Use. 2:9 - Yus Papí: Shuarja̱i̱ Yus Yamaram Chicham Najanamu

⁹ Tuma asamtai yamaikia winia tríkiur neretai tsawantnasha tura winia wíniur umutai tsawantnasha tura winia ríniurnasha ure̱ja̱i̱ najanamu misú pujakui entsatáirnasha ataksha wini̱i̱ṉ ashí awaṉtumkittiajai.

Use. 2:9 Iomraidhean Croise

Tan. 11:13

Araki̱a̱ úunt akupniusha untsurí uwí naṉkaamasmatai emka irurmia núna nukap suntari̱ntin ajas tura ni mánitiairi̱ áiniana nunasha ti untsurín ikiankattawai. Nu tsawantai̱kia untsurí aents nuṉkaani̱a̱ úunt akupniun kajerkartatui. Núnisaṉ ímiaja̱i̱k wainkiamun umiiniak kakaram aents wajarártatui. Túrasha peṉké ántar túrunawartatui. Túrasha araki̱a̱ úunt akupin taa pepru iwiarkar utúachmin awajsamua nuna nérentin ajastatui. Nuṉkaani̱a̱ suntar kakaram juurma áiniana nusha nupetkatniun peṉké tujintkiartatui. Niji̱a̱i̱ wénaka yaaksha nupetkachmin ásar ni wakeramun túrawartatui. Túmak tí peṉker naṉkamantu nuṉkanam waya̱war nunasha emeskartatui. Túruna ashí naṉkamantu ajas nu aentsja̱i̱ chichaman najanawartatui. Tura emeskatai tusar nawantri̱n susattawai tura núja̱i̱sha itiurkachartatui.

Use. 2:3

Tsanirmatan iniaiyachkuiṉkia misú áiktatjai túran akiiniuk urukuya áitkiawa̱i̱j. Kampuntin atsú nuṉka ajasmatai tura káakmatai kitiakai jaka̱i̱.

Juir 2:14

Nisha atumniaka asuttiamtsuk antsu péṉker pujutnum yumiṉkramainiak Uunt Yus atumí Yusri̱ súsatniuncha tríkiun tura wíniuncha suramsashtarpash.

Sup. 1:13

Tu enentáimin ásar wariṉkish takurmakmari̱sha jurunkíttiawai tura je̱e̱sha emestukma ártatui. Je̱a̱n je̱a̱mainiaksha pujuschartatui tura úwan arakmawarsha nuna yumiri̱ncha peṉké umarchartatui”.

Mks. 1:4

Tura Etum aents chichainiak “Iikia emeskamuitji tura ánkisha ataksha ii pépruri̱ iwiarkartatji” tuíniakui Ashí Akupin Uunt Yus chichaak “Nisha iwiarkartatui túrasha Wi emestukartatjai” tíniuiti. Nu túrunamtai “Yajauch aents matsamtai̱” tura nú arant “Uunt Yusa kajetáiri̱ji̱a̱i̱ iniaṉnatsuk kajerkámu pepru” tunattawai.

Mks. 3:18

Nuiṉkia átum péṉkeran túrin tura yajauchin túrincha núnisaṉ Yúsnan takarin tura Yúsnan takarcha ainia nuja̱i̱ akaneamu atakka paant nekaattarme.