Use. 2:20 - Yus Papí: Shuarja̱i̱ Yus Yamaram Chicham Najanamu

²⁰ Kame nekas winia nua̱r ajasrum péṉker wáiniam Uunt Yus paant nekaattarme” tímiayi.

Use. 2:20 Iomraidhean Croise

Naṉ. 9:10

Núnisaṉ uunt kanunmaya̱ jíintrara núnancha kame nanamtinniancha taṉkununcha tura kampunniunmaya̱ yajasmanuncha ashí nuṉkanam yujainia núnancha irumpran chichaman nájaneajai.

Isa. 2:4

Tura ashí nuṉkanam Akupea asa ashí aentsun chicharkartatui. Tura aentska ni puya̱ri̱nkia nuṉka pukutai tura naṉkirí̱nkia trikiu tsupitiai̱ awajsártatui. Aentssha chíkich nuṉkanmaya̱ aentsja̱i̱ mesetan jurunáikchartatui. Nui̱ṉkia mániatin unuimiátratniusha peṉké atsuttawai.

Jrm. 24:7

Winia nekarawarat tusan nekatai̱n súsartatjai. Warí Wikia Úunt Yuschakaitiaj. Nekas enentáiji̱a̱i̱ Winia enentáimturainia ásar niṉkia Wi shuar ártatui tura Wikia ni Yusri̱ átatjai.

Jrm. 30:10

Tura ámeka winia takartin Jakupá ashamkaip tura Israerá mayaim ishinkiaip tawai Uunt Yus. Nekaata áme shuarumin chíkich nuṉkanam achira yaruakman uwemtikniunka Witjiai. Jakupka aṉkant pujustaj tusa waketkittiawai tura niṉkia shiir enentáimias yáakesh itit awajsachma pujustatui.

Jrm. 32:41

Tura Wisha niin peṉker túruiniakun ti wararnaisartatjai. Núnisnak nekas enentái̱rja̱i̱ ashí wakantruja̱i̱ ataksha nekasa nuja̱i̱ ju̱ nuṉkanam matsasártatjai.

Jrm. 9:24

Antsu aents shiir enentáimtumastaj tákuṉka ju̱na nekáa enentáimias Wikia Uunt Yus asan ju̱ nuṉkanmasha Winia waitnenkartutairja̱i̱ métek sumamtikniuitjiana tura nekasa nuja̱i̱ túriniaitjiana nuna péṉker anturtuk nekara warasti. Warí nuiti Winia shiir enentáimtikrana nuka” tawai Uunt Yus. 1 Kur. 1:31; 2 Kur. 10:17

Isk. 16:8

Tura tsakaram anaṉkratamnia ajasákmin nekasan umiktatjai tusan ámiji̱a̱i̱ chichaman najanamjai nuya̱ṉka Winia awajsámjame. Pushincha áentsramjame tura sapatnasha awemtikiamajme núnisnak kuriji̱a̱i̱ iwiarmamtai najankamuja̱i̱ ti shiir iwiaramjame. Yurumkasha tí peṉker iwiarkamu yuámame tura tí shiirmach ajasam naṉkamantu páantin ajasmame. Tí shiirmach awajsámjamna nuja̱i̱ ashí nuṉkanam nekarmawarmai tawai Uunt Yus Ashí Aentsu Uuntri̱.

Isk. 34:25

Tura níji̱a̱i̱ṉkia aṉkant matsamsatin chichaman najanattajai. Núnisnak yajasma emesma nuṉká írunna nunasha ashí emeṉkártatjai. Túramtaikia kampuntin atsú nuṉkanmasha itit awajsachma aṉkantniunam tí peṉker matsamsartatui tura kampunniunmasha sapijmiatsuk kániartatui.

Isk. 34:27

Núnisaṉ numisha nereartatui tura nuṉkasha yurumkan tí peṉker sútatui. Túmakui̱ aṉkantniunam ti shiir ní nuṉke̱ni̱ṉ matsamsartatui. Tura ni wáitiamuri̱ya̱sha núnisaṉ takamtikiainia nuya̱sha aṉkant awajsaram Wikia Úunt Yusaitjiana nuna ti paant nekarawartatui.

Isk. 38:23

Nuní̱ túran untsurí aentsun Wi Tujintkiachu tura Tunaarinchaitjiana nuna iniaktusartatjai. Nuna túramtai Wi Uunt Yusaitjiana nuna nekaawartatui” tímiayi.

Use. 13:4

Ejiptunam pujumiarmena tímianiaṉ Wikia atumí Úunt Yusri̱ntjiai. Wíkitjiai Yus. Chíkichkia wáinkiashtatrume. Tura chíkich uwemtikkiartincha wáinkiashtatrume antsu aya Wíkitjiai.

Use. 2:19

Israer shuartirmeka winia nekas nua̱r átatrume. Kame winia nekasa nu túrutairja̱i̱sha péṉker túrutairja̱i̱sha tura waitnenkartutairja̱i̱sha nuwa̱ papiji̱a̱i̱ nuatkamua áintsarum átatrume.

Use. 6:6

Warí taṉku máarum áesturatniuja̱i̱sha naṉkaamas nekaska Winia anentak tusan wakerajai. Núnisaṉ Wíji̱a̱i̱ṉkia Yus nekaatniuka takamtsuk áesturatniuja̱i̱sha naṉkaamas péṉkeraiti.

Riw. 26:5

Tura trikiu pákakrumsha uwa júuktin jeamam pakartatrume núnisrumek uwa juwakrumsha árak araktin ataksha jeamam júuktatrume. Túrakrum nutsumam atumí yurumkari̱n yuáttarme núnisrumek atumí nuṉke̱nka sapijmiatsuk tí peṉker matsamsattarme.

Riw. 26:6

Matsatrumna nu nuṉkanmaṉka tí peṉker aṉkant matsastatjarme. Kame yaki awaktámkatarum túmakrum sapijmiatsuk tí peṉker kanartatrume. Núnisnak atumí nuṉke̱nka yajasma emesma áiniana nunasha emeṉkártatjai tura mesetcha atumí nuṉke̱nka atsuttawai.

Mik. 4:3

Nuya̱ṉka Ni ashí nuṉka uunt mátsatkamu nuṉkanmaya̱n nuamtak iwiartunairarat tusa chichartiatui. Tura ashí nuṉkanmaya̱ ti kakaram ainia nuna, núnisaṉ ti arant pujuinia nú aentsnasha chichariartatui. Tura ni puya̱ri̱nkia pukuí arakmatia nútikruawar tura ni naṉkirí̱nkia arus tsupitiái̱ya nútikruawartatui. Nui̱ṉkia chíkich nuṉkanam pujuinia nu áentsja̱i̱ṉkia meset najanatniunka enentáimtuschartatui. Núnisaṉ mesetnum mánit unuimiátratniusha atsuttawai.

Sak. 9:10

Wikia Eprain nuṉkanmaya̱ mánitiai̱ kárun tura Jerusaréṉnumia̱ kawairi̱ncha emeskartatjai. Tura mesetnum mánitiai tíshimkiusha emesnak amukáttawai. Túramtai Niṉkia uunt nuṉka mátsatkamu ainia nuna aṉkant shiir matsamsatniun chichampruktatui. Tura nayantsar nayantsar nuyá̱ Yúpratis entsanmaya̱ naṉkama nuṉka náṉkata ímianai akupin átatui.

Mat. 11:27

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nu shuarsha winia Aparun nékainiawai.

Ruk. 10:22

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nú shuarsha winia Aparun nékainiawai” tímiayi Jesus.

Juaṉ 17:3

Kame ju̱i̱ti tuke amukashtin iwiaakma. Amek nekas Yúsaitmena nuna tura Jesukrístu Ame akupkámuiti nú nekaatniua nuiti.

Juaṉ 8:55

Nusha táyatrum Nin nékatsrume. Wikia Nin nékajai. ‘Nin nékatsjai’ tákunka atumji̱a̱i̱ métek wáitrin aintjiai. Tura Nin neka asan Ni tana nuna tuke túriniaitjiai.

2 Kur. 4:6

Yaunchu kiritin aan Yus tsáapin ati tusa tsáapnin awajsachmakia. Nú Yúsaiti ii enentái̱n tsáapnin awajtámsamia nu. Nu tsáapniji̱a̱i̱ ni shíirmari̱n Jesukrístu iniakmana nuna ashí aents nekaawarat tusar Jesukrístunu étsereaji.

Jir. 3:8

Ashí enentáimpramnia ákuisha winia úuntur Jesukrístu shiir enentáimtustin nekas péṉkeraiti. Nu asamtai Krístunu ajakun wi takusmaj nu mui̱jmiai̱ ajasmatai núnaka iniaisámjai.

Kurs. 1:10

Atumsha Krístunu ainia núnisrum péṉker takarsak tusar seaji. Tura ashí ni wakerana nu umíakrum ashí péṉker ana nu, nerektinia áintsarmek túrattarme. Núnis túrarum Yusna unuimiátki̱ wéakrum Niniu tí peṉker nekaak tusar seaji.

2 Tim. 1:12

Túruta asamtai ti wáitiajai. Túrasha Yusan nekas enentáimta asan natsaamatsjai. Imiá kakaram asa amuukatin tsawant jeatsa̱i̱ṉ ashí wínian susamaj nuna tí peṉker waitruktatui.

Isr. 8:11

Nui̱sha Yusan nekaat tusa ni ai̱sha ni yachi̱sha jintinniáiyachartatui. Warí ashí shuar, uchisha uuntcha niṉki nekarawartatui.

1 Jṉ. 4:6

Antsu iikia Yúsnaitji. Tuma asakrin Yusan nékainia nu anturtamainiaji. Tura Yúsnachu ainia nu anturtamainiatsji. Nuja̱i̱ nekas Wakanin takakusha tura wáitrin wakaní̱n takakusha nekaamniaiti.

1 Jṉ. 5:20

Yusa Uchirí̱ ju̱ nuṉkanam taa nekas Yus ana nuna paant jintintramji. Yusa Uchirí̱ Jesukrístuja̱i̱ tsaniṉkia wekaakur nekas Yúsja̱i̱sha tsaniṉkiar wekaaji. Nekas Yus asa tuke iwiaaku átinia nuna nérenniuiti.