Use. 3:4 - Yus Papí: Shuarja̱i̱ Yus Yamaram Chicham Najanamu

⁴ Israer shuar núkap tsawant akupniúrtichu tura úuntri̱ncha pujusártatui. Núnisaṉ taṉkuncha maa áestutsuk tura ántar yusri̱ncha kayaja̱i̱ nakumkar najantsuk pujusártatui. Nu arant Yúsnan takarkur awaṉketai̱ tura nekatai̱ kayarí̱sha nuyá̱ najanamu yus nekaatai tusar inintrútai̱ najankamusha atsuartatui.

Use. 3:4 Iomraidhean Croise

Naṉ. 31:19

Kame Rapana murikiú ure̱n tsupirtaj tusa wéu ai̱, Rakirka ni aparí̱ je̱e̱n najanamu yus amia nuna kasarak jurukmiayi.

Naṉ. 31:34

Túrasha Rakirka najanamu yusan achik kamiyunam ekemkar pujutai̱niam wakenmaani̱ wéak pujurkauyayi. Túrasha Rapana je̱á̱ e̱a̱ksha peṉké wainkiachmiayi.

Naṉ. 49:10

Nekas nérentin táatsa̱i̱ṉ úunt akupniu akuptáiri̱ Jutaka atankichmin átatui. Nunasha ashí aents umirin ártatui.

2 Sam. 6:14

Tura Tawitkia ashí ni kakarmari̱ji̱a̱i̱ Uunt Yus íimmianum jantsemmiayi. Tawitkia awaṉkém ríniuja̱i̱ najanamun entsaruyayi.

2 Akup. 23:24

Núnisaṉ akupkámu chicham najanamu papí áarman Yúsnan pujurin Irkías Uunt Yusa Je̱e̱n aan wainkiamia nuna umíak uwishniuncha jaká wakaní̱n untsuuncha tura nekamniuncha ántsaṉ aents chikichik chikichik ni yusri̱n takaru armia nunasha nuyá̱ najankamu yus ti yajauch ásar mui̱jmiai̱ armia nunasha Jusíaska ashí amukmiayi.

Jiin. 28:4

Kame pushí najankattarmena nuka ju̱ áiniawai, aya netsepnumaṉ entsatái̱ tura awaṉkém nuyá̱ takamtsuk entsatái̱ kunturtin núnisaṉ peṉké pushí arempramu ántsan etseṉkrutairi̱sha akachumtairi̱ji̱a̱i̱. Yúsnan pujurin árat tusarum Yusna íktusma ásar nú pushí Araunna tura ni uchirí̱niu najatkattarme.

Jiin. 28:6

Nuya̱sha Yus Muisaisan Yúsnan pujurin entsatái̱ pushí itiur najankatniuit nuna mash jintintrámiayi. Tura nu arantcha Araun tura ni uchirí̱sha Yúsnan pujurin ajasarat tusar itiur túratniuit nunasha jintintrámiayi. Nuna umiiniak siati tsawant nampermak áestuawar tura chíkich túratin armia nunasha ashí umikiar antsu nui̱ṉkia Yúsnan pujurin ajastin ármiayi. Jú̱ akupkámunka ukunmasha tuke umiktin ármiayi. Jiin. 39:1-7

Ukan. 2:9

Wáitiri̱sha nuṉká utsaṉma tura asaktairi̱sha kupiniar mash mesekarmiayi. Tura nuṉka mátsatkamunam umiktin chicham akupkámu atsana nui̱ úunt akupniusha uchirí̱sha matsatainiawai. Núnisaṉ Yúsnan etserniuri̱ncha Jiuwanun ímiaja̱i̱ksha íimtikracharuiti.

Tan. 11:31

Nuya̱ṉka ni suntarí̱sha Yusa Uunt Je̱e̱ utúachminia nuna ti yajauch awajsártatui. Nuyá̱ tuke tsawant taṉku maar áestutai̱ncha suritkiartatui. Ántsaṉ ni wakeramun túrak peṉké mui̱jmiai̱ awajnásar tuke emesnartinian nui̱ ikiusártatui. Tan. 12:11; Mat. 24:15; 2 Tis. 2:3-9

Tan. 12:11

Kame Yus tuke áestutai̱n surimnaktatna nuyá̱ peṉké mui̱jmiai̱ awajnak ashí emesnaktin jeamam mir tusiantu nuwintia tsawant naṉkaamastatui. Mat. 24:15

Tan. 9:27

Nuya̱ṉka umiktatjai tusa chikichik tumiṉkiuk untsurí aentsja̱i̱ chichaman najankattawai. Túrasha tumiṉkia jeatsa̱i̱ṉ ajapéni̱ṉ Yus súsatniuncha nuyá̱ taṉku maar áestuatniuncha surimkiattawai. Túrasha nu akupniu amukatniuri̱ chícham najatamu umintsa̱i̱ṉ émesmaaka ti yajauchin mui̱jmiainian tuke túrattawai” tímiayi Kapriar. Mat. 24:15

Use. 13:10

Atumí akupniúri̱sha tura úuntri̱sha yaunchu seatmiarum nusha ¿yamaisha tui̱ṉ pujuinia? Kame ¿niji̱a̱i̱ ashí péprunmaya̱tiram uwempratin enentáimprachmakarum?

