Use. 14:9 - Yus Papí: Shuarja̱i̱ Yus Yamaram Chicham Najanamu

⁹ ¿Ya nékait? Nuka ju̱na péṉker antuktatui. Tura ¿ya esetar enentáimniuit? Nuka ju̱na nekaattawai. Warí Uunt Yusa jinti̱nkia nákaiti tura péṉker enentáinniuka nuja̱i̱ wekasartatui tura ántichu ainia nuka nui̱ṉ tukumkar iniarartatui.

Use. 14:9 Iomraidhean Croise

Naṉ. 18:25

Kame yajauchi túrichu yajauchin túrinji̱a̱i̱ métek máchminiaitmena núnaka nekas nékajai. Tura péṉkera túrinia nu yajauchi túrinji̱a̱i̱ ¿métek sumamtikiamniakaitiam? Ashí nuṉkanmaya̱ aents Sumamtikin asam ¿péṉkera nu túrashtatmek?” tímiayi Aprajám.

YKan. 107:43

Yaaksha ju̱na nekáa tura esetas anturak umía nuka Uunt Yusa waitnenkartutairi̱n nekaattawai.

YKan. 119:128

Tuma asamtai ashí akupkámu chicham umiktinniaka umikiuitjiai tura ashí wáitrin ainia nuna jintinkia muí̱jiajai.

YKan. 119:75

Maa Uunt Yusá Ame akupkámu nekasa nuja̱i̱ métek péṉker ainia nuna nékajai. Kame túratniua tímiatrus umin asam asutiuám wáitkiarsamamna nuka nékaskeyi.

YKan. 84:5

¡Kame Amiiní̱ya̱n kakarman wainiainia nuka shiir awajsamu áiniawai tura ni enentáinkia aya Ame jintimín enentáimtusar wekainiawai!

YKan. 84:7

Seúnnum Yusan wáinkiatai tusar kaka̱a̱kiar nuna kakaram ajakiar Yusai̱ jeainiawai.

Neka. 10:29

Uunt Yus túramuka péṉker wekáa nuna ejamtairi̱nti antsu yajauchi túrin ainia núnaka émesnartinia nuiti.

Neka. 16:21

Nékaka péṉker enentáimkiaiti nuyá̱ shiir chichamtiṉkia nuna núkap nekaattawai.

Neka. 4:18

Antsu Yusan umirkaru wekaamuri̱ṉkia etsa̱ etsantki̱ takuuṉki̱ tutupnirka ashí tsáapin ajana núnisaiti.

Isa. 17:8

Nuya̱ṉka aestutai̱ ni uwejé̱ja̱i̱ najankamu ainia núnaka íischartatui. Núnisan Asera nakumkarmancha tura etsa̱ nakumkar ni tsara uwejé̱ja̱i̱ najankamu irunainia núnaka peṉké íischartatui.

Isa. 26:7

Péṉkeran túrinia nuna jinti̱nkia nákaiti. Ame naka enentáimin asam péṉkera túrinia nuna jinti̱ní̱ wetá. Maa Uunt Yusru, iikia Ámin nákasmaji. Nekasa nuja̱i̱ métek nuṉka sumamtikniumin nuṉká matsatna nu aents nekasa nuja̱i̱ métek túratniun nekaawartatui. Tura Yusan enentáimtichu ainia nuka nekasa nuja̱i̱ métek túratniun nékainiatsui núnisaṉ Uunt Yusa tsáapnintri̱n waintsui núnisaṉ naka wekain ainia nú nuṉkanmasha yajauchin túruiniawai. Ame kakarmarmincha wainiainiatsui. Ame asutiam emeskaruitme. Túram ti shiir ajasuitme. Tura ashí tesarnáiyamua ímianai iwiaṉkáruitme.

Jrm. 29:12

Nuiṉkia untsurkattarme. Tura kaunkarum seatkurminkia Wisha núnisnak anturkattajrume.

Jrm. 9:12

¿Ya shuarak timiá nékait ju̱na nekaatniusha? Uunt Yussha ¿yanak chichasuit? ju̱na paant awajsatniuncha. ¿Urukamtai nuṉkasha emesnaksha kampuntin atsú nuṉka núniksha naṉkaamakchamniasha ajasuit?

Isk. 18:25

Túrasha átumka chichakrum ‘Uuntka péṉker túratsui’ tárume. Tuma asarum yamaikia Israer shuartiram antuktarum ¿Wi túramuka yajauchikiait? ¿Nekaska átum túramuchuk imiankaska yajauchit?

Isk. 36:25

Tura péṉker entsaja̱i̱ ukatran ashí yajauchia nuyá̱ atumí tunaari̱ncha tsaṉkurattajai. Nuyá̱ najankamu yus enentáimtutai̱nmaya̱sha aṉkant awajsattajrume.

Tan. 12:10

Kame untsurí aents nijiatkar imiatkincha puju awajsamu ártatui. Túrasha Yusan enentáimtichu ainia nuka yajauchin túruiniak peṉké nekaachartatui. Antsu neka ainia nuka nekaawartatui.

Sup. 3:5

Túmaitkiuisha Jiuwaka aya tí peṉkernak túriniaiti, yajauchinkia túrashtatui. Táamtsuk tuke káshik ni naka sumamtiktairi̱n paant awajui tura Ni túrutai̱ya núnaka túrutskeka iniaisashtatui. Túrasha Yusan enentáimtichuka natsantan nékatsui.

Sak. 10:6

Waitnentainiakun Jutanka kakaram awajsaran Jusé shuari̱nkia aṉkant awajsartatjai. Tura náakam ajasárua núnisar Eprainniumia̱ṉka Uunt Yusai̱ warasartatui. Tura ní uchirí̱sha núnaka wáinkiar núnisar warasartatui. Tuíntsuk matsatainia nui̱sha Wíniaka enentáimturiartatui. Áitkiasnak tui̱ matsatainia nuya̱ntka ji̱i̱raran Karaatnum tura Ríwianunam ikiankartatjai. Túrasha ashí aents matsamsatin nuṉka jeashtatui. Núnisaṉ Asiria waantu enentáimtumatairi̱ncha emestukartatjai antsu Ejiptu akuptai̱ naṉkiri̱nkia emeṉkátkattajai.

Mat. 11:19

Nuyá̱ Wisha Aents Ajasan támajai. Tura yurumeakui tura úmakui ‘Ti yuruminiuiti tura ti nampenaiti. Ashí yajauch shuaran amikri̱nti’ túrutrume. Wátsek, wi túramuja̱i̱ Yus nekas nékamu nekanattawai” tímiayi.

Ruk. 2:34

Semiuncha chichaak “Yus shiir enentáimturmasarti” ti Marin chicharuk “Nekaata. Ju̱ Uchin Israer shuartisha untsurí nakitrar iniarartatji. Tura chíkich Israer shuartikia ju̱ Uchin shiir enentáimtusar ti wararsartatji. Tura Uchiram Yusa kakarmari̱n ti paant iniakmastatui. Tuma ai̱ṉ untsurí Aun yajauch chichariartatui.

Ruk. 7:23

Yawe̱tsuk Winia tuke shiir enentáimturna nú shuar shiir átatui” tímiayi Jesus.

Juaṉ 15:24

Aents peṉké túrachman túrachuitkiuiṉkia yajauch túramunam sumamacharainti. Antsu wi túramun wáinkiaru áiniayat Winiasha tura winia Aparnasha nakitiáiniawai.Jṉ. 9:41

Juaṉ 18:37

Piratusha “¿Nuikia ame nekas úunt akupniukaitiam?” tutai Jesussha “Ee, ame támena nu nekasaiti. Jú̱ nuṉkanam akiinian ashí shuaran nekasa nuna ujaktinian táwitjiai. Ashí shuar nekasa nuna umirniuka Wi táman ántawai” tímiayi.

Juaṉ 8:47

Yus shuarka Yus timian ántawai tura átum Yúsnachu asarum Wi tájana nu nakitiarme” tímiayi.

Juaṉ 9:39

Nuyá̱ Jesus chichaak “Shuara enentái̱n nekaan akantratajtsan táwitjiai. Ni enentái̱n kusuru ai̱ṉ íimtiktinian tura anaṉmamuk ‘Yúsnan nekaan paant iimjiai’ tana nuna ukusturtinian táwitjiai” tímiayi.

Tur. 13:10

“Ámeka wáitiaitme. Anaṉkartiniaitme. Yajauchitme. Maaj, iwianchitme. Tura ashí péṉker ana nuka nakitniuitme. Tsej, ¿urukamtai Yusa jinti̱ naka ana nu emeskim wéam?

Rum. 7:12

Tuma asamtai akupkámuka Yusna asa tí peṉkeraiti. Yajauchichuiti.

Muis. 32:4

Niṉkia kátsuram Káyaiti, Israeran ayampri̱niaiti. Ni túramuri̱ṉkia ashí péṉkeraiti kame ashí túrana nuka nékaskete. Niṉkia nekas umin Yus asa yajauchiji̱a̱i̱ peṉké páchitkiachuiti antsu Niṉkia aya péṉkerkete.

Apu. 15:3

Túramtai kantamáwarmai. Yusa takarniúri̱ Muisaisa kantari̱ncha tura Murikiu kantari̱ncha kantamáiniak tiarmai “Uuntá, Ashí Tujinchaitme. Tí peṉker tura ti enentáimturmin ashí najanaitme. Ashí Úunt Akupin asam ashí nekasa nu túrasha péṉkera nu túriniaitme.Use. 14:9