Use. 2:5 - Yus Papí: Shuarja̱i̱ Yus Yamaram Chicham Najanamu

⁵ Ni nukurí̱ tsanirmatamai tura ajapruk uchin natsamtsuk takus chichaak ‘Winia anentin armia nui̱ yurumátniurun, winia entsarun tura urerun, ríniurun nuyá̱ winia asuitirun tura winia umutairun surusarat tusan wetajai’ tímiayi.

Use. 2:5 Iomraidhean Croise

Isa. 1:21

¡Seuncha ausha! ¿Itiura timiá peṉker Yusa umirniuitiatcha chíkich yusan umirkusha kuitji̱a̱i̱ aya̱shi̱n tsaṉkamin nuwa̱ núnikia? Warí tí peṉker nekasa nuna túrin ármiayi. Túrasha yamaikia maṉkartin matsatui. Kuítri̱sha tura wíniuri̱sha peṉké yajauch ajasárai. Sumamtikin ainia nusha aya kajen tura kasa ajasárai. Túmainiak mitiaikiancha tura waje̱ncha chichaman péṉker iwiartuiniatsui.

Isa. 50:1

Uunt Yus chichaak “Atumí nukurí̱ nakitra ajapamu papisha ¿tui̱ aa? ¿Tura yana tumash asana surukuitjiarum? Nekaatarum, átumka atumí tunaari̱ni̱ṉ surunkamarme núnisaṉ átum nakitrakrumin atumí nukurí̱sha nakitniar ajapnamai.

Jrm. 11:13

Jutanmasha ni ántar yusri̱nkia peprua ímiatrus ti takakui. Núnisaṉ Jerusaréṉnumsha ni yusri̱ Páaran kuṉkuin áestutai̱ṉkia natsanmai̱ ni jinti̱ írunna nunisha untsurí najatmamkaruiti.

Jrm. 2:20

Warí ámeka tí yaunchuya̱ṉ nuṉka pukutai̱ netuamun waaka nakitiak kupir jiṉkiarmári̱ncha tsuriar ikiuana núnismek amesha túramame. Tura chichaakum “Peṉké umirkashtatjai” tímiame. Tú takum aya̱shí̱n súrin nuwa̱ urukainia núnisam ashí naint tura ashí numi ukat ukatin ainia nui̱ ámeka tepekní̱ wekaimiame.

Jrm. 6:8

Maa Jerusaréṉká iwiarnarta. Núja̱i̱nchuka Winia wakantrusha amiya̱ṉka kanakminiaiti. Núnisnak nuṉkemniasha atsá aya jú̱nik pujuschamnia awajtúsaijiam.

Isk. 16:35

Tuma asamtai aya̱shí̱n súrin nuwa̱á, Uunt Yusa chichame̱ antukta. Ame tsanirum tura najankamu yúsrum aya̱shim tsaṉkatka asakmin núnismek ame uchirmi numpé̱ ukaráru asakmin ame tsanirumin tura muí̱jramainiana nunasha irurartatjai. Tura iruraran misú ái̱rtatjame. Túran nuwa̱ tsanirmamtai itiur asuttiain nútiksanak túrattajme. Túran ni uwejé̱e̱n íktusartatjame. Nuya̱ṉka untsurí aentsun ikiatramkartatui tura untsurí nuwa̱sha iimiainiamunmaṉ ame je̱e̱min áesturmawartatui tura ame túraitmena nuja̱i̱ métek asuttiámawartatui. Nuna túran ame akikmakam aya̱shim surutaiṉkia inimiamtiksattajme. Nuya̱ṉka Winia suir kaje̱ntkamursha naṉkaamasmatai tsaṉkuran atakka kajekchattajai.

Use. 1:2

Kame juáruk Uunt Yus timian Useas etserkamia nuka ju̱i̱ti. Nuyá̱ Uunt Yus Useasan chicharuk “Yamaikia tsanirmatai nuwa̱ nuatkam nui̱ yajutmakta. Warí Israer shuar nui̱ pujuinia nu Uunt Yusan iniaisar aya tsanirmatnak pujurainia núnis áiniawai” tímiayi.

Use. 2:2

“Atumí nukurí̱ súmamtikiakrumka sumamtikiatarum. Warí yamaikia winia nuá̱rchaiti tura wisha ni áishri̱sh áishri̱nchuitjiai. Tura tsanirmatainkia iniaisati tura tsaniri̱n netsepnum awaṉ tsanirmatainkia iniaisati.

Use. 2:8

Wi, tríkiun, wíniun, asuitin súmiaj núnaka niṉkia nekaachmai. Wi tí nukap kuítian kurin súarmajai. Nuja̱i̱ ni yusri̱n Páaran najanawarmai.

Use. 3:1

Uunt Yus ataksha chichartak “Weme, nuwa̱ chíkich tsanirmakur aneamuk aneata. Kame Uunt Yus Israer shuar uwa nanekman yurumpruawar tura najankamu yusan wararainian wáiniat anea núnismek aneata” Uunt Yus turutmiayi.

Suma. 16:23

Túrasha Jiristíu aentsu uuntri̱ armia nu ni yusri̱ Takunan áestuawar wararsatai tusar iruntrarmiayi. Túrawar chichainiak “Ii yusri̱ ii nemasri̱ Sansunan ii uwejé̱n íkturmasji” tiármiayi.