Use. 2:12 - Yus Papí: Shuarja̱i̱ Yus Yamaram Chicham Najanamu

¹² Íkiuncha tura uwa ajancha ‘Ju̱ja̱i̱ winia tsanir akirkarmai’ tiarma núnaka emestukarjai. Túrawaram ni ajarí̱nkia kampuntin ajasármatai kampunniunmaya̱ yajasma yuáwartatui.

Use. 2:12 Iomraidhean Croise

YKan. 80:12

¿Urukamtai araka péṉkramuri̱sha sá̱a̱rkiniam? Warí túram ashí nuní̱ naṉkaamainia nusha úwan kupiniawai.

Isa. 29:17

Kame ishichik tsawant naṉkaamasmatai Ríwianu nuṉkaka péṉker nuṉka ajastatui tura nu nuṉkaka péṉker asa ti shiir arakmatai kampunniua ¿núnikchattuak?

Isa. 5:5

Wats yamaikia Winia uwa ajarun warí itiurkattaja nuna ujaktatjarme. Yamaikia wenuke̱ncha sa̱a̱rkittiajai túram amukma átatui. Tura tanishri̱ncha sa̱a̱rkittiajai túramtai yajasma naja̱trartatui.

Isa. 7:23

Núnisaṉ uwa aja mir kuit jeá ajamkamaitiat aya jáṉkik tura nárak wáinkiartatui. Túruna aya e̱a̱mkattsa wekatai̱ ajastatui. Núnisaṉ naint arakma yaunchu iruniarmia nui̱ṉkia ishichik aents aa asamtai aya waaka tura murik yurumtai̱ ajasártatui.

Jrm. 26:18

“Uunt akupin Esekías akupin ajas Jutanam pujumia nu tsawantincha Muresétnumia̱ Mikías Yúsnan etsermiayi. Tura Jutanam ashí aentsnum étsereak jú̱nis tímiayi. ‘Ashí Akupin Uunt Yus chichaak “Seúnnaka kampunniua nútiksar amú amú awajsártatui tura Jerusaréṉka tsai̱ tsai̱ awajnástatui núnisaṉ naint Uunt Yusa Je̱e̱ pujana nu naintia pakarí̱nkia kaya kusha wái̱ṉtatui”’ tu etserkamiayi. Mik. 3:12

Jrm. 5:17

Ame arakrumniasha tura yurumkarmincha núnisaṉ uchirmíncha ántsaṉ nawantrumniasha yurutrámattarme. Áitkiasaraṉ murikrumniasha waakarmincha tura úwarmincha nuyá̱ íkiurmi̱ncha yurutrámattarme. Tura ame pépruram iwiarkar utúachmin awajsamu ásarmatai ju̱i̱ṉkia itiurtámkachartatji tu enentáimtarmena nunasha puya̱ja̱i̱ emesturmaktatrume” tawai.

Jrm. 8:13

“Niṉkia nekas peṉké amukártatjai” tawai Uunt Yus. “Warí kanawe̱nka uwa nére̱ṉka peṉké juákchattawai ántsaṉ ikiu numiri̱ncha nere̱ṉka peṉké juákchattawai. Ántsaṉ nuke̱sha ashí ja̱ja̱tkartatui tura nin ashí súsaruitjiana nusha ashí naṉkaamasartatui.

Use. 13:8

Wikia chai̱ uchirí̱ jurukmia kajek wekaana ántsanak iṉkiuṉkartatjai. Tura úunt ya̱wa̱ yukartana núnisaṉ yukartakun achia̱ran tepetar amajkattajai.

Use. 2:5

Ni nukurí̱ tsanirmatamai tura ajapruk uchin natsamtsuk takus chichaak ‘Winia anentin armia nui̱ yurumátniurun, winia entsarun tura urerun, ríniurun nuyá̱ winia asuitirun tura winia umutairun surusarat tusan wetajai’ tímiayi.

Use. 5:14

Uunt Yus jú̱nis tíniuiti. Warí ímia wiki úunt ya̱wa̱ núnisaṉ Eprainnasha tura úunt ya̱wa̱ uchirí̱ya núnisnak Jutancha emeskan tura sá̱a̱ran ikiuktiatjai. Tura Wi emeskamtai achirar yaruakartata nui̱ṉkia yaaksha ayamprúktinkia peṉké atsuttawai.