Use. 13:11

Kame Wi atumín suir enentáiji̱a̱i̱ akupniun anaitiukmajrume, túrayatnak kajerkan nu akupniun jurusmajrume.

Use. 2:11

Ashí ni nampermatai yamaram nantuncha sáwar enentáimtutai̱ncha tura ashí namper najantaincha ni waratáiri̱n mitia awajtústatjai.

Sak. 13:2

Núnisaṉ nu tsawantinkia ju̱ nuṉkanam najankamu yus írunna nuna náari̱nkia ashí asakátrartatjai. Kame nu túramka atakka núnaka peṉké enentáimtuschartatui” tawai Ashí Akupin Uunt Yus. “Núnisaṉ ju̱ nuṉkanam najankamu yúsnan etserin írunna nunasha tura yajauch wakanniasha amuktatjai.

Ruk. 21:24

Tura ju̱yá̱ aents mesetnum jákartatui. Tura chikichnaka ashí nuṉkanam misaawar júkiartatui tura yajaya̱ apach, Yúsnan enentáimtuiniatsna nu, ju̱i̱ Jerusaréṉnum waya̱war najakartatui. Nu túratniunka Yus tsaṉkatkana nui̱ṉ túrawartatui.

Juaṉ 19:15

Tura ashí “Jakati, jakati, krúsnum maatá” tu untsumkarmiayi. Tura Piratu “¿Atumí úunt akupniuri̱n krúsnum máattajak?” tímiayi. Tura Yúsnan pujurniu peṉkeri̱ chichainiak “Sésarja̱i̱ṉkia naṉkaamas chíkich úunt akupniuka atsawai.”

Isr. 10:26

Túrasha shuar nekas chichaman nékayat ní wakeramuri̱ji̱a̱i̱ṉ yajauchiniam wekaakka Kristu jakamun nakitia asamtai chíkich taṉkun numpe̱ja̱i̱ ni yajauch túramu asakátratin atsawai.

Suma. 17:5

Núnisaṉ Mikiayáska ni yusri̱ ainia nu enentáimtutai̱ je̱a̱ncha takakuyayi. Tura ni yusri̱ ainia nu pujurin entsatái̱n awaṉkencha núnisaṉ je̱a̱ya̱ yusnasha najanmamtikiamiayi. Nuna tura ní uchirí̱niak najankamu yúsrun takarin atí tusa anaikiamiayi.

Suma. 8:27

Nuja̱i̱ Jeteun Yúsnan pujurin entsatái̱n awaṉkéman kúriji̱a̱i̱ṉ najana ni pépruri̱n Úpranam ikiusmiayi. Túramtai ashí Israer shuar aya nunak enentáimtuiniak nú nuṉkanam yajauchin ti túrawarmiayi. Jeteun nuna tura asa ashí ni shuari̱ji̱a̱i̱ yajauch awajmámsamiayi.

1 Sam. 15:23

Tuma asa Yus nakitratniuka ukunam túrunatin nekaatniuja̱i̱ métek ti yajauchiti. Tura umishtai enentái takustinkia najankamu yus enentáimtakur mui̱jmiai̱ túratniuja̱i̱ métekete. Ni akupkámu ame ajapa iniaisa asakmin yamaikia amincha núnisaṉ úunt akupniuitmena nuya̱ṉka ajaprama iniaitiámsayi” tímiayi.

1 Sam. 2:18

Antsu uchi Samuirka awaṉkéman nuntuarun ríniuja̱i̱ nukurí̱ aparamun entsaru Yúsnan pujurniuya entsarua ániun Yusan takarmiayi. Tura Yuska Anan péṉker enentáimta asa menaintiú uchin tura jimiará nawantri̱n susamiayi. Kame Irikia úuntach ajasuítiat ni uchirí̱ ashí Israer shuaran túriarmia nuna ashí antimiayi. Warí Yus Shiir Awajtai̱ Je̱a̱ wá̱i̱ti̱a̱i̱ri̱n nuwa̱ takarin armia nuja̱i̱ tsaniṉ kániarmiayi. Nuna ántak Irí uchirí̱n chicharainiak “¿Urukamtai nusha túmarum? Ántajna nusha péṉkerchaiti.

1 Sam. 23:6

Yúsnan pujurin Ajimiríkia uchirí̱ Awiatár Tawitiai̱ wéak awaṉkéman jukimiayi. Tawitkia Kíiranam pujan Saur nekáa meset najatar Tawit aentsri̱ntiuk achiktai tusa ashí aentsun ujakármiayi. Kame Tawitkia Saur kajerak yajauch awajsatniun enentáimtimia nuna nékarmiayi. Nuyá̱ Yúsnan pujurin Awiatáran chicharuk “Awaṉkém itiata” tutai awaṉkéman itiamtai Tawit Yusan chicharuk “¿Saur winiawak tura Kíiranmaya̱ aents Saura uwejé̱n íktursattuak?” tímiayi. Takui̱ Yus aya̱k “Ee nuka túrunatui” tímiayi. Tutai Tawit ní suntari̱ saisiantu armia nuja̱i̱ Kíiranmaya̱ pisarármiayi.