Use. 2:7 - Yus Papí: Shuarja̱i̱ Yus Yamaram Chicham Najanamu

⁷ Ni anetairi̱nkia pataatuktatui túrasha amayá̱nchartatui, e̱a̱ktatui túrasha wáinkiashtatui. Nuiṉkia chichaak ‘Winia emka áishrui̱ni̱ṉ waketkitjiai’ títiatui. Yamái pujajna nuja̱i̱ naṉkaamas yáunchuka Niji̱a̱i̱ péṉker pujuyajai.

Use. 2:7 Iomraidhean Croise

YKan. 116:7

Winia enentái̱ru tee ajasam asata. Warí, Jiuwaka wíniaka péṉker awajtiniaiti.

Jrm. 2:2

“Jerusaréṉ péprunam weme ántuiniamunam kakantram chicharainiakum Uunt Yus chichartak ‘Áminkia tuke enentáimtajme. Natsa asamka péṉker enentáimtursamiame. Anajmarma aneṉkrata núnisam kampuntin atsú nuṉkanam arakmamusha atsuiniamunmasha péṉker enentáimtursam nemartusam wekasamiame.

Jrm. 2:28

Túrasha átum najatmamkamarumna nú yussha ¿tui̱ pujuinia? Atumí itiurchatri̱ya̱ṉka nú yus yáintmak aṉkant awajtámsarti. Warí Jutá atumíin urutmá pepru ainia nuja̱i̱ métek atumí yusri̱sha írunui.

Jrm. 2:36

Ame túramuka páchitsuk wárikmasam yapaji̱átin jeame. Kame Asirianmaya̱ iniatsá̱tmararmamia nútiksaraṉ Ejiptunmaya̱ iniatsá̱tmartatme.

Jrm. 3:1

Nuwa̱ ajapamu waketki̱ niniurtukua nu ataksha ní áishri̱ni̱ṉ waketkiti ¿tíminkiait? ¿Nu mátsatkamusha takamtsuk mui̱jmiai̱ ajatsuk? Núnisam ámeka kayá yus tikishmátraitme túmakum nuwa̱ untsurí áishmaṉja̱i̱ tsanirma núnisam tsanirmaitme. Túmayatmekek ¿Amiini̱ṉ waketkittiaj túrutam? túramui Uunt Yus.

Jrm. 31:18

“Tura Eprainkia kúntuts enentáimias jakamnia nekapeak chichartak ‘Waaka áishmaṉ yupiram jiṉkiachma asutiá awajtúkmame. Warí winia Yúsruka Uunt Yuska amekchakaitiam. Tuma asam amek awaṉtuktia amiini̱ṉ waketkitjiai.

Jrm. 31:32

Kame Ejiptunam matsatainian eṉkesaran ji̱i̱rartaj tusan ni úuntri̱ji̱a̱i̱ chichaman najanamiaj nuna Wikia ni uuntri̱ ai̱ṉ Winia umirtuiniachu ásar chícham najanamun peṉké ántar awajsarmia núninchaiti” tawai Uunt Yus.

Jrm. 44:17

Antsu ii wene̱ya̱ chichakma jiinia nuke nekaska túrawartatji. Nayaimpinmaya̱ nuwa̱ úunt akupin kuṉkuin áestakur umutai̱ áiniana nusha ukatáiniakur ii túrutairi̱ tura ii úuntri̱sha núnisaṉ ii úunt akupniuri̱sha ántsan pepru uuntri̱ túrin armia nútiksarik iisha Jutanam pepru írunna nui̱ṉkia tura Jerusaréṉka paasa jinti̱ncha túrawartatji. Warí nu túrakur ti taramkar nukap yurumár ejemararar péṉker pujusármaji tura yajauchikia peṉké wainkiacharmaji.

Isk. 16:8

Tura tsakaram anaṉkratamnia ajasákmin nekasan umiktatjai tusan ámiji̱a̱i̱ chichaman najanamjai nuya̱ṉka Winia awajsámjame. Pushincha áentsramjame tura sapatnasha awemtikiamajme núnisnak kuriji̱a̱i̱ iwiarmamtai najankamuja̱i̱ ti shiir iwiaramjame. Yurumkasha tí peṉker iwiarkamu yuámame tura tí shiirmach ajasam naṉkamantu páantin ajasmame. Tí shiirmach awajsámjamna nuja̱i̱ ashí nuṉkanam nekarmawarmai tawai Uunt Yus Ashí Aentsu Uuntri̱.

Tan. 4:17

Wats, Ashí Naṉkamantu Yusa nuke aentsu akupeamuri̱i̱n nekas akupniuiti. Tuma asamtai ni wakera nuna anainiuiti. Núnisaṉ ashí aentsnumia̱ péejchachia nuna akupin awajeawai. Tuma asamtai asutniana nuka nayaimpinmaya̱ wáinin akupkarma nuyá̱ tunaarincha ainia nuka etserkarma nuna ashí aents nekaawarat tusa uminkiattawai” tímiayi.

Tan. 4:25

Tura áminkia aentsnumia̱ṉka ji̱i̱ki̱ ajunmiartatui. Túrutmawarmatai kampunniunmaya̱ yajasmaja̱i̱ tsaniṉkiam pujuttame. Túmakum waakaja̱i̱ métek sa̱a̱k yútatme. Núnisaṉ saana iniji̱á̱tmattawai. Ashí Naṉkamantu Yus akupin ainia nuna Úunt Akupniuri̱nti tura yana wakera nuna súwiti tu enentáimtumam nuní̱ túrunam siati uwí pujustatme.

Tan. 4:32

Tura aentsnumia̱sha ji̱i̱ki̱ ajunmiartatui. Túrutmawarmatai kampunniunmaya̱ yajasmaja̱i̱ tsaniṉkiam pujuttame. Túmakum waakaja̱i̱ métek sa̱a̱k yútatme. Ashí Naṉkamantu Yus akupin ainia nuna Úunt Akupniuri̱nti tura yana wakera nuna súwiti tu enentáimtumam siati uwí pujustatme” tímiayi.

Tan. 5:21

Nuyá̱ aentsnumia̱ṉka jí̱i̱kiarmiayi. Tura enentáimtairi̱sha yajasma núnis ajas kampunniunmaya̱ yajasmaja̱i̱ irunar pujumiayi. Tura waaká núnis sa̱a̱kin ayuriarmiayi nuyá̱ sanasha iniji̱á̱i̱miayi. Kame Ashí Naṉkamantu Yuska akupin ainia nuna Úuntri̱nti tura ¿yana wakera? nuna apujniuiti tu enentáimmiam túmasan pujusmiayi.

Use. 1:2

Kame juáruk Uunt Yus timian Useas etserkamia nuka ju̱i̱ti. Nuyá̱ Uunt Yus Useasan chicharuk “Yamaikia tsanirmatai nuwa̱ nuatkam nui̱ yajutmakta. Warí Israer shuar nui̱ pujuinia nu Uunt Yusan iniaisar aya tsanirmatnak pujurainia núnis áiniawai” tímiayi.

Use. 13:6

Tura yurumkanka amasmajrume túramu asarum núkap yurumá ejemarum atumí enentái̱n naṉkamantu enentáimtumakrum Wíniaka kajinmátrukmiarme.

Use. 14:1

¡Maa Israerá, atumí Yusri̱ Úunt Yusai̱ni̱ṉ waketkitiarum! Warí atumí tunaari̱ji̱a̱i̱ṉ ti yajauch ajasurme.

Use. 2:16

Uunt Yus chichaak “Nu tsawantinkia ‘Paari’ túruttsuk antsu ‘Ishi’ turuttiatrume.

Use. 5:15

Nuyá̱ Winia pujutái̱rui̱ waketkin ni tunaari̱n nekamawar iniainiachkui tuke nákastatjai. Túrasha ti waitiainiak e̱a̱tkartatui.