Use. 2:18 - Yus Papí: Shuarja̱i̱ Yus Yamaram Chicham Najanamu

¹⁸ Tura nu tsawantinkia Israer shuaran waitnentraran ashí kampunniunmaya̱ yajasma ainia nuja̱i̱ tura yakiya̱ nanamtin ainia núja̱i̱sha nuyá̱ napiji̱a̱i̱sha nawamnairar pujusárat tusan chichaman najanattajai. Tura tíshimkiuncha puya̱ncha núnisaṉ mesetnasha atsutí tusan amuktatjai. Túran imiatkinchanum aṉkant apujsartatjai.

Use. 2:18 Iomraidhean Croise

YKan. 148:10

kampunniunmaya̱ yajasma ainia nusha núnisaṉ taṉku ainia nusha japinias yujá ainia nusha, nanamtin áiniatirmesha Yus shiir awajsatarum.

YKan. 23:2

Kame tí peṉker yurumak írunmanum ayamtikrawai. Nuyá̱ miyaaku entsanmaani̱ apujtus wáitiawai.

YKan. 46:9

mánitiai naṉkincha kupirainia nu tura mesetnum wetai káruncha áestuinia nu iitiarum. Nuna tura ashí nuṉka náṉkatka ímianai̱ mesetan iniaṉnakchaik.

Isa. 2:11

Aents waantu enentáimtuma ainia nusha natsanmai̱ ajakártatui tura kajen ainia nusha péejchach ajasártatui. Túrunawarmatai nu tsawantinkia aya Uunt Yusak naṉkamantu awajnástatui.

Isa. 2:17

aentsu páantniuri̱ áiniayat ashí natsanmai̱ awajnákartatui. Tura aentsu naṉkamantu enentáimtairi̱sha péejchach awajnásartatui. Antsu aya Uunt Yusak naṉkamantu awajsamu átatui.

Isa. 2:4

Tura ashí nuṉkanam Akupea asa ashí aentsun chicharkartatui. Tura aentska ni puya̱ri̱nkia nuṉka pukutai tura naṉkirí̱nkia trikiu tsupitiai̱ awajsártatui. Aentssha chíkich nuṉkanmaya̱ aentsja̱i̱ mesetan jurunáikchartatui. Nui̱ṉkia mániatin unuimiátratniusha peṉké atsuttawai.

Isa. 26:1

Nu tsawantinkia Jutá nuṉke̱n ju̱ kanta kantamátui. Ii pépruri̱ṉkia wenuimiu takakji tiártatui. Uwempratniunka tanishmarma nútikia Yus ikiusuiti. Waiti uraitiarum uunt nuṉka mátsatkamu péṉker túrin ainia nu waya̱ttawai. Ámeka aṉkantnum tí peṉker wainkiattame. Kame ni enentáimmiaka Ámin tuke enentáimturma asa imiá shiir aṉkant pujuwiti.

Isa. 54:5

Warí ame áishrumka ámin Najatma Nuiti. Tura ni náari̱sha Ashí Akupin Úunt Yusaiti. Ame Akikmatramin Israer shuara Yusri̱ Peṉké Tunaarincha nu, Ashí Nuṉkanmaya̱ Yúsaiti tu anaikiamu átatui.

Isa. 65:25

Nuiṉkia rúpu ya̱wa̱sha̱ murikji̱a̱i̱ métek sa̱a̱kin yuáwartatui tura úunt ya̱wa̱sha waaka áintsaṉ sa̱a̱kin yútatui. Nuyá̱ napisha nuṉkan ju̱yu̱ri̱n yútatui. Tura yajauch awajnáikiatniusha núnisaṉ emesnaikiatniusha Winia akantúkma náintrui̱ṉkia atsuttawai” tawai Uunt Yus.

Jrm. 23:6

Tura Ni akuptiatna nu tsawantinkia Jutanmaya̱ shuarka uwemprartatui. Núnisaṉ Israersha aṉkant sapijmiatsuk matsamsartatui. Túramu ásar ‘Uunt Yus ii nekasa nuja̱i̱ métek túrutai̱’ tu anaikiartatui.”

Jrm. 30:10

Tura ámeka winia takartin Jakupá ashamkaip tura Israerá mayaim ishinkiaip tawai Uunt Yus. Nekaata áme shuarumin chíkich nuṉkanam achira yaruakman uwemtikniunka Witjiai. Jakupka aṉkant pujustaj tusa waketkittiawai tura niṉkia shiir enentáimias yáakesh itit awajsachma pujustatui.

Jrm. 33:16

Nu tsawantinkia Jutá shuarka uwemtikramu ártatui núnisaṉ Jerusaréṉnumia̱ shuarsha aṉkant sapijmiatsuk matsamsartatui. Tuma asamtai “Iin nekasa nuja̱i̱ ayamprutmaka Úunt Yusaiti” tu anaikiamu átatui.’

Isk. 34:25

Tura níji̱a̱i̱ṉkia aṉkant matsamsatin chichaman najanattajai. Núnisnak yajasma emesma nuṉká írunna nunasha ashí emeṉkártatjai. Túramtaikia kampuntin atsú nuṉkanmasha itit awajsachma aṉkantniunam tí peṉker matsamsartatui tura kampunniunmasha sapijmiatsuk kániartatui.

Isk. 39:1

“Aentsu uchiri̱yá, ámeka Kuk chicharkum ‘Uunt Yus Ashí Aentsu Uuntri̱ chichartamuk “Misekan tura Tuparan akupniu uuntri̱ Kuká, ju̱ nekaata. Yamaikia áminkia kajerkajme.

Sak. 14:4

Nu tsawantinkia etsa̱ tatainmaani̱ Jerusaréṉnum íṉkiuasmak Uriwiu naintia nui̱ Uunt Yus tarimiattawai. Túramtai Uriwiu naintkia etsa̱ tatainmaani̱yá̱ juarki̱ etsa̱ akatainmaani̱ ímianai jímiapetek nakakáttawai. Túrunamtai naint nakakma arakaani̱sha muchitiakui tura chíkich nakakma nu nuṉkaani̱sha muchitiakui paka ti waṉkaram tépaku ajastatui.

Sak. 14:9

Nuiṉkia Uunt Yus ashí ju̱ nuṉkanam akupkáttawai. Nu tsawantinkia Uunt Yusak aya Níṉkiti tura ni náari̱nkia chikichkiniak átatui.

Sak. 2:11

“Kame nu túrunamtai uunt nuṉka mátsatkamu untsurí Uunt Yusai̱ pachinkiartatui. Túrunawar Wi shuar ajasártatui. Nuya̱ṉka Wisha atumji̱a̱i̱ matsamsattajai. Nu túrunamtai antsu nuiṉkia Ashí Akupin Uunt Yus atumíin akuptúkua nu nekaattarme” tawai Uunt Yus.

Sak. 3:10

Tura Ashí Akupin Uunt Yus jú̱nis tawai. Nu tsawantinkia aṉkant aṉkant atumí amikri̱ uwa tura ikiu numi ejetari̱n ipiattarme” tímiayi.

Sak. 9:10

Wikia Eprain nuṉkanmaya̱ mánitiai̱ kárun tura Jerusaréṉnumia̱ kawairi̱ncha emeskartatjai. Tura mesetnum mánitiai tíshimkiusha emesnak amukáttawai. Túramtai Niṉkia uunt nuṉka mátsatkamu ainia nuna aṉkant shiir matsamsatniun chichampruktatui. Tura nayantsar nayantsar nuyá̱ Yúpratis entsanmaya̱ naṉkama nuṉka náṉkata ímianai akupin átatui.