkiar tariartatui.

Use. 5:15

Nuyá̱ Winia pujutái̱rui̱ waketkin ni tunaari̱n nekamawar iniainiachkui tuke nákastatjai. Túrasha ti waitiainiak e̱a̱tkartatui.

Use. 6:1

Ashí Israer shuarti Uunt Yusai̱ waketkiartai. Kame jáakri̱ncha tura Ni iin numpampramaitkiuisha páchitsuk ii Yusri̱ṉkia tsuármartatji.

Ams. 9:11

Nu tsawant jeatta nui̱ṉkia Tawitia Yusa Je̱e̱n já̱a̱rar emestukma nuna ashí péṉker iwiarkattajai. Túran yaunchu amia tímiatrusnak awajsattajai.

Mik. 4:1

Nuyá̱ amúamu tsawantinkia Uunt Yusa Je̱e̱ pujana nú naintkia chíkich naint ainia nuja̱i̱ naṉkamantu awajnástatui. Tura untsurí nuṉkanmaya̱ aents nui̱ tseke káunkartatui.

Wek. 24:14

Pai yamaikia jú̱ nekaata, wikia winia nuṉkarui̱ wáketjai. Túrasha winitiá, anairartaj tusan jú̱ shuar ame shuarumin ukunam itiurkartata nuna ujaktatjame” tímiayi Paraam.

Rum. 11:25

Yatsuru, naṉkamantu enentáimtumara̱i̱rum tusan yaunchu nekaachman ujajrume. Ju̱i̱ti, Israer shuarnumia̱ṉka Yusan nekas enentáimtustinian nakimiainia írunui. Túrasha ashí Israer shuarcha Yus shuar ajastin ainia nu umikiarmatai

Rum. 2:4

Wats, Yus imianú wait aneaku asa katsunteamuri̱sha tsaṉkarí̱sha ¿shiir awajtutsuk wasureamek? Kame ni waitnentrammari̱ ame atak enentáimpratjai turutit tusa nákarma nuka nékatsmek.

Muis. 4:30

Nuyá̱ ukunam ashí ju̱na tájarmena nu wáinkiuram tura ti waitsa pujakrum atumí Uunt Yusri̱ enentáimtustatrume. Túrakrum ni chichame̱ umirkattarme.