Use. 14:6 - Yus Papí: Shuarja̱i̱ Yus Yamaram Chicham Najanamu

⁶ Ni kanawe̱sha tseṉkerartatui. Tura ni peṉkeri̱ṉkia uriwiua ánis nuyá̱ kuṉkunti̱sha Ríwianunmaya̱ setru kuṉkunti̱a ímianu kuṉkuittiawai.

Use. 14:6 Iomraidhean Croise

Naṉ. 27:27

Nu tutai Jakupsha ni aparí̱n weantuk yapi̱n mukutamiayi. Tura Isaksha ni uchirí̱ pushiri̱n kuṉkuamun nekaper shiir pujutnum yúmiṉkiak chicharuk “Ju̱ka winia uchiru kuṉkuntí̱yaiti. Uunt Yus yaya̱muja̱i̱ e̱a̱min asa kampuntin kuṉkuakuiti.

YKan. 128:3

Ame núwemka uwa ame je̱e̱min ayamach wajas nereana tura ame uchirmesha je̱e̱min ayamach wajas uriwiu yama nereana núnis ártatui.

YKan. 52:8

Túrasha wikia Yusa Uunt Je̱e̱nkia uriwiu samek kuku̱jraná ímiatrusan átatjai. Uunt Yusa waitnenkartutairi̱nkia amuicha tuke ana nuna enentáimtustatjai.

YKan. 92:12

Yusan enentáimtinkia tintiukia núnis kuku̱jruktatui. Tura Ríwianunmaya̱ sétur numia núnis esaram yakí̱ tsakartatui.

Isa. 27:6

Israer shuar ukunmaṉka kaṉkaprurtatui túruna ni nere̱ja̱i̱ nuṉká piáktatui. Uunt Yus eteṉmas Israernaka asutiáttawai. Chíkich nuṉka mátsatkamun asutiáwarma nuni̱ṉkia asutiáshtatui.

Isa. 35:2

Kampuntin atsú nuṉka núkap kuku̱jruk warastatui. Núnisaṉ tí waras kantamáttui. Ríwianu páantniuri̱ṉkia núnin atsú nuṉka sunastatui. Tura Karmiriu nuṉka núnisan Saruna shíirmari̱ya̱ núnin atsú nuṉka sunastatui. Tura Jiuwá winchari̱n tura ii Yusri̱ shíirmari̱n wáinkiartatui.

Isa. 66:14

Kame atumsha nu túramu wainkiarum atumí enentái̱ warastatui tura atumí ukunchi̱sha chírichriya núnis je̱e̱rartatui. Nuiṉkia Uunt Yus ni takarniúri̱ ainia núnaka ni kakarmari̱n nekamtikiawartatui antsu ni nemasri̱nkia kajerkartatui.

Jrm. 11:16

‘Samek uriwiu péṉker iira tura néreṉka shíiram’ ame náarminkia Uunt Yus jú̱nis anaitiamkaiti. Túrasha yamaikia kakaram ipiamtan aju̱ntar ni nuke̱ṉka áestuktatui tura ni kanawe̱ṉka kupintraru ártatui” tawai Uunt Yus tímiayi.

Use. 6:3

Uunt Yus nekaatin ti wakerukar kakaram e̱a̱kartai. Warí etsa̱ imiá nekas jíinkittiana núnis tura yumi nekas yutuk nuyá̱ ataksha imiá nekas yutuktatna núnis Uunt Yus iin tarutramartatjinia nuja̱i̱ métek nekas nekamniaitji.

Mat. 13:31

Jesus ataksha métektaku chichaman áujmatsamiayi. “Shuar Yus akupeamunam pachinkiartin mustasa jiṉkiaiya áintsaṉkete. Shuar péṉker nuṉke̱n araamai.

Juaṉ 15:1

“Witjiai nekas araknaka tura Winia Aparka arakan wáinniuiti.

Jir. 4:18

Epaprutítiuja̱i̱ akuptúrkamarum núja̱i̱sha atsumamaj nuna naṉkaamas tiáruncha wainkiajai. Akuptúrkamarum nusha ti kuṉkuin Yus susamua áinis ti shiir auyi